السلام عليكم
فل كامل!!!..يعني كامل كامل!؟لول كبير, لأن ترجمة فل(full)يعني كامل (غباء او جهل؟)..وهذا الي طلعها مايبي يقول (كاملة المواصفات) او (فل ابشن) لأ الأخ مسوي مكس بين اللغتين لكن بطريقة غبيه..ليته قال (فل مواصفات) او (اوبشن كامل) -كان طلعنا مثل الي يرمي بكلامه كم كلمة انقليش يعنني مثقف- كان اهون ولها على الاقل معنى.
أتوقع أسباب هذي الشريطيه فُل كلمه سهله النطق بينما أوبشن صعبه ..
فأختاروا فُل كامل = ونحن ياجيل المتعلمين (( مع المعمعه))
وانيت: وتفسيرها حسب ماكتب عبدالعزيز الذكير(كاتب بجريدة الرياض).. ون ايت (1,8) او الف وثمانميه وهي سعة المكينه حقت (الوانيت) وعلى ما اذكر من المقال ان حقين ارامكو كان يسمونه كذا نسبة للمكينه يعني بدال مايقول رح جب او سق الدقسن اوالعراوي او على الاقل ابو الف وثمانميه يقول:جب الـ ون ايت=ونيت!
الا على فكره وش معنى (عراوي)؟ يمكن علشان في حوضه اكثر من عروه علشان تربيط الشراع؟! يمكن
فعلاً هذي التسميه الحقيقه للوانيت ولكن ليس فقط في أرامكو إنما تقريبا في معظم الخليج ..وممكن يطلق لأي
لها حوض ..(( بس ليش ما علقت وقلت ليش الناس تقول داتسون وهي أسم شركه وليست سياره ))
والعراوي فعلاً مثلما تفضلت هو سبب تسميتها ..وأزيدك من الشعر بيت في ناس تسميها أم عزيّز :D
سياحي: شكل الي طلعها راعي سفريات وشكل الي طلع (فل كامل) ولد نعمه لأنه مافكر بالأنواع الاقل(نصف فل ههههه يعني نصف كامل-رجعنا لهالكلمه قلت لكم انها تقهر) اقول ماطلع كلمه للأنواع الاقل-الله يهديه-وجا واحد غيره وطلع لنا كلمة سياحي؟! مانقدر نقول اقل نوع؟ وسط؟
أتوقع هذا المسمى نوعاً ما مقبول .. لماذا ..
الآن وإن ذهبت إلى مكتب طيران سوف يقول لك فيرست كلاس أو درجه متوسطه أو سياحيه ..
فأتوقع من هالمطلق أصبحت ونشأت هذه الكلمه ...
الألوان: واتذكر اقول لواحد سيارتك رصاصيه يقول لا فيراني؟؟؟ مادري منين جت هالتسميه من( الفار)؟ تدليع للرمادي او الرصاصي؟ والحين اطالع في اعلانات السيارات (لون كبدي)؟؟؟ راعيها جزار؟ عاد نحاسي مثل فضي وذهبي لكن كبدي؟ شكل قصده عنابي بس يمكن مستحي لأن
هاللون (دقه قديمه)-تذكرت طاش والأختلاف بين (كستنائي) و (تركواز)!
الفيراني ليس الرصاصي إنما الدخاني (( فأستصعبوا السهل فصعب عليهم ))
وبالأنجليزي سموك سيلفر ))
الأنواع: مادري منين طلع لنا نوع اسمه (فرخ شبح)؟؟!! واعتقد قصده مرسيدس فئة سي او اي(ابو عيون هههههه)..يعني بدال مانقول كورولا
نقول فرخ كرسيدا اوكراون او بدال صني نقول فرخ سيدريك او ماكسيما؟! ههههههه
ههههههههههههه
بس أحسن من بيبي دمعه أو بيبي الزعيم ...
وتلاحظ اني كتبت كرسيدا وماهو كريسيدا مع انه هو النطق الصحيح وهذا اختلاف لهجات ما اعتقد ان بوه مانع مثل مرندا بدل ميريندا او مثل العنقرينز اذا نطقوا اسامينا (حتى بعض الحروف مهيب عندهم خلقه مثل خ,ض وغيرها)
لا هذي عادي ومن حقنا لأننا شئ نملكه ...
تتوقع مرض أنف العنزه = حولوه الأنجليز إلى إنفلوونزا ...ونحن أول من أخرج لقاح له وأظهر له اسم..
ومثل لفظ كلمه سكر = شوقر
فنحن لم نهجوهم ... لأنها أقوى شخصيه منا الأن (( طلعت عن الموضوع ولا )) لكن الحميه العربيه في دي .. وفي كلمات كثيره جداً ..
الله يعطيك العافيه على الموضوع الممتع والمفيد ...
تحيه طيبه
