جيب لكزس 570 VS كدلك إسكاليد VS لنكن نـافقيتـور..إدخـل ورشـح وش الافـضل بالنسبه لك,,,

والله عجيبين بعض الناس
تصدق اني كنت ادخل المنتدى اتفرج على المواضيع واقراء الردود بس
واوقات تخليني ابحث عن سيارات عقب ما اسمع اخبار عنها عندكم

بس عقب هالموضوع قلت ياولد غصب ترد ..

ياخي راعين النيسان والتويوتا لهم حق يتعصبون ويناقشون بعض
وكل واحد يقول انا عندي الزين ..

لان سيارتهم تنافس بعض وتلبي رغباتهم مع تشابه الميزات
وجودة الصنع

اما انك تقارن لكزس بشفر ولا لينكون وامريكي بعد

شركة لكزس الحين صارت تنافس الاكباريه
(( BMW و مرسيدس بنز والاودي ))

بعكس الكاديلك صاير مرتبه ثانيه زي الجاغور والانفنتي

وبخصوص الاسكاليد هو صحيح فيه نشاط
ورزه الزينون والليد لاعب لعبته <-- حتى الكوري صار فيه ليد وزينون
بس على قولة الي قبلي
انه فقط مصمم للمدينه يعني سعة في الحجم والراحه في القياده او الجلوس
واعجبني التسميه الي يقولونها اهل التطعيس (( البقرات الامريكيه ))
لان مكاينها كبيره بشكل خيالي وثقيله (( تنغر بعدد الاحصنه وسعة المكينه ))

واما اللينكون انا مدري وش يبي من الدنيا الي شاريه وحتى ان موديلهم الي قبل اجمل
مخيس بكل ماتعنيه الكلمه وزياده على كذا (( الصلبان ))الي مرصوصه في كل مكان

الكاديلك الي يحب الرزه واهله واجد ياخذه ..

واما اللكزس فهو للاستعمال الشخصي رزه وفخم
ولا تغركم الصور وغالبا الموديل الجديد يتصور انه سيئ ثم تتاقلم الناس عليه
ولا هوب حول البرادو البته <-- متعوب على كلمة البته
هو صحيح فيه لمسات من البرادو بس هذا موب عيب كل الشركات تعتمد على هالشيء
انها ماتغير تصاميمها جذري تجمع في موديلاتها جميع التصاميم عشان يكون للشركه
علامه فارقه ...

وووراك مستحقر البرادو ... والله عجيبين بعض الناس

واللكزس للطرق الوعره رمل او صخور.. يبرد قلبك
عملياً الياباني تفوق على الامريكي في هالمجال بشكل عام

عشان محد يجي يقولي السياره الفلانيه ماعمرها خربت ومدري وشو
منذوو الازل والياباني معروف انه حمااار كرف

مشكورييين جميعاَ

يوووووووووووه لحد يسوي تصويت وهو مايعرف مين قال إن اللنوكن فخم
دخلته رح جربه بتلقى كل التطعيم حق الخشب بلاستيك ! خايس و مايفتح النفس

بالنسبة لي ؟ حيرتني كيف أصوت لسيارتين لأنه ببساطة
عندنا إسكاليد 2007 طويل والوالد بكرة بيشتري اللكزس 570 إن شاء الله
فما أدري كيف أصوت ولا بلاش أصوت لأنهم متعادلين
بالمناسبة العائلة كبيرة وتحتاج 6.2 ليتر عشان تشيلهم << ما شاء الله تبارك الرحمن
واللكزس يكفيك إنها 383 حصان و 403 عزم وغير كذا (قوة المكينة الأصلية)
يعني تركب (توين تيربو و سوبرشارجر وهدرزات وشكمان سيستم) يوصل 500 حصان وعزم بالراحة

والسلام عليكم

مشكوريين على مروركم جميعاً|3|

والله اسمع ياخوك..انا اشوف الداخليه..للنكولن..والشكل الخارجي..للسكاليد..واللكزس..يبيلينا عليه شوي..


لكن انا اعطي صوتي للسكاليد..مهما كان الكبير يبقى كبير..














f i n e

بالتاكيد الفخامه والتقنية والجودة والعملانيه تقووول لكزس....

تمت التصويت..



النافقيتور احسه داخل بالغلط في المقارنه بالله عليكم اعيدوا النضر في الداخليه والتخشيبه زين مازين .. اي فخامه واي تصميم ...؟؟؟

منافسه شديده بين السيارتين


يعطيكم العافيه

طلع سيارة النكولن من الحسبة اخوي لان شكلها الخارجي والداخلي " غير لائق " :rolleyes:
وحتى اداءها ما هو ذاك الزود 300 حصان بس من محرك 5.4 لتر.

لاتزال المنافسه بين الاسكالد والـ570

مشكووريين على تصويتكم ومروركم جميعاً|3|

انا ابصم بالعشرة ان جيب لكزس حرام يقارن بالاسكاليد ولنكولن وبقوة مقارنة ظالمة واصوت وعشرة معي افضل جيب من فخامة وقوة وعزم ورفاهية ولك وللزمن وتاريخ معروف وعريق ولااحد يستهين بها وهي (( جيب لكزس )) لقبت (( أمبراطور المملكة )) ؟؟ والى الامام ياجيبي المفضل لدي لكزس وباقي خس ؟؟؟ وشكرا

السلام عليكم..
بدون منازع .. " اللكزس 570 LX "
اعذروني .. ليست هناك مقارنة بين اللكزس و الاسكاليد.. مع احترامي للاسكاليد

انا بصراحة افضل اسكاليد لانه قوي جدا وصوته قوي

انا بصراحة افضل اسكاليد لانه قوي جدا وصوته قوي

فعلاً منافسه شرسه بين اللكزس والكدلك

شكراً لكم جميعاً|3|

تم التصويت .

السلام عليكم

كالعاده النجرة والتحدي

والمعايات _ال|11| مداحر

في هذا المنتدى تولع

الاخ ما قال شي --يبي بس وجهة نظر
عندك راي قوله ولا تنقص من سيارة انت ما جربتها

انا صوت للكزس

لكن مو عاجبني شكله مثل السكاليد

هنا الاختيار له معاير عندي

فضلت اللكزس لان مافي اصوات عند المطب او الشوارع المكسره

صحيح ان اللكزس الجديد مو لي هناك بجماليته!

لكني افضل قيادته افضل من السكاليد بكثير--لانك ماتسمع تكتكه

طبعا الي صوت للسكاليد كان هدفه السرعه-وحجم المحرك

صح السيارة فشقه
ماشاء الله
لكن ينقصها الجوده بالداخل حيث ان اللكزس اضمنه لك 5 سنوات اقلة

لا تحتاج الي سيرفس او تضبيب البراغي

لكن الامريكي في طبيعة الحال يرخى ويحتاج الي تضبيب

الزبده بالنسبه للشكل الاسكاليد جميل وهيبه
لكن ما اشتريه لان الجوده تهمني شخصيا افضل من الشكل
واللكزس لاينقصه الشكل----
شباب نسينه النفيغيتور
اما اللنكولن فلا ينقصه سوي تعديل شكله من الخارج قليلا وسمعة شركته

واعتقد انه من الدخل جميل ولا ينقصه شي
ملاحظتي الوحيده ضعف المحرك حيث لا ينافس السيارتين بالمشي

شكرا لكم
والحمدالله

أمس رأيت لكزس LX570 في وكالة لكزس فرع العليا، وكان موظفوا الفرع ماخذينها في فرة، الظاهر كانوا طالعين يتغدون. حقيقة هيبة وجمال عجيبين. لكنها فعلاً شديدة الشبه باللاند كروزر، حتى أني لأول وهلة ظنيتها لاند كروزر، إلى أن لاحظت أن الوجه وجه لكزس.

المفرح في الأمر أنها 5.7 لتر، وليس كما توقع البعض ومنهم أنا، أن يكون 4.7 لتر.

النفاقيتور ايضاً شبيه بالاكسبديشن

إذا تبي تجلس معك كثير خذ اللكزس وفخامه طبعاً|1|
وإذا تبي فخامه بس خذ الكادليك |13|
اما النكولن فما انصحك فيه|3|