شوفولي حل ياشباب مالقيت السيارة الى ابيها؟؟؟

اخي انا انصحك نصيحة لوجه الله انت وكل مقبل على شراء سيارة مستعملة ابعدوا عنها
اشتري بالمبلغ سيارة عادية جديدة ولا تدفع ريال في المستعمل مهما سمعت ان المستعمل نظيف هذا كلام فاضي ما في مستعمل نظيف ( نسبة النظيف للمستعمل قليل جدا جدا جدا ولا يخلو من المشاكل)
و شوف معي في النقاط التالية فدائح المستعمل و البلاوي الي تصير له :

1- ما تعرف مين الي استعملها واش جنسه وكم عمره وكيف سواقته
2-ما تعرف كم الف مطب اكل
3-غالب السيارات المستعملة قراءة عدادها غير صحيحة ( يمكن تحصل سيارة موديل 2007 ماشية 30000 كم والبودي جديد بس يكون صاحبها ابو سفر وكان فاصل العداد وصافق له 500000كم)
4-ما تعرف كل كم كيلو كان الزيت يتغير ( الي هو المحدد لعمر المحرك )
5- اذا كانت قير عادي يمكن صاحبها كان خشيم ما يعرف يعشق وهالك التروس وماسح صحن الكلتش واذا اوتو يمكن يكون محروق من جو و مفلل دعس وقومات .
6-اكيد ما احد يبيع سيارته الا اذا كرهها وعاد الواحد اذا كره سيارته تعرفون كيف حيسوقها
7-واذا جاء واحد يبغى يبيع سيارته تتوقع راح يحافظ عليها في اخر ايامها معه ؟؟؟ اعتقد انه حيكرفها كرف = الكرف الي انكرفت فيه قبل البيع ( قليلين الي يخافون الله ثم دعوة المظلوم )
8-اذا انباعت السيارة في معارض تبدل القطع الكويسة بقطع مهترئة وهذه حقيقة موجودة للاسف يحني يبيع السيارة بسعر كاش مكسب الزبون ومكسب القطع الي يبدلها بالمهترئة !!!!!! وكمان الي يشتغلو في المعرض ( الشريطية ) يمكن يستعمولها وهم يدورون على زباين ويلفلفون بها ( عاد انتم تعرفون الاماكن تبع السيارات المستعملة كيف شوارعها واعتقد انهم حيسوقوها بدون رحمة ودعس واكل حفر من النوع المدمر ( انا بنفسي شفتهم لما بعنا البريفيا تبعي )
9-احسب كم حتدفع على السيارة المستعملة ( من سعرها وصيانتها وتصليحها ) خلال فترة استخدامك لها حتصل ان الحسبة = سعر سيارة جديدة عاد انت حتسعمل الاثنين نقول نفس الفترة بس الفرق اان المستعمل تعبك وزعلك وما بسطك والجديد ريحك وبسطك ووووو

اكرر نصيحة يا شباب ابعدو عن المستعمل