أحدهم يقول سيارتي تمشي 240 كلم/ساعة وأدوس للأخير ما تجيب طبلونها باقي 20كلم/ساعة أبغاها توصل 260
هذي السيارة خربانه وما تجيب طبلونها
والثاني يا أخي مهما حاولت مع سيارتي توصل 200 وخلاص
الثالث أعطيها تروس والدعسه الثانية (أيام زمان) وبالقوة 220 والطبلون 240
والرابع دائما سيارتي تجيب طبلونها 300 كلم/س ويوم جيت أطارح واحد من الشباب وطبلون سيارته 240 ماقدرت أجيبه
والخامس يقول دباب كفرين جابني وأنا ماشي 200 أبغ أحرق السيارة القرمبع هذي
والسادس والسابع وووو.....
ولا تخافون لقيت لكم الحل وبسيط جدا كل واحد يقدر يسويه وسيارته بدل ماهي 260 تصير 300كلم/س :eek:
يا إخوان من عنده ما يباخ (تعرفوها هذي أفخم سيارة في العالم)
طبلونها فوق ال300 لكن شوفوا وش صار فيها
نهايتها ونش سطحة
ومدري وش صار بصاحبها
طيب سيارتك أسرع من الفيراري أو أكثر ثبات في الطريق منها
شوف وش صار لها
ومن قدام
التشليح على طول
ومن داخل (صح فيه أير باج وكلام كثير لكن وش نهايتها
طيب سيارتك أقوى من الهمر
نشوف الهمر وش يصير له
يا إخوان لو تلاحظ إن بني آدم يتكون من جلد ولحم وعظم
طيب خذ قطعة جلد ولفها على خشبه وخذ حديده وإضربهم ببعض وشوف وش يصير
يا شباب والله ما إحنا قد الحديد
ملاحظة السيارة يصير وزنها خفيف كلما زادت السرعة (وإفهموها)
ملاحظه ثانية ترى ما فيه فرق بين إللي يمشي 140 أو 120 وإللي يمشي 200 كلها 60 كلم/س يعني الفرق 60 كلم/س
وهذا إللي يمشي 200 معرض للخطر أكثر من أبو 140
وألحين مستعجل لأني رايح المطار وإذا فيه بقية الشباب ما يقصروا
تحياتي
(ولا تلقوا بأيديكم إلى التهلكة)
|3|
