gx 8 او gxr 6 والله محتار والسعر يفرق كثير

ميزة القير العادي في المناطق الجبلية انك انت اللي تتحكم في عزم السيارة ولا يغثك القير التماتيك كل شوي يجي يعشق علشان يريح السيارة وهذا اللي يخلي القير التماتيك ادؤه اضعف ويمكن يخرب عليك بعد اذا كنت من اهل المنطقه و دايم تطلع و تنزل فيه حتى لو كان رقما القير التماتيك يوفر عزم افضل قليلا

عليك بــ ( V8 ) ولا تشاور

توكل على الله

والله يعطيك خيره ويكفيه شرهاا مقدماا

والله عاد عشان حتة إكسسوارات أخسر أفضل صيانة في المملكة؟!!!!!!

وبالنسبة للقير الأوتو، كلامك غير صحيح، حيث أنه فعلياً القير الأوتو الجديد من تويوتا يعطي عزم أفضل من القير العايدي الخمس سرعات، وعزم الدوران في الأوتو 383 نيوتن.متر، بينما في العايدي حول الـ 340 نيوتن.متر.

وأنا جربت الفورتشنر القير العايدي، وإللي عندي أوتوماتيك، وكان الأوتو عزمه أقوى. وهو نفس محرك اللاند كروزر ونفس القير (نفس النسب وعدد التغييرات، لكن طريقة التغيير تختلف، حيث أن اللاند صار تب ترونك).

ابو جميل ماعاد عندة GXR كله GX بس انواع رقم 1و2و3و4 رقم 3و4 هو نفس ال GXR عند اليحي

فارق السعر هذا ليس دقيقا من جهتكم
اليحيى يورد gx-r و gx
اما عبد اللطيف جميل ما يورد الا gx
بالنسبه لليحيى اسعاره بالنسبة للـgx نفس اسعار عبداللطيف جميل ولكن يفرق بالاكسسورات لصالح اليحيى
فمثلا gx فل كامل عن عبداللطيف بـ162 ألف المميزات دف لوك + ونش طبعا بدون فتحه
أما اليحيى دف لوك +ونش+فتحه هذا غير الاكسسورات الاصلية الغير معدله ونفس السعر 162 ألف
بينما السعر اللي انت تقوله 176 هذا للـgx-r
طبعا اكيد عبداللطيف يمتاز بالصيانة ولكن اليحيى يمتاز بالجودة والفخامة مثل الكروم والتخشيب وأنوار التي تحت الباب وغيره
اذا كان الضمان ما يهمك خذ اليحيى أو خذ عبد اللطيف انت بالخيار
ولا تنسى الاستخاره

نعم، الست سلندر في 2008 أقوى منه في 2007 وما يصرف بنزين.

fj

يهمني صرف البنزين وعارف الثمانيه مثل مايعطيك .. لازم تعطيه

يقولون اللي عنده 6 سلندر موديل 2007 انه عزمه بيبهذلك

وهو اكثر منه في الشوارع مافيه

ويرغبونه في السوق عن ال8 سلندر لانه يشرب بنزين

عرفت الفكره ليش انا محتار الشعب كلهم يقولون خذ ثمانيه

وانا ماني حق تطعيس ولا جر بالموتر

اذا 6 سلندر في 2008 اقوى من ال6 في 2007

وصلنا خير

الكل يفضل المحرك الجبار حتى لو منت راعي بر

اذا مايهمك صرف البانزين اخذ 8 سنلدر ابو جميل طبعا

مافيها كلام 8 سلندر حتى لو أنه سيكل

أو 6 سلندر من أبو جميل قير عادي وضبطه من الخارج بكم ألف بمعرفتك

بالتوفيق أخوي

يا اخوان، إللي جربوا الست سلندر يمدحونها جداً، ويقولون أنشط من الثمان سلندر في البر، منهم الأخ OIIO وغيره. وعزمه قوي جداً لا تستهون به، أنا سيارتي فيها نفس المحرك وحملتها سابقاً بثمان ركاب بالغين، وسحبت فيها مقطورة ثقيلة جداً وما وجدت أي عيب في العزم.

لكن مع ذلك، لو بيدي الخيار أختار الثمان سلندر بسبب العزم الإضافي والقوة الإضافية.

الستة سلندر 2008 ماكينته 4000 سى سى
بينما الستة سلندر 2007 ماكينته 4500 سي سي
يعنى 2008 ستة سلندر سيارة ثقيلة ولا أنصحك تشريها حتى لو ماتعرف البر

فعليك بال 8 سلندر .

والله اذا كان عزمه مثل القديم 2007 انصحك بالثمانيه سرندل لان السته في القديم يالله يمشي

وفيه ثقل ونصيحه للك جربها السته والثمانيه قبل ما تشتري

اذا الV8 عند ابوجميل ب 168 الف اصرف لك من 200 الف ترا الزوايد نفس الشي اللهم الخطة الجانبيه وبعض الزوايد اللي ماتستاهل الفرق ذا كله 27 الف ريال حرام والله
وانا افضل اللي بدون خطة احس انه رزة اكثر والخطة كل سنة يغيرونها عشان الناس تغير بس لااكثر

ابو جميل 8 اسطوانات والله يعطيك خيرة ويكفيك شرة مقدماً ..

على فكرة السيارتين ارخص من سيارات اليحيى .. لكن الـ 6 اسطوانات اذا كان عدد الأسرة كبير ماراح يكون عزمة ممتاز مثل الـ 8 اسطوانات ..

أنا لو منك أفضل الثمان سلندر. الست سلندر جيد، وصرفيته أفضل بكثير ويكفيك، لكن الثمان سلندر يعطيك قوة جر أفضل.

وأنصح بعبد اللطيف جميل عشان الصيانة عندهم ممتازة والضمان ممتاز. وفارق السعر يقطع الشك باليقين. اليحيى والبازعي أسعارهم غالية لأنهم يستجلبوا السيارات من الخليج، يعني يشتريها من وكيل وليس مباشرة من تويوتا، وبالتالي سعره غالي. صحيح مواصفات أحلى، لكن أنا ما أشوف فارق المواصفات تستاهل فارق السعر.