مشاكل السيارة نكدت علي حياتي ...تكفوون ساعدوني (كراون فيكتوريا 2003)

مشكووور يا غالي على الرد .. و الله اخوي أنا غيرت الحساس اللي تتكلم عنه و لكن للأسف
المشكلة زي ما هي :confused: ... و الله اخوي لو تفتح عندي الكبوت بتشوف نصف القطع الموجوده
جديده و أصليه .. لأني بصراحه ما خليت حساس أو سبب للتفتفه و إلا غيرته و لكن لا فائده ..

تسلللم أخي الكريم على المرور و المشاركه و جمعنا الرحمن في جنته -آمين يا رب-

بعد كل ما تفضل به المشاركون الاكارم الذين تقدمو بالنصح والارشاد بارك الله فيهم
والله اعلم ... لربما المشكله سببها : اما خلل بحساس عمود الكامات واما خلل بحساس عمود الكرانك المسؤول عن توزيع
الشراره ..وبالتوفيق

كان الله بعونك اخي

انا لدي قراند ماركيز 2003 وكاله وعلى يدي مطلعه من الشركه

اذكر انه خلال فتره الظمان اظن عند 30 الف كلم طلع لي تفتفه بالسيارة وقت التشغيل وتختفي

وكان عندي صيانه دوريه لسياره فى الشركه عند 30 الف كلم وابلغتهم بما حدث قالوا بسيطه

هذا حساس او سنسور اظنه كذا وكان خلف المكينه قالوا احنا ننظفه ونشوف اليوم الثاني الصباح

خلى لنا السيارة لمدة يوم عندنا اذا استمرت مشكله التفتفه راح نغير هذا السنسور على الظمان

وسالتهم عن سعره قالوا بحدود 180 ريال اظن ومن يوم ولله الحمد لايوجد اي مشكله

ايضاً اخي لديه قراند ماركيز 2003 ولكن اخذه مستعمل ( وكاله سعودي) ماشئ يمكن 120 الف

طلع له بعد فتره مشكله تفتفه اظنها مثل حدث معك طلعه المشكله من الثلاجه ومن الكويلات

طبعاً غير كل شئ والان يقول الحمدلله تمام

أخواني الاعزاء ... مع بداية الصيفيه و من يومين بدأت أشغل المكيف حق السيارة خاصة بوقت الظهر
و للأسف لاحظت أن الرجفه تزيد بشكل مزعج إذا كنت مشغل المكيف ...|5|

مشكوور اخوي على الرد و جزاك ربي الجنه

اخوي فيه حل اعتقد ان مشكلتي ابي اسوي زيها بعد الحل هو شف لك واحد تمون عليه ومعه فورد وخذ من اول شي حساس فك من موتر خويك وركب زان الموتر زي ما زان شف لك قطعه غيرها وغيرها لين تضبط اهم شي الي انت موسوس منه اشلعه من موتر خويك وركبه في موترك لعل وعسا تطيح علا الخراب

مشكككور أخوي على الرد و جزاك الله خير أخوي كسار و بارك الله فيك

خلني على نهاية الاسبوع إن شاء الله بنزل الدمام و نشوف الورشة الدولية و إن شاء الله
يعرفوون العله.

مشككور يا غالي مره ثانيه على الرد و جزاك ربي عنا كل خير

اخوي الحساس اللى غيرته قريب من الثلاجه ؟ تأكد ان يوم عطلت الثلاجه وهربت مويه ما جات على اسلاكه ,,, لان الثلاجه عندي اعطلت الدينمو عندي مع انه كان اول نص عمر ’’
وانصحك بورشه معتبره وهي ( الدوليه ) ورشه ما عليها كلام والسياره ما تطول عندهم حتى سيارات الامن العام متواجده عندهم , الورشه بالخضريه بالدمام وهي مشهوره ومبناها كبير

تمام أخوي .. و متاسف جداً على الرد المتأخر بس للأسف السيارة ما عرفنا مشكلتها ..
بس بديت أطنش و تعودت عليها و صار الموضوع عادي .. زي ما يقول المثل :
طنش ..تعش .. تنتعش .. أخرتها راح تنفرش :D فالله يستر و يسهل على الجميع

كيفك عزيزي abmola وبشرني عساك لقيت الحل للفورد

لو تقرأ إللي مكتوب في الرابط تلاحظ إني تبهذلت وفي النهاية لقيت سلك مقطوع (مقطوع=منقص=إلخ)
والكمبيوتر طلع لي كل بلاوي الدنيا في سيارتي
حتى حسيت إن الكمبيوتر ما عنده سالفه
وأي شي يصير عندي أول شي أسويه صرت أشيك على الأسلاك وبعدين أكمل المشوار

مشكوووووووووووووور أخوي الهكرجي ... بارك الله فيك

ردك اخوي نبهني لشغله كنت ناسي أكتبها هنا بالموضوع و هي :
أني أول مره فحصت كمبيوتر عند ورشة عادية قالي عندك حساس DPFE خربان و يبيله تغيير
و غيرته و لا راحت الرجفه ثم قبل أسبوع وديتها الوكالة و فحصها كمبيوتر و قال لي الكومبيوتر
يبين أنه عندك حساس DPFE عطلان فرديت عليه اني مبدله من أسبوع بحساس جديد فسكت
و قالي بشيك لك على التوصيلات و لا رد علي بخصوصها .. فهل ممكت تكون احد التوصيلات الواصلة لهذا الحساس مضروبة ؟؟ علشان كذا كل فحص كمبيوتر يطلعها عطلانه ؟؟ أرجوا الإفادة

جزاكم الله خير و بارك فيكم و في جميع أعضاء هالمنتدى الرائع

صدقت يا غالي ... أعضاء مميزين لمنتدى مميز و تشكر يا غالي على المرور الكريم

في عندي ملاحظة بخصوص الثلاجة و هي انك كاتب أن احد أسباب الرجفة هي الثلاجة
و أنا ما صارت معاي هالمشكلة إلا من بعد ما غيرت الثلاجة ..فهل ممكن يأثر؟؟؟

شغله ثانية الي هي أن السيارة كلنت بالوكالة كل الأسبوع الفايت و حسب ملاحظتهم تركيب الثلاجة
في المرة الاولى ما كان سليم و رجعوا غيروا القازكيت و أعادوا التركيب بس للأسف ما حسيت
بفرق عن اول :eek: :eek: هل تتوقع أنه ممكن الثلاجه الجديدة فيها عله ؟؟ أرجوا الافادة

أنا صارت معي رجة وتفتفه ووديتها لأغلب الورش وكشف كمبيوتر وفي النهاية طلعت سلك مفصول من الحركة وركبته وصارت تمام شيك على الأسلاك والتوصيلات يمكن مع التركيب فصلوا شي ما يدروا عنه
شوف الرابط التالي
http://www.assayyarat.com/forums/showthread.php?t=120504

أعضاء ممتازين
انتم العون لنا
فشكرا جزيلاً من القلب

أنا مرت علي زي مشكلتك تقريبا
فغيرت الثلاجة
وجميع الكويلات والبواجي وتنظيف منظم الهواء وحساس الهوا
وكل شي تمام
ياريت أني افدتك

مشكووور أخوي أبو تركي على المرور الكريم .. و اعتذر منك على الرد المتاخر و لكن السيارة كانت
ماخذه كل وقتي و ما قدرت ادخل المنتدى .

و الله يالغالي كانت السيارة بالوكالة لمدة 5 أيام و غيرولي شغلات مالها داعي و إستلمتها
زي ما سلمتها لهم :eek: ..

الى الان غيرت الأتي :
1- جميع البواجي.
2- جميع الكويلات.
3-صفاية البنزين.
4- منظم الهواء.
5-فلتر الهواء.
6-حساس الهواء.
7-حساس الـ EGR أو يسمونه حساس DPFE .

و سويت فحص كمبيوتر للمكينة و لا طلع معاي اي شيء ..:confused:

و باقيلي شغلتين اللي هي :
1- تنظيف بخاخات
2- تغيير طلمبة البنزين

تنظيف البخاخات قريت بالمنتدى بعض الشباب يشتكي أنه بعد ما نظف البخاخات صارت السيارة ما
تشتغل من اول دقه سلف و بصراحة أنا مش ناقص مشكلة جديدة علشان كذا ما جربت انظف البخاخات

و بالنسبة لطلمبة البنزين فأفكر أغيرها مع ان تغييرها مكلف شوي بس الله يعوضنى من فضله.

أتمنى احد من الاخوان لو ممكن يفيدنا ...

و مشكوور مره ثانية أخوي ...

أخوي
غيرت صفاية البنزين
شيكت على طرمبة البنزين
هل غيرت الكويلات الباقية
عن نفسي ماتوقع تطلع عن الثلاث هذي

هلا يا غالي ... الحساس هذا طال عمرك غيرته من مبطي بس للأسف ما حسيت بأي فرق |10|

الله يعينى على مشاكل هالسيارات و مشكووور يا غالي على المرور الكريم

هلا أخوي بندر ... ممكن يا غالي تكتبلي أسم القطعة علشان يسهل علي عملية الشراء؟؟

و الشكر واصل مقدماً