يا شباب تكفون والله اني محتار جدا بين خيارين و كلهم حلوين لكن انشاء الله انكم تساعدوني في إختياري
اولا باعطيكم الأساسيات اللي تبنون عليها الإختيار
1- انا و زوجتي فقط
2- الموتر راح يمشي معدّل 50000 كلم في سنه وحده (امسك خطوط يوميا)
3- الموتر راح يدخل البر أقل شيئ مرّه اسبوعيا وإذا رحنا في الصيف للجنوب فيه اماكن حلوة جبليه لازم نزورها (مو شرط دبل يوصلها لكن الطريق وعره وصخريه وذات مطبات قويه)
4-انا صراحة ما اعرف من الصيانه الدوريه إلا اسمها وما احب الورش و الوكالات يادوب اغير زيت وفلتر هواء كل 7000 كلم وبريكات و بواجي كل 50000 -60000 كلم وصراحه ما ابغى اشوف الورش قبل اقل شيئ 6 سنين
5- الثبات عند السرعات العاليه (140-150) هذه صراحة اعلى سرعه لي اما فوق كذا صراحه اللي يمشيها دايم الله يهديه
6- الخفّه في البلد
7- الشكل الأفضل
8- اعادة البيع
9- المهم ان الموتر راح يجلس معي اقل شيئ 7 سنين
السيارتان المتنافستان
1- نيسان باترول سفاري 2 سعره 138000 ريال
2- يوكن دبل أسيات اماميه مفصوله جنط 17 و سعره 133000 ريال
الله يرضى عليكم لا احد يدخل على الموضوع إلا و يرد بكل امانه آخذا في اعتباره الأساسيات اللي انا ذكرت و أي تجارب هو مر فيها
(هذا الموضوع راح يأثر في اختياري بشكل كبييير فارجو الأمانه)
من دون قصور في المواتر الأخرى ارجو عدم طرح خيارات اخرى
