مكينـــــــــة الفكتوريا

القبيسي @user_35075 · 09-03-2008

السلام عليكم
!
!
!
!
!!
اسعد الله اوقاتكم بكل خير
بصراحه الموقع غايه في الروعه والجمال
ويقدم خدمات جليله واستشارات مجانيه

انا حبي اسألكم بحكم اني جديد على الامريكي
انا شريت كراون فكتوريا موديل 2000
وارد امريكا والموتر نضيف ماشاءالله
بس عندي المكينه تطلع صوت من فتره لاخرى يعني كأني شابك الفريون يفصل ويروح
يزيد ضغط المكينه ويخف
هل هذا شي طبيعي
بانتظار ردودكم ياغالين|1|

المارودر 2004 @user_47732 · 11-03-2008

اخوي دام اللمبه مولعه وتستمر معك اكيد فيه شي

روح اقرب ميكانيكي عنده كومبيوتر وقله اللمبه مولعه افحصها لي

تكلفة الفحص 50 ريال وبعضهم 100 ريال واغلب الورش اذا كنت ناوي تصلح عنده يكشف لك عليها مجانا واسأل الورشه قبل تكشف عليها

القبيسي @user_35075 صاحب الموضوع · 11-03-2008

شاكر مروركم

اينعم اخوي لمبة التشك انجن ولعت عندي ونصحني واحد من الشباب افصل البطاريه وتروح
وبالفعل لكن اخذت خمسه ايام ورجعت ولعت
وتكررت هالسالفه معي 3 مرات والحين مولعه

تنصحون اسوي فحص كمبيوتر وايش نوع الفحص وايش افضل مكان للفحص وكم تكلفته وهل يعطيني الخلل بالضبط؟
علما اني بالرياض
تكفون يالنشاما ماخاب من استشار
مع العلم ان مافيها تفتفه ودقت السلف ولا اروع ماشاءالله

المارودر 2004 @user_47732 · 11-03-2008

والله ياخوي الاصوات لها عدة اسباب

يعني مالك الا توديها لعدة ميكانيكيين مختصين وتشوف

manss747 @user_83929 · 10-03-2008

هل تولع عندك لمبة تشيك انجن

اذا ولعت افحص كمبيوتر

واذا ما ولعت وده لواحد خبره لا تروح عند اي واحد يحوسه عليك

القبيسي @user_35075 صاحب الموضوع · 10-03-2008

مشكووور اخوي عاشق الفورد
لاهنت يالذيب

عاشق الفوورد @user_46835 · 09-03-2008

احتمال يكون منظم الهواء صار لي موضوع قريب منك

صوت المكينه يرتفع ويروح وتحس الكهرب تنخفض وترجع بسرعه
شيك على المنظم
احتمال والله العالم انه منه