محتار بين الــ انفينتي G35 2008 و لكزس ES350 2008

خذ الانفنتي وتوكل على الله

lEXUS ES

اخوي احسب سعر السيارتين بعد الفوائد

على حسب كلامك ان سعر الانفنيتي 145000 نطرح منها 50000 يبقى 95000
يعني راح تقسط على خمس سنوات على الاقل الفايدة السنويه تقريبا 8 بالميه
يعني القسط راح يكون قريب 2000 ريال
الفايدة تقريبا 28 الى 30 الف ريال
يعني سعر الانفينيتي راح يطلع تقريبا 170 الف بعد الفوايد تقريبا

اللكزس سعره 160000 الف نطرح منه 50000 يبقى 110000
راح تقسط على الاقل على خمس سنوات و نص الفايدة السنويه عند تويوتا 10 بالميه
يعني القسط راح يكون فوق 2400 ريال
راح يطلع سعر اللكزس بعدالفوايد تقريبا 210 الاف ريال يعني الفايدة تقريبا 50 الى 55 الف ريال


نجي للمهم سعر الانفينيتي الاجمالي راح يطلع في حدود 170 الف
سعر اللكزس في حدود 210 الاف
الفرق 40 الف ريال بعد الفوايد
فكر فيها اذا بغيت تبيع السياره بعد خمس سنوات كم راح تكون دفعت و كم خسرت
الانفينيتي بعد خمس سنوات راح تجيب 55 الى 50 الف
للكزس راح يجيب 60 الى 70 الف
بس انت بالاساس كم دفعت ؟؟
دفعت 210 على للكزس
و دفعت 170 على الانفينيتي
كم صار في جيبك اذا جيت تبيع السياره بعدخمس سنوات
الانفينيتي 50 الف الخساره = 170 - 50 = 120 الف هذي خسارتك بالسياره
للكزس 70 الف = 210 - 70 = 140 الف هذي خسارتك باللكزس
فكر فيها مره ثانية راح تشوف ان الخساره باللكزس اكثر و انت ارجع مره ثانيه و اسال عن الاسعار بعد حسب الفوائد و اجمالي السعر بعد الاقساط .
حتى لو بعت الانفينيتي ب 40 الف انت الكسبان بعد خمس سنوات .

الافنتي تتفوق فقط بحسب رأيي الشخصي في المحرك مع الدفع الخلفي
وغير هذا كلة فخامة وهدوء وسعر البيع وقطع الغيار وشالشخصية
والسمعة والجودة اااالخ كلة ينصب للكزس
تحياتي

حسب مجلة سعودي أوتو العدد 161 الانفنتي مايقران بال ES وانما يقار ب IS

هذي الأولى اما الثانية عندي الانفنتي أحلى بكثير من اللكزس حتى لو ES شكلها سبورت والشي الثاني مو منتشره والشي الثالث تقنياتها حلوه والشي الرابع عززززززززززززززززززم

بس اللكزس أوس في المراتب الخلفيه اذا يهمك الحجم

والسلام

الانفينيتي اكيد افضل من ناحية القوه يكفي انها تناطح الاس اس في القوه بقوووه

وهذا المستوى بعيد جدا عن اللكزس الي تشلخها بمكسيما

تحياتي

والله انا مع ابو تركي وش لك بالدين
خذلك اكورد اربعة سرندل كشخة وجودة

السلام عليكم

شوف حبيبي يكفيك إنها

من أفضل ...

10 محركات في العالم


وأيضاً


أفضل عشر سيارات 2007

2007 Infiniti G35 Sedan - 10Best Cars




وبالنسبه لاخوي كل الحب

هي بالفئه فعلاً الإي أس أعلى فئه ...

لكن اللي أشوفه في الأرقام والمواصفات فاللكزس أشوفها أكبر (( وجهة نظري ))

لأن هي البي أم الفئه الثالثه أكثر من فئه الإي إس 300 وايضاً الـ 350


تحيه طيبه

اخوي معليش انا عارف اني داخل دخلة غلط بس اذا انت ماتقدر عليهن ليش توجع راسك فيهم حرام تهلك راتبك لسيارة انت منت قادر عليها
انصحك بتغير رايك لسيارة تقدر عليها
مثل اكورد اوريون التيما
وبالنهاية القرار لك وهذي نصيحة محب

أخواي ما تقصد بـ( جي اس)

إذا تقصد GS لكزس فكلامك صحيح - لكن وش دخلها بالموضوع -

أما إذا تقصد

G35 إنفنتي فكلامك خاطئ

فإنفنتي G فئة أقل من ES بالـ ES أكثر ممواصفات

وتتميز G دفع خلفي ..

وهي من مستوى IS وليس ES ...

___________________________

أخوي صاحب الموضوع

كان الله في عونك والأمر جدا محير ,,

أنا أتفق معك في أفضلية ES

لكن

ماهي ميولك أهي رياضية أم مائلة أكثر للإستقار

وكم عدد أفراد عائلتك ؟؟

وكم عمرك ؟؟

الـ G

وأنت تعرف بطبيعة حال الدفع الخلفي أن

المقاعد الخلفية أضيق من غيرها

_______

صراحة لو فيك شدة على ES

فهي جيدها

لكن راح تتعب مع الدفعات وخاصة الدفعة الأخيره ...

_______________

وأنا لو مكانك

راح أخذ الإنفنتي بحكم إن المقاعد الخلفية لا تهمني

ولا حتى السقف البانوراما

قد ما يهمني متعة الدفع الخلفي

وخاصة مع التقسيط الرائع

والسلام عليكم

السلام عليكم

ودي أسألك كم سؤال ؟

1/ أخوي انت شاري عشان تبيع ؟؟

2/ هل الدفعه الأخيره من لكزس الـ 47 ألف مخصومه من الفوائد ولا لا ؟؟

3/ هل تعلم أن الجي اس أعلى فئه من الإي أس وأقوى وأفضل حتى مواصفات ودفع خلفي ؟؟



تحيه طيبه