السلام عليكم ورحمة الله وبركاته
جزاكم الله خير على الموضوع الطيب
سبق إني وضعت موضوع وللإسف لم أجد الإجابة الشافيه
ولكن أمل من أصحاب السورينتو إفادتي
أنا لدي جيب سورينتو2008 ماشي12000كم والموتر ولله الحمد ماعندي أي مشاكل فيه
سؤالي لإصحاب السورينتو هل السيفون حق الجيب متوفر في جميع البناشر؟
وهل يلزمني تغير السيفون كل 5000كم؟
لان شكل السيفون لما غيرت الزيت على 10000كم كان شكله غريب وأسأل البنشري عنه يقول هذا مثل سيفون bmw وماكنه غريب جاي تحت غطاء المكينة
وتكفون لا تقولون لي مر الوكاله وأعمل صيانه الوكاله نصاااااااااااااااااااااااااااااابين وما يجون إلى بالعين الحمر
تبوني أقولكم السالفه
مريتهم على 5000كم أعمل صيانه لما دخلت السيارة وأعطيته الأوراق قال فيه مشاكل ثانيه قلت الكفرات ترج على 120 وشد لي الجلنط وأيضاً يطلع لي صوت غريب لما أكون واقف بالسيارة ومشغل المكيف صوت طقطقه بسيطة يالله تنسمع والغطاء حق الشنطة
قالي تعال بعد يومين وتلقى السيارة جاهزة قلت خلاص
جت الساعة ثلاث العصر من نفس اليوم طبعاً الدوام في رمضان هذا عندهم إلى الساعة ثلاث المهم إتصل علي أبورمزي في الوكاله وقالي تعال خذ سيارك خلصة قلت الإن جاي جيت لم السيارة وخلصت الأوراق أخذت السيارة إلى السيارة وصخة كلها زيوت من جهت الكبوت ومكبوب عليها ماء وأنا جايبها لهم نظييييييييييييييييييييييييييييفه وأبو الشباب إلى ماخذ السيارة مني ومدخلها للصيانة قاعد يتسمع بالمسجل وينقي من الأشرطة ويتسمع لا تقولون وش دراك أنا مرتبهن بالدرج تخبرون واحد توه مشتري سيارة المهم أخذت السيارة جربت الجلط نفس ماهو مشيت على السيارة 120 ترج المهم السايرة مثل ماهي ماتغير شيء رجعت للبيت وأنا مخنفس وقافله معي أبحت من بكرة ورحت لم منصور المدني المدير الإقليمي لكيا في الرياض دخلت عنده رحبي عرض عليه المشكله وقام وأتصل على مدير السيارنه وكرشه وقالي تروح لهم بكرة وماتشوف إلا إلي يرضيك جيتهم من بكره إستقبلني المدير حق الصيانه إلى في فرع خريص طلعت أنا وياه لم شركة هانكوك وشيكنا على الكفرات وغيرولي كفر واحد طلع خربان وجعنا لمركز الصيانه وزينوا لي كل إلي أنا أبيه وشالوني على روسهم يوجيت أطلع وأنا مبسسسسسسسوط قال يليت تمر منصور المدني إلي هو مدير كيا في الرياض وتلغي الشكوى
الزبدة إني مانبي فاضي كل مرة أزين مثل هالحوسة وبس سلامتكم
--------------------------
معذرة عن الأخطاء الواردة في الرد السابق
أيضاَ لدي سؤال
كم سعرة السيفون إلي أبلشتكم فيه؟؟
وبعد هل يظهر لكم صوت طقطقة بسيطة وأنتم واقفين بالسيارة والمكيف يشتغل أما إذا كان المكيف طافي مايظهر الصوت؟؟؟ياأصحاب السورينتو
وعليكم السلام ورحمة الله وبركاته
يا هلا والله براعي السورينتو يا ألف مرحبا
:D
قبل ما أنسى ياليت ترسل لي رقم جوالك عشان نتقابل
<< ما عنده وقت :D
أخوي فؤاد ألف مبروووك السيارة والله يعطيك من خيرها ويكفيك شرها
بالنسبة للفلتر تمشي 5000 عادي لكن للإستخدام المتوسط
أما إذا كان إستخدامك شاق (جلد وطعوس على طول) فـ2500-3000
والفلتر لا تشيل همة لأنه هو نفسه فلتر الأزيرا 3.3 يعني بتحصله في كل مكان
أما الصوت إذا تقابلنا أشوفه لك إن شاء الله لأن لازم أسمعه عشان أعرفه :)
* لا تنسى جوالك على الخاص .. ;)
