ماشاء الله صوت الماكينه طرب تدل على قوة جباره
أترككم مع الأسد الأمريكي
السلام عليكم شباب،،
أولاً: صوت المكينة ما يدل على قوتها بأي حال من الأحوال.. شوف مكينة السوبربان موديلات الثمانينات كيف قوة صوتها و(طربة) مع ذلك قوتها ما تتعدى 170 حصان، وبالمقابل شوف مكينة اليوكون واليوكون إكس إل الجديدان كيف هااااادية مع ذلك تطلع قوة 380 حصان !!!
ثانياً: مثل ما قال الأخ salehhd بأن اللي مسجل المقطع مركب عادم (Exhaust) جديد وحاب يعرضه على الناس في الإنترنت فقط،،
أحس الوجهيه دلع... القديم كان هيبه أكثر. (رأي شخصي).
هو اليوكون دينالي مصمم أساساً كسيارة دفع رباعي دلوعة،، يعني بمواصفات الدفع الرباعي كلها لكن مع زيادات داخلية وخارجية لزيادة الشعور بالفخامة والترف و(الدلع)..
بس الظاهر ما قد مر من جنبكم مفخذ أحمر أبو طاقيه بيضا (جمس صحن) ورج صوته زجاج سياراتكم حتى كادت أن تتكسر.. سلم لي عليه
حتى الأجانب اللي في المقطع قاموا يهايطون بس ما يعرفون زين :)
بصراحة لم أفهم الجملة في السطر الأخير،، أي أجانب وأي مقطع تقصد بالضبط ؟؟
وعلى طاري هالسالفة،، قبل كم يوم وأنا رايح لصلاة الفجر في ديرتي الهادية (مافيها إلا سيارتين أو ثلاث في هالحزة) وقفت في إشارة ورحت في هواجيس ثم يوم صارت خضراء ومشيت ما دريت إلا وقلبي منغرف ،، يوووووه ،، مر من جنبي ونيت كبير مدري جمس أو فورد قديم وداعس والشكمان من جهتي، وأنواع الأصوات،، بغيت أسيد للمستشفى من الروعة اللي جتني...
والمويه هذي الله يسلمك معي ماركيز موديل 2002 فل كامل معدل على المكينه وكارفه كرف الويل لدرجة أني أقاوم به سيارات وأطلع به طعوس وشعبان (بطحا) ومع ذلك شكامينه تصب مويه كأنه مرزام (مشاء الله) والكلام هذا قبل البرد فما بالك يوم دخل علينا البرد الآن.
أعتقد سبب هالموية هو بخار الماء اللي يدخل مع الهواء للمكينة، ويكثر في المناطق الساحلية والأيام الرطبة،، وما لها دخل بالسيارة أو موديلها أو نظافتها..
طيب فيه موتر مكينته 8100 شنو دا هو هو الدينالي؟
وشو الفرق بين اليوكن واليوكن الدينالي؟؟؟!
الموتر اللي مكينته 8100 هو جي إم سي سوبربان الجيل السابق 2000-2006 وهالمكينة اختيارية طبعاً مع زيادة في السعر ولمعرفة إن كان السوبربان موجودة فيه هالمكينة بتلاقي مكتوب في الجزء الأيسر السفلي من باب الشنطة الخلفي بخط عريض عبارة 8100-V8
والفروق بين يوكون العادي واليوكون دينالي، هو أن الأخير فيه مواصفات راحة وفخامة وترف أساسية، وشكل مميز من الخارج (الأنوار الأمامية والخلفية والشبك الأمامي العلوي والسفلي والجنوط ومقابض الأبواب) ويتوفر بالمحرك 6200 V8 فقط، واندفاع دائم على العجلات الأربع، والعديد من المواصفات الأخرى، وطبعاً السعر بيكون أغلى بكثييير من اليوكون العادي..
شوف تسارع السياره هذي سياره تعد من السيارات الثقيلة والعائلية ماشاء الله كأنها سيارة صغيره
تقريبا من 0-100 في 6.8 ثانيه ياعني ماكمل حتى 7 ثوان مقارع السيارات الرياضية الصغيرة
بس إلى 200 كلم ماحسبتها ما أدري في كم جابها ؟؟
http://uk.youtube.com/watch?v=xJwmwx0kfOY
أعتقد لو مافيه تحديد للسرعه كان راحت السيارة فوق 200 كلم
شوف السيارة على 200 كلم ولا زالت على النمره الخامسه ما ريح
وانت الصادق أخوي، جاب 100 كلم في 7 ثواني بالضبط،، وجاب الـ 200 في 28.5 ثانية، حسبتها بدقة باستخدام ساعة الإيقاف في الجوال..
ومن قال إن فيه تحديد سرعة ؟؟ الموتر جاب طبلونه الـ 200 وكان عداد دورات المحرك عند 5000 دورة، ومع ذلك واصل الإزدياد حتى وصل 5650 دورة وعداد السرعة مايزال على 200، فالسرعة وصلت حدود 220 كلم لكن ما جت في عداد السرعة لأنه وصل نهايته,,
