سؤال غريب : من وين تجي ريحه السياره الجديده

والله ماضن من المكيف لانك اول ماتستلمها تكون الريحه فيه بدون ماتشغل المكيف


من جددددددددددد :D

ممكن واناا اميل لرايك اكثر .. بس هل معناه ان المواد الداخليه بكل السيارات وحده ومن نفس النوع :confused:

العفو .. والله يسمع منك

تصدق حتى انا زيك .. بس توني شايف برنامج دكتور فل وتشجعت اسال السؤال :D
عطر صعبه .. بس لو معطر روائح للسياره ياسلام |1|


شكرا على المعلومه واثراء الموضوع .. وهذا اقرب سبب لوجود الريحه هذي
اما خويك اللي يعين اللي كان يركب معه .. احس دايم يفهمونه غلط :D
كل شي ماله طعم مثل اول
بس الدنيا لسه بخير الحمد لله
والله يسمع منك يارب

وهذا اللي توصلنا له بعد مداولات ومشاورات .. انه من الجلد والبلاستيك |1|

والله سؤالك حلزوني والكل يسأله مابينه وبين نفسه......

الريحة جميلة وتعطي انطباع إيجابي قد يكون لعامل نفسي فقط،، لانها تذكر دائماً بالسيارات الجديدة.
عملت بحث سريع وانصدمت من النتيجة،،، حصلت الإجابة على سؤالك وما كنت اتوقع هالشي...


أولاً الرايحة ماتجي من الجلد، لانك لو اتلاحظ ان حتى السيارات الجديدة الي كراسيها مخمل فيها نفس الريحة...... الريحة هذي الله يسلمك تجي من البلاستيك المستعمل في السيارة والمواد المستخدمة في سد الفجوات في المقصورة،،،،، يقول لك اخي العزيز ان هذي المواد في البداية تكون غير مستقرة كيميائياً... يعني مثل وحدة ضايع منها ولدها.... فالمادة غير المستقرة كيميائياً يا تاخذ يا تعطي عشان توصل لاستقرار كيميائي... وفي حالة المواد المستخدمة في السيارات ،،، هذه المواد الغير مستقرة تقوم ببث جزيئاتها عشان توصل للاستقرار الكيميائي،، والجزيئات هذي تشكل الرائحة الي تشمها.. يقول لك في دراسة صارت كشفت ان الريحة هذي تخف بنسبة 90% بعد 3 اسابيع فقط من استخدام السيارة.. يعني ماراح تلحق اتهنى بالسيارة......

لكن الصدمة وين كانت... يقول لك أن هالمواد ضارة في صحة الإنسان،، خصوصا إذا مازاد تركيزها في كبينة القيادة وخصوصا في الجو الحار لان هالمواد ايزيد تفاعلها في درجة الحرارة العالية.

اكيد انك سمعت عن حوادث وفيات الاطفال داخل السيارة في الحر خصوصاً... والسبب هو هذه المواد الكيميائية. لكن يقول لك بما أن في السيارة يتم فتح الباب وغلقه باستمرار ،،، يتم تجديد الهواء داخل السيارة بانتظام ولا يوجد خطر كبير او يذكر من هذه الروائح الا في حال أنك نسيت ولدك داخل السيارة في الحر والدرايش مسكرة.

ويقول لك بعد أن كل شركة تستخدم مواد مختلفة عن الشركات الاخرى وبالتالي تلاحظ هناك اختلاف بسيط بين ريحة سيارة والثانية.
وكما قال الشاعر

تعددت الأسباب والموت واحد

وسلامتكم

انا اتفق معك......

انا ماقد جا في بالي السؤال هذا......

لاني اول مره اشم الريحه ذي :D قلت اكيد من الجلد والبلاستيك اللي جوه.......

تحياتي,,,

ياااااا الله .. يااااااااااازينها ..


يازين ذيك الايام يوم توني مطلع موتري ..


ما انزل من السيارة من زين الريحة ..


بس ما تلاحظون انها من تالي مالها طعم زي اول ..


مادري ليه ..


هل ترون بأن السيارات ماعادت مثل قيمتها بالاول ..


أول احس ان الواحد صعب يحصل سيارة .. لأن مافيه التسهيلات اللي موجودة الان ..


اما الان ... التأجير منتهي بالتمليك .. ماخلى للسيارة قيمة ..


الله يعطينا من خيرهن ويكفينا شرهن ..


ب
ر
ب

السلام عليكم شباب :)
*
ريحة السيارة الجديدة ناتجة مثل ماتفضل أخوي رجائي من الفرش الداخلي والبلاستيك واللدائن المستعملة في الصناعة .... فيه مواد أستخدمت في السابق لما ترتفع درجة الحرارة تنطلق غازات قد تكون ضارة أو تسبب الحساسية
ولكن مع بداية التسعينات بدأت إستخدام مواد أكثر أمن وعممت على السيارات وأفضل أبحاث تمت لتطوير فرش سيارة هي الفولفو ......... وشفت برنامج وثائقي على gear one على السيارة AUDI أن الخامات المستخدمة في صناعة المقصورة الداخلية تخضع لخبراء يقوموا بتسخين اللدائن في فرن خاص وبعدها يبدأوا في شمها كل مادة على حده ويجمعوهم ليروا إن كان روائحها مجتمعة ستكون محببة على المستخدم ليشعر بالسعاده بسيارته أم لا .........
بالنسبة للروائح كان في واحد عنده هايلكس غمارتين ريحتها أشين منها مافي راح المحطة وغسل المراتب وكل شي والريحة تعود بعد كم يوم إنغث منها وبالأخير إكتشف إن الريحة من التنجيد الجلد على الطبلون :D
*
*
دمتم بود

سؤالك في بالي له سنين بس كنت مستحي اساله <<< ايه هين .. الحياء يقطر:D

و الله يأخوي لو احصله عند قزاز على شكل عطر لأخذه .. ;)

والله سؤال وجيه واستفسار في محله !!1
ننتظر اجابة علمية صحيحة ...من فين بتيجي ريحة السيارة ؟؟؟ وكل السيارات الجديدة لها نفس الرائحة !!!!
من عندي اظن انها ريحة البلاستيك والفرش الموجود في كل السيارات واذا كانت جلد ستلاحظ ان ريحة السيارة مختلفة !!!!

يمكن اكون صح أو غلط !!! ننتظر ردودكم

الشكر للأخ ازيراتي على موضوعه .... تسلم ....وان شاء الله نلاقي جواب ونعبي الريحة (بقزايز )!!!

واللهه ما ادري من وين تجي بس تراها احلى ريحة في الدنياا اخخخخ يا شيخ لمن السيارة كانت وكالة الريحة جنان