محتار بين الــ انفينتي G35 2008 و لكزس ES350 2008

الانفينيتي اكيد افضل من ناحية القوه يكفي انها تناطح الاس اس في القوه بقوووه

وهذا المستوى بعيد جدا عن اللكزس الي تشلخها بمكسيما

تحياتي

اخوي معليش انا عارف اني داخل دخلة غلط بس اذا انت ماتقدر عليهن ليش توجع راسك فيهم حرام تهلك راتبك لسيارة انت منت قادر عليها
انصحك بتغير رايك لسيارة تقدر عليها
مثل اكورد اوريون التيما
وبالنهاية القرار لك وهذي نصيحة محب

أخوي صاحب الموضوع

كان الله في عونك والأمر جدا محير ,,

أنا أتفق معك في أفضلية ES

لكن

ماهي ميولك أهي رياضية أم مائلة أكثر للإستقار

وكم عدد أفراد عائلتك ؟؟

وكم عمرك ؟؟

الـ G

وأنت تعرف بطبيعة حال الدفع الخلفي أن

المقاعد الخلفية أضيق من غيرها

_______

صراحة لو فيك شدة على ES

فهي جيدها

لكن راح تتعب مع الدفعات وخاصة الدفعة الأخيره ...

_______________

وأنا لو مكانك

راح أخذ الإنفنتي بحكم إن المقاعد الخلفية لا تهمني

ولا حتى السقف البانوراما

قد ما يهمني متعة الدفع الخلفي

وخاصة مع التقسيط الرائع

والسلام عليكم

السلام عليكم

ودي أسألك كم سؤال ؟

1/ أخوي انت شاري عشان تبيع ؟؟

2/ هل الدفعه الأخيره من لكزس الـ 47 ألف مخصومه من الفوائد ولا لا ؟؟

3/ هل تعلم أن الجي اس أعلى فئه من الإي أس وأقوى وأفضل حتى مواصفات ودفع خلفي ؟؟



تحيه طيبه

سلام عليكم

اخوى بلا منازع الجى سيدان احلى وشكلها سبورت وكشخه عن اللكزس
هذا عندكم يمكن الصيانه تعبانه اما عدنا فى الامارات ماشىء احسن عن الانفنيتى فى الصيانه
اللوم فى الوكيل التعبان لى عندكم الكل يشتكى منه صراحه انا اشوف الجى سيدان مناسبه لك
بلا بانوراما بلا خرابيط الجي سيدان عزمها خياااااال .. اتمنالك التوفيق

اخوي احسب سعر السيارتين بعد الفوائد

على حسب كلامك ان سعر الانفنيتي 145000 نطرح منها 50000 يبقى 95000
يعني راح تقسط على خمس سنوات على الاقل الفايدة السنويه تقريبا 8 بالميه
يعني القسط راح يكون قريب 2000 ريال
الفايدة تقريبا 28 الى 30 الف ريال
يعني سعر الانفينيتي راح يطلع تقريبا 170 الف بعد الفوايد تقريبا

اللكزس سعره 160000 الف نطرح منه 50000 يبقى 110000
راح تقسط على الاقل على خمس سنوات و نص الفايدة السنويه عند تويوتا 10 بالميه
يعني القسط راح يكون فوق 2400 ريال
راح يطلع سعر اللكزس بعدالفوايد تقريبا 210 الاف ريال يعني الفايدة تقريبا 50 الى 55 الف ريال


نجي للمهم سعر الانفينيتي الاجمالي راح يطلع في حدود 170 الف
سعر اللكزس في حدود 210 الاف
الفرق 40 الف ريال بعد الفوايد
فكر فيها اذا بغيت تبيع السياره بعد خمس سنوات كم راح تكون دفعت و كم خسرت
الانفينيتي بعد خمس سنوات راح تجيب 55 الى 50 الف
للكزس راح يجيب 60 الى 70 الف
بس انت بالاساس كم دفعت ؟؟
دفعت 210 على للكزس
و دفعت 170 على الانفينيتي
كم صار في جيبك اذا جيت تبيع السياره بعدخمس سنوات
الانفينيتي 50 الف الخساره = 170 - 50 = 120 الف هذي خسارتك بالسياره
للكزس 70 الف = 210 - 70 = 140 الف هذي خسارتك باللكزس
فكر فيها مره ثانية راح تشوف ان الخساره باللكزس اكثر و انت ارجع مره ثانيه و اسال عن الاسعار بعد حسب الفوائد و اجمالي السعر بعد الاقساط .
حتى لو بعت الانفينيتي ب 40 الف انت الكسبان بعد خمس سنوات .