تقرير شامل وبالصور عن مازدا cx-9 بعد التجربه لمدة شهرين

انا سمعت من واحد عدنا في الشركة في الشرقية انه صاحبه عنده cx9 ولما جو اليابانيين فكو له السرعه

نداء عاجل وسريع لجميع ملاك جيب مازدا سوف يتواجد مندوبين من اليابان للنظر في شكاوي واقتراحات مالكي سيارات مازدا وانا اليوم كنت في الوكالة للصيانة ولقيت فرع الوكالة بطريق خريص عاملين تصليحات على قدم وساق ليظهروا بمظهر مقبول وهذا شيئ من حقهم كما انه من حق اي واحد لدية اي شكوى او اقتراحات التوجه للفرع طريق خريص وذلك يوم الثلاثاء والاربعاء الموافق 20 و21 لهذا الشهر ذو القعدة من الساعة الثامنة صباحا الى الساعة 5 مساء وانتظر من الأخوه مالكي سيارة جيب مازدا cx9ان يزعجوا الخبراء اليابانين بأن يفكوا لنا سرعة جيب مازدا الموضوع سبق وان نوهة عنه في منتدى ملاك مازدا ولاكن كان التاريخ خطاء والان وبعد التأ كد من التاريخ اكتب لكم هذا الموضوع لاهمته اتمنى من كل من له اي مسأله التوجة للفرع من ناحية الاسعار او القطع وتوفرها او اي مشاكل اخرى وياليت يتم نقل موضوع الزياة لجميع الاخوة وشكرا:eh_s1:

مبروك ع السياره

ابو عزام الله يبارك لك فى الموتر

المازدا الفل بـ 118 الف ريال سعودي

اللحين المازدا الفل كامل اكثر من 150 الف , ليش وش فيها مواصفات ( سؤالي استفهامي وليس استفزازي )

^^^^^^^^^
شوف يا خوي
انا انصحك بالمازدا الفل مع انها اقل مواصفات من الاكاديا وسعرها اغلى من 150000
على ما اعتقد
المازدا من الداخل افخم السياره اقوى من الاكاديا ثبات لا يعلى عليه اما الشكل فهو اذواق
وانا اراه اجمل من الاكاديا
اخذت لقب افضل كروس اف في فئتها للعام 2008 متوفقه على كل منافسيها
من ضمنهم الاكاديا
لا تنسى الاستخاره
واتوكل على الله

أعتقد قريب من 150 الف فل كامل (نافيقيشن - شاشه دي في دي - دفع رباعي مستمر - سقف بانوراما )

ولكن اذا كانت الميزانيه والحمدلله تسمح للوصول الى هذا المبلغ , ماذا تنصحون ..

وأيضا ماهو الاجمل من الخارج والافخم من الداخل . حسب وجهة نظركم ...

نفس مميزا الاكاديا الفل كامل ومازدا فل كامل ماراح اشتري المازدا اكيد الكاديا بس قول لي الاكاديا فل دبل كم سعرة

أصحاب ال CX9 , أذا كان سعرها مثل سعر الاكاديا الفل كامل .
هل تختارو المازدا او الاكاديا ..

بحاول أن أجاوب على سؤالك

أعلم إن السيارة CX-9 ليست مثل البرادو أو أشباه التويوتا عامة

بل أعلم إن السيارة تصلح للطلعات البرية وهي ليست بمنئى من الغرز في الرمال الناعمة مرة

يعني السيارة صنعت أساساً للطرقات الجبلية المعبدة .... وهي أيضاً تصلح للبر والطلعات البرية بس أعلم إن إي سيارة سيدات إذا ما قدرت تطلع طلعة رملية فأعلم إن السيارة المازدا تقدر تطلع بنسبة 50% أما البرادو فأكيد 100%

والسيارة ممشاها أفضل ما يكون .... لها مقطع في اليوتيوب تطرح راس البرادو ولقد نزلته في موضوع ملاك المازدا في القسم الياباني ولها صور في طلعات برية لبعض الأخوان في نفس الموضوع ... حاول أن تقرأ الصفحات من 45 إلى أخر الصفحة وحط إستفسارك هناك .....

وشاكر لكم ,,,,,

الله يعطيك العافيه اخوي على الموضوع المتكامل
انا حاولت اقرا جميع مشاركات الأخوان في الموضوع بس مالقيت ولا مشاركه فيها نفس السؤال الي ودي اطرحه عليك
وهو كيف نظام الدفع الرباعي في الموتر وهل جربته في الرمل؟؟؟
وكيف الممشى حق الموتر ؟؟

آسف اني اطلت عليك في الموضوع وارجوا ان تجيبي بأسرع وقت..
الف شكر لك ولجميع من شارك في الموضوع

تحياتي

السلام عليكم ورحمة الله وبركاته كل عام والجميع بالف خير الاخوة الاعزا مالكي cx9 والخوة الراغبين في التعرف عليها الحقيقة لم يحالفني الوقت لاقراء جميع المشاركات الاخيرة ولاكن مررت على بعظها اولا بالنسبة للون المعدن اي الكروب الداخلي على الابواب فهو بصحيح سرعان مايتخدش وبصورة غير طبيعية ثانيا بالنسبة للوكيل وفروعة والخدمة فقد[COLOR=black] سبق لي ان اشرت الى احترام وتقدير فرع الراض والذي اتعامل معه والذي يقع في حي السويدي والله خدمة ممتازة جدا واحترام غير طبيعي وما الفروع التي خارج مدينة الرياض فقد تعاملة مع فرع منطقة جيزان وكان لدي ظرف طارئ وهو ان احد كفرات السيارة انشق بي لسبب ظربي به برصيف تفاديا لعدم الوقوع بحادث من احد المتهوين امامي وبدات المشكله انني بحثت عن كفر بديل فلم اجد واطررت للذهاب لمنطقة عسير ولم اجده حتى عند الوكيل لشركة برجستون والذي لم يكلف نفسة حتى طلب الكفر من الوكيل بجدة او اي مدينه اخرى يوجد فيها الكفر فطررت الى مكالمة مدير فرع مازدا بمنطقة جازان الاستاذ العزيز دمث الاخلاق والمروئة :a120(37): الذي حاول بكل طريقة وكان اتصالي به يوم الثلاثاء 7-10-1429 وافاد بان الكفر سيكون متوفرا يوم السبت اي اول يوم بالدوام وانا عملي بمنطقة الرياض طبعا رفضت وقلت ابسافر بدون استبنا بالغرم من الاستنا ليس مهيء للسفر لاكن ماذاعمل مجبر اخاك لابطل المهم جهزة نفسي ان السفر يوم الخميس والله ياخوان يوم الاربعاء 8-10 دق على جوالي الاخ حامد الغامدي ليلغني ان تم ارسال الكفر من وكالة الرياض وشراءة وارسالة على اسرع شركة نقل وهى ناقل وكان ذلك يوم الاربعاء فهذا رد للخوى الذين يقولون ان لايوجد احترام للعميل عبد شركة مازدا انا لاانكر ان الخدمة في منطقة جيزان وبعض المناطق لم تصل لمنطقة الرياض من حيث الاستيعاب لعدد معين ولاكن هذا ماحصل معي وللمعلمية فان الكفر عند وكيلة برجستون قيمته 1350 واخذته من الوكاله 1150 بدون مصاريف نقل فشكرا الاستاذ حامد الغامدي مدير فرع جيزان شكرا شركة الحاج حسين على احترامي حتى ان كثيرا من الاخوة الذين عرفوا هذا الموضوع استكبروه وفالوا ان شركات كثيرة ومعروفة لاتعمل مثل ماعملة معك وكالة مازدا وللجميع تحياتي [/COLOR]

ياشباب انا شريت السيارة اليوم

وباستلما بعد 3 ايام


ابغى منكم وخاصه اهل المدينة

يدلوني على مكان ممتاز اضلل عنده واركب حماية لللي قدام

وبسعر معقول وجودة زينه

مشكور ويعطيك الف عافية

ياشباب البارح طلعت السيارة من الصيانه بعد مامشيتها 6000 كيلو
ولكن اخذوا علي 300 ريال وبعد المكاسرة وكثر الكلام اخذ علي 287 ريال
وهو ماغير الا زيت وسيفون بس يقول انه شيكها تشييك كامل ومدري كيف
المهم انا احس انه في تفاوت في اسعار الوكالة من منطقة لمنطقة يعني اللي بالجبيل مش زي اللي بالخبر او جده او غيرها لذلك الجميع يكتب كم اخذوا عليه على تشييك 5000 كيلو
وهل مهم اني اشيكها بالوكاله او اسحب عليهم لان بصراحه شكلهم ناوين على 800 في التشييك القادم
وهل لما تغير زيت السيارة خارج الوكالة يلغي الضمان ام لاء
الموضوع الاخر كلمتهم عن الجرس المزعج قالو كلام يختلف عن كلام الشخص اللي قال انه فصل الجرس ب 300 ريال قالو يفصلوه ب 650 ريال وقالو في حالة فصلته ينفصل معاه صوت تشغيل المسجل وصوت الاشارات ومدري كيف قال يعني الدعوه فيها حوسه
نطلب من الشخص اللي قال ان فصلة الجرس ب 300 ريال يوضح هل هذا السعر من الوكاله او لا وهل تعطل وانفصل عنده شي اخر ام لا

بالنسبة للديكور الفضي اللي على الباب فهو مخدش عندي بسبب الخواتم
سيارتي جت معها الأرضيات، رح للي سلمك السيارة وانشب بحلقه
سيارتي الان ماشية 14000 ماشاءالله وشكلي ببطل اصونها في الوكالة لأن اسعارهم عالية على تغيير زيت بس! وكل 5000 ! لو تشوف المانيول الأصلي يقلك تغيير الزيت في الظروف القاسية كل 9000 !
وفي الظروف العادية كل 12000 كم
انا عن نفسي حغير الزيت كل 8000 خارج الوكالة من الان ان شاء الله، اما الصيانات الكبيرة بخليها في الوكالة، خاصة تغيير زيت الدفرنس الخلفي هذا خليه عندهم

وشكلي بدفع ال300 وافتك من صوت الجرس لأن سفري كثير والله يعينا حتى نكتشف طريقة فك ال160

كلام سليم 100%
بالنسبة للديكور الفضي على الباب انا وضعت عليه لصق لونه فضي تلقاه في الغرابي مع اي واحد هندي و يلصق لك هو وشكله مطابق للون الاصلي و ما ينخدش..

انا السيارة اخذتها مع الارضيات حقتها CX9

الصيانة لا بأس بها في الرياض..

بس المشكلة انا هذه اول سيارة دفع رباعي امتلكها و ملاحظ ان صوت الماكينة عالي بعض الشيء و خاصة عند التسارع.. هل هذا طبيعي؟ و ايضا بعد كل غيار زيت احس الصوت يعلى بزياده مع العلم ان السيارة ماشية 7000 كم فقط..
افيدونا وفقكم الله

السلام عليكم وكل عام وانتم بخير
يااخوان حاب ادخل في الموضوع بسرعه
السياره بصراحه جميله وهي معي قرابه شهر ونصف ومشيت عليها 6000 كيلو
رحت عليها القصيم والرياض ورجعت للشرقيه
المميزات كثيره ولكن لها ايضا عيوب
راح نتكلم عنها وابيكم تشاركوني في رايكم
اولا تحديد السرعه على160 امر مزعج للكثير ولو ان البعض مايحب السرعه
ثانيا الجرس مزعج مزعج مزعج مزعج للغايه وبصراحه مره كنت اسوق واكلم واحد والله العظيم كان يفكر اني اسوق دنه ؟؟؟؟؟ من قوة الجرس يعني جرس غبي بكل المقاييس والمصيبه انه مايفصل مستمر.
ثالثا الصيانه بصراحه اليوم نزلت السيارة بالجبيل والله العظيم جايهم الساعه 8 صباحا ويقول يمكن ماتخلص اليوم تخيل بالله هذا كلام عليهم تصريف صيانه الجبيل زفت وبصراحه فيها هندي وفلبيني وكل واحد العن من الثاني
رابعا السيارة حساسه جدا على المطاب يعني اي مطبه ترج الركاب وهذا عيب كبير للأسف
خامسا الديكور الفضي هذا حساس جدا واللي يعرف له حل يعلمنا
سادسا السيارة تجي من دون فرشات ارضيه وهذي الصراحه امر غريب جدا جدا
وهناك عيوب نذكرها لاحقا اتمنى من الجميع مناقشة ماذكرت يمكن نستفيد من بعص يااخوان
اما حكايه فصلت الجرس ب 300 ريال والله استغلال وعيب على الوكيل مثل هذا الكلام لأن هذا شي داخل في عيب التصنيع المفروض يصلحوة بلاش او مبلغ رمزي واتمنى ان يكون في اتحاد لملاك مازدا عشان يكون لنا كلمة على وكيل مازدا اللي يتلاعب في كثير من الاشياء
اتمنى من الجميع التفاعل والردود تحياتي لكم اعضاء مازدا الكرام