هــل الالتـــيــــمــــا عمليــــــة امــ لا ..(للمجربين)

مشكلة كراسي المكينة والمساعدات الامامية حقت 2005 كلمني قريب لي يشتغل في صيانة نيسان يقول اشتغلنا اوفر تايم ايام وايام كرف نغير المكينة ((للدفعة الرابعة فقط)) والمساعدات وهي جديدة او صيانة 1000 كيلو من السيارة للصندوق ومن الصندوق للسيارة هذا بالنسبة للمكينة اما المساعدات لجميع دفعات 2005 ويقول 2006 و2007 مافي اي مشاكل ممتازة
اما 2008 ما سئلته ابي تعدي ثلاثة شهور من بداية بيعها للناس ثم اسئله 000
واسئل الله ان يوفق الجميع لما يحبه ويرضاة 000

والله الموتر بصراحه يعني ما اقدر احكم عليه لأنه إلى ساعه كتابه الرد ماشي 9503 :) < شاريه من 7 او 6 شهور ومامشى الا هالكيلوات بس :)

الموتر للحين الحمد لله يارب ماصادفني فيه شيء كايد

الا طقطقه في قزاز السواق وهذي معروفه واهل الالتيما يعرفونها ..

وفيه عندي صوت مزعج كرهني في الموتر في الشنطه فيه زي الاسياخ الحديد متاعكسين يطلعون اصوات لكن اللحين مايطلع اصوات < مزاجي

بس هذا اللي شفته منها

الموتر سافرت عليه لـ الشرقيه و مكه وجده والطايف

بصراحه ماشاء الله تبارك الله ماتوقعت هالرساوه فيه

امشي 210 وكان فيه هواء شوي وشايل يدي عن الطاره والله الموتر في طريقه

عموماً ملخص الكلام .. الالتيما موتر عملي بس مادري ليه عندنا ماحد عطاه حقه :)

روح الامارات شوف الالتيمات وش كثرها هناك عندنا نادر وجودها :(

والله أنــا أعــرف كــم واحــد ما أشتكوو منــه على أنــه راعيــن مقاومات
بــس فــي واحــد مــعاه فــل كامل قيــر أوتو ماشيـه حول 30 ألــف ترتفــع الحــراره

هيه حلوة ومره قوية لا كن صراحة مانصح عندي واحد من خوياني عنده 2005 اخذها اسبوعين وانصقعت الواجهه مو مره اتعدمت بس كم كلفته مع العلم الصقعه مو مره كبيرة سعر التكلفه 36000

والله الالتيما ممتازة وكانت من السيارات اللي كنت افكر فيها قبل لا اشتري الاكورد وقريت عنها كثير لكن ماحصل نصيب بسبب بياخته من الداخل من 2007 وتحت ، اما 2008 ماعليها كلام توكل على الله والله يوفقك ومبروك مقدماً .

بصراحة السيارة اللي اعرفه شي واحد عنها

السيارة قوية وكل شي بس الألتيما نقطة ضعفها المطبات يعني السيارة بتتكسر تكسير وتتهربد مع المطبات والحفر

مو زي الأكورد ماشا الله مع المطبات والحفر

والله عمليه أنا أشهد عندنا بالبيت وحده موديل 89 ماشيه 461000 كم تمام وعزم بعد:D

السلام عليكم


أخوي كيف حالك


أنا السياره بعد شهرين (( أقل بكم يوم ))

بكتب تقرير عن تكملة 3 سنوات مع ألتيما ....


بصراحه عطيتها أنا كثر ما عطتني ...

<< أول سنه ونص عذاب عذبتها .... (( ما فيه مراعاه أو مراعاه بسيطه (حسب الخمّه )))

يسوقونها 3 أشخاص غيري اللي هم أخواني (( السنه هذي بس ))

سويت فيها حادث في الركن الأيمن (( دخلت تحت شاحنه وبنطت في كفر الأستبنه )) الله فكني الحمدالله

أحك فيها مطبات الله لا يوريك أكاد أن أقول لا يمر يومين إلا وحاك في مطب (( قدام بيتهم مطبات ))

عن المفحطين الله يشغلهم (( <<< بيتهم على زاويه وشارعهم وسيع جداً ))

ومركب جنوط غرابي 18 عرض الكفر 18/225 يعني قريب من الأرض

يعني راح يفكك السياره لأن كل مطب أحسه بقلبي ...(( وإن كان خفيف )) (( وكل شوي الكفر محبل ))

وأحب العب بالقير أرجعه إلى الأول في القومات ثم الثاني وهاكذا

واستانس أول على الثالث لمسه وحده يمين ما أفك السياره إلا لما توصل في الثالث 183 بالضبط (( ما ماشاء الله ))

بس بيني وبينك مع ذلك مواضب على الوكاله (( بنسبه 70% ))

يعني أطوف عشرين وأجيهم عشرين وزي كذا السياره ما شيه 125 ألف تقريباً

ما شاء الله مرتاح منها وخاصه في السفر (( فيها رساوه ما شفتها في سياره في فئتها )) (( بحكم أني ما جربت السوباروا ))



العيوب التي ظهرت لي (( وليست من سوء الإستعمال ))

طقطقه بسيط في الطبلون (( من الوكاله كانت خفيفه ))

خراب السماعه اليمين الأماميه (( ما خربت خربت بس انفجرت (يعني يطلع صوت بس مع نشاز ))

المكيف الخلفي وجوده مثل عدمه (( ما يضبط إلى في خطوط طويله ))

توزيع المكيف سيئ نوعاً ما (( الجديد أفضل بكثير )) ما شاء الله

وأيضاً طقطقه بسيط في الباب الأيمن إلى نزلت الشباك (( تروح 3 شهور وتجي فجأه ثم تروح ))



+

وكاله تعتبر متوسطه وتميل كثير من الأحيان إلى الفشل ...


وإن شاء الله إني أفدتكم

تحيتي

والله اللي اشوفه مع اللي اعرفهم انها عمليه وبقوه .. اللي اعرفه مركب فيها فلتر وهدرز ودبه وكل اربعاء وخميس مقاومات وجلد بهالسياره ووماقالت لا الله يتمم عليها .. :)
المشكله اللي كانت معه بالمقصات اعتقد لانه هو كان من دفعه 2005 .. والمقصات صلحها على الضمان

اذا انت تبيها للعزم فراح تحصله بالألتيما :) لكن اذا تبي تطمر فيها رصيف وتبي تاكل المطبات على 60 ما راح تعيش معك وتبي تفكك .. :)