جيب لكزس 570 VS كدلك إسكاليد VS لنكن نـافقيتـور..إدخـل ورشـح وش الافـضل بالنسبه لك,,,

مشكورين عالمرور

اكيد لونكن مافي غيره شكل قوه مواصفات وبعده الاسكاليد واخر شي اللكزس ........................
تحياتي

ارشح اللكزس

مشكورين على مروركم جميعاً|3|

أنا أصوت للنكن نافيجيتور وبدون تردد ومشكور يا خوي على الموضوع

اللكزس يكفيك انه سيارة مضمونة وتجمع بين الفخامة والتحمل وسعر اعادة البيع والصيانة المريحة.......................................................................................الخ

كلامك صح.

طبيعي يفوز الإف جي كروزر، الهمر في أفضل أحواله 3.7 لتر، 240 حصان (مع أن الأحصنة متساوية نظرياً، بل في وكيلنا يزعمون إنه 255 حصان) لكن عملياً لما تقارن محرك بخمس سلندر وعزم أقل وحجم أصغر مع محرك ست سلندر وعزم أكبر، طبيعي يفوز الإف جي كروزر.

لكن فيه نقطة في صالح الهمر في هذا التحدي ... وهو وزنه الثقيل، أثقل بكثير من الإف جي كروزر.

من وين جايب معلوماتك؟

اللكزس LX570 واللاند كروزر الأمريكي تسارعه من 0 إلى 100 في 6.5 ثواني. بل أزيدك من الشعر بيت، التندرا (بنفس المحرك) تسارعه من 0 إلى 60 ميل/ث في 6 ثواني فقط.

الإسكاليد صافي القوة فيه 381 حصان.



الكاديلاك إسكاليد سعره 280 ألف، سعر معقول، واللكزس سعره 270 ألف، سعر مبالغ فيه جدا؟!! مع أن اللكزس مواصفات أفضل وياباني؟!

اليوكون والإسكاليد إذا تبغى تحمل أغراض في الشنطة وصفطت المقاعد، تجد المقاعد الخلفية ماخذة حيز كبير جداً من الشنطة بسبب سوء التصميم، بينما في اللكزس وسيارات تويوتا بشكل عام، بما فيها الفورتشنر، مقاعدها تطبق على جنب بشكل ذكي، ما يجعل استغلال المساحة أفضل ما يمكن.

طبعاً كلتا السيارتين مقاعدهما لا تختفي تحت ديكور السيارة، وذلك بسبب المحور الخلفي الصلب الذي يأخذ حيز كبير أسفل السيارة.

هلا وغلا اخوي

الكاديلاك إسكاليد
الشكل الخارجي ممتاز
الفخامه الداخليه جيده جدا
القوه ممتاز
السعر معقول الا حد ما


جيب اللكزس

الداخليه متازه
الشكل الخارجي مقبول
القوه جيده
السعر مبالغ فيها جداا جدااا

النافقيتور في وجه نظري لا يرتقي لمستوى السيارتين السابقتين

عموما تصويتي يروح للكاديلاك إسكاليد بسبب النقاط اللي ذكرتها سابقاا




الخل الوفي
اجل الفورتشنر نفس وسع اليوكن
هههههههههههههههههه
لاتعليق
ترا الحياديه زينه يالغالي


تحياتي

حبيت انوه على القوه الحصانيه للاسكاليد واللكزس ال اكس 570

فاللكزس القوه الصافيه 365 حصان .... واذا مو مقتعين ... شيكو بأنفسكم

أما الاسكاليد ...403 حصان صافي

تسارع ال اكس . من الصفر للميه 7,8 ثواني

تسارع الاسكاليد من الصفر للميه 6,8 ثواني

اللكزس جدوته افضل من الاسكاليد

في بعض التقنيات الغير متوفره بالاسكاليد

لاكن ... الاسكاليد هيبه وشكل وقوة وراحه وفخامه ..

بالاخير ميولي للاسكاليد ... بسبب هيبته وروحه الفخمه وشكلها الجوهري ..

تجميع ياباني

ممكن تجرب الاسكالد بالطرق الوعره

لكن الحق حق ماعتقد انه يعمر مثل اللكزس لكن مب معناه انه مايعيش معك فتره طويله

لكن اللكزس يعيش اكثر لكن وش الاكثر قوه وفخامه ؟؟

وشكلي بنزل موضوع تقرير مفصل عن الاسكالد واللكزس:D

مشكووووووووووور يالغالي على مرورك ونقاشك الحلو مثلك|1|

,..,.,.,.,.,.,.,.,,

القمر المديني

مشكوور على مرورك يالغالي |3|

راي شخصي

اللكزس اكيد الاكثر جوده والا فضل في البر ولكن السؤال هل هو الاكثر فخامة؟

لاحظ انه الفخامه عباره عن الكثير من المعايير - الوجاهه - الراحه - السعه الداخليه - التجهزات -

كما ان الفخامه ايضا تعتمد في السيارة على مستخدم السياره وطبيعة استخدامه لها والبيئه المحيطه ايضا
فبعض السيارات الفخمه تعتبر قمة الفخامه في مكان ما في الوقت الذي ليس لها اي اعتبار في مكان اخر
عليه وبناء على وجهة نظري وبحكم اقامتي في جده اعتبر النافيقتور الافخم

تم التصويت للنكون نافيقتور

وشكرا لصاحب الموضوع

اللكززس مصمم للمدينه والطرق الوعره
الكاديلك مصمم للمدنيه ومايمنع تجربه في الطرق الوعره

بس هل بيعمر ويتحمل مثل اللكزس ؟؟ وحتى لو استخدامك باايخ للسياره

اتوقع هالمكاين اكبر فايده منها هو التسارع وهو مايميز السيارات الامريكيه
او المكاين الامريكيه .. ورخص اسعارها

وشكل يبي لنا واحد يحط موضوع يثير النزعات الطائفيه عن المكاين اليابانيه والامريكيه
هههههههههههه

ويبقى الكلام الاخير للسوق وانتشار السيارتين ...

هلا اخوي تجميع ياباني

الاسكاليد مب مخصص للطرقات الوعره وحتى اللكزس يعني لو جاك واحد قال ابي سياره جيب اطلع بها طرقات وعره وش تعتقد انه بياخذ جيب لكزس او اسكالد ؟؟

بياخذ لاند كروزر ولا برادو ولا يوكون

بس لاتنسى ان قوة الاسكاليد 441 حصان وَ 6.2 لتر

وجيب اللكزس قوته 380 حصان وَ 5.7

وكلاهما 6 سرعات

وكذلك الاسكاليد اذا قالو اسمه وش يجي في البال |1|

ودفع رباعي مستمر

الهمر h3 وليس h2 كما ذكرت وال h3 محركة 5 اسطوانات وبسعة 3,5 وبقوة 220 حصان وهو محرك ضعيف جدا طبعا محرك ال fj اقوى واكبر وهو بسعة 4 لتر و6 اسطوانات وعدد احصنه اكثر وعزم اكبر شئ طبيعي انه يتفوق
لكن لو كانh3 بالبمحرك الاخر الجديد والذي زود به مؤخراً ب8 اسطوانات وسعة 5,3 بقوه 303 حصان كان شفنا كلام ثاني
او لو انه h2 كان اختلف الوضع

كلامك كله جواهر |1|


تحية لك |3|

انا ادري عنه يقولي يشبه البرادو قل الاندكروزر نقول تقريبا او نفس
البودي ..
مثل الدينيلي والاسكاليد والتاهو نفس البودي بس الوجهيه والخلفيه تختلف

ميب مسالة كره بس مقارنه فيها اجحاف وحتى من الردود واضح التعصب
اللكزس هذا طفره في الصناعه اليابانيه .. حتى انه غزى الاسواق الامريكيه
في فتره زمنيه ميب طويله .. علامه تجاريه اشتهرت بفخامتها خاصه الداخليه

اذا قالو لكززس على طول يجي في بالنا شيء فخم وانيق ..
الكاديلك كان لها عزها في السابق بس جتهم نكسه في الموديلات الحديثه
وتراجع مستواهم بعد ان كان اهتمامهم منصب على الراحه للسائق والراكب
والتقليل من استهلاك الوقود
بس واضح انهم بدو يتداركون انفسهم بطرح تصاميم ذكيه
او فضائيه ذات زوايا حاده

كل الردود تلاحظ انهم يستحقرون مكينة اللكزس مع انها 5700 اقوى من سابقتها
الي كانت 4700 وكانت قويه في التحميل وفي الطرق الوعره ومريحه في المدينه
والطرق المعبده ...

وزي ماقلت قبل المكاين الامريكيه تغررك سعة المكينه وعدد الاحصنه وهي ميب اهم شيء
بالنسبه لسيارات الـ 4x4

انا اعجبني هالمقطع لتحدي بين التويوتا fj والهمر H2

(( http://fr.youtube.com/watch?v=ozlHNcytoQM ))

الهمر 8 سلندر والـ FJ 6 سلندر
شف هذا وش كبر مكينته وذا وش حليلها وهذا كم حصان وهذا كم حصان
هذا بخصوص المكاين وحجمها والثقل الي تسببه على الفاضي

و بالنسبه لراحة الركاب فاللكززس فيها ميزه امتازة او اشتهرت فيها شركة لكززس
هو الهدوء والعزل القوي للمقصوره الداخليه .. ماتسمع سواليف وصجة المدينه
او الهواء اذا انت مسرع غير عاد القير الي من 6 سرعات الي يساعد على راحة المكينه
ومالك امل تسمع حنه لها لو توصل عند 160 او اكثر

فيها مواصفات مبتكره واشياء تدلع السائق وشوي ويخلون السياره تمشي بنفسها
كاميرات في كل مكان انظمه اول مره نسمع عنها الي يمنع السياره ترجع للخلف في المرتفعات
يعني تثبت نفسها وحتى لو ماضغطة فرامل وانمه ما ادري وش يسمونها بس توزيع الدفع
على كافة الاطارات وبحسب ارتفاع الكفر عن الارض ودورانه يعني عشان الغراز في الرمل
او الاماكن الموحله

حتى عند النزول من المرتفعات توزع لك الفرامل على الاطارات بحيث انها ماتتزحلق وتساعدك
على التحكم بالسياره زي ماتبي


اشيااء تخليك تشتري السياره وانت مغمض خاصه ان كنت تبي تستعملها في اي مكان واي زمان
مدينه .. بر .. سفر ..صيف .. شتى .. تحميل ..
وحتى عند البيع فهي تمسك سعرها ..


كل هالاشياء تتوقع ماتخليني ادافع عن هالسياره
وانه مجرد تعصب للصانع الياباني او فقط كرهي للصانع الامريكي

؟؟؟؟؟

بس يبقى السعر مبالغ فيه ...

الله كل هذا كره بالامريكي:D

اذا الدينالي شبيه الاسكاليد عالاقل كلها فخمه وحلوه وجذابه

بس البرادو شبيه اللكزس هذي قويه صراحه ;)

مشكوريين عالمرور جميعاً|3|

حتى في سعة الحجم، إذا كان الموديل القصير فهو ضيق جداً. أحد أقاربي عنده دينالي، توأم الإسكاليد، وكان يبغى يسافر فقام صفت الصف الثالث، والله مساحة تخزين الشنط ضيقة إلى أبعد الحدود، حتى ما أكون مبالغ لو قلت الفورتشنر إللي عندي أوسع منه. على الأقل اللنكن وسيع فعلاً، ليس فقط شكلاً.