تقرير شامل وبالصور عن مازدا cx-9 بعد التجربه لمدة شهرين

والله انا صرفيتي من 17.7 الى 18 لتر لكل 100 كم (رجلي حارة احيانا)
وماشي 1200 كم الى الان
وماعبيت الا 91

انا و الله اعبيها 95 مثل ما قالت الوكالة.. صحيح, انه في الكتالوج مذكور 90 و فوق بس ما ادري ليش اعبيها 95
السؤال هل هناك فرق في الصرفية بين ال 91 و 95؟

حياك الله في نادي CX-9 :)
يعطيك خيرها ويكفيك شرها
الكفرات ابدا مالها صوت مزعج عندي، لكن طبعا راحة الركوب أقل من ابو 18"
والسيارة تجي معها دعاسات عملية، لكن بامكانك تشتري دعاسات فخمة ب500 ريال

وفعلا ناقصها زينون وحساسات ودي في دي، واتوقع موداكار غالي

السلام عليكم ورحة الله وبركاته
مساء الخير على الجميع
أنا اشريت السياره يوم الأحد وراح استلمها بعد اسبوع ان شاءالله الين ما تخلص من اجراءات الميناء
بس ماشاءالله السياره بكل ما فيها روعه من كل شي. وسعر السياره الأن 119000 ريال الفل ابوش
بس أنا عندي سؤال للأخون الي عندهم السياره...
يقولو صوت الكفرات عالي في الخط الطويل وخاصه الي جنطها 20 انش
بالنسبه للدعسات أناالمندوب قلي راح تجي مع السياره واصليه.
وبالنسبه للزينون الحساسات أنا افكراركبها في مودا كار الي عندو اي مكان بنفس الجوده و احسن بالله يقولي عشان السعر الي راح اركب فيه الزينون والحساسات راح يكلفني 2300 ريال.
والف مبروووك للجميع

انا الحين ماشي 500كم تقريبا
لاتقلي انك تعبي 95 مثل ماتقول الوكالة
تراهم في امريكا يعبونها 86 اوكتين
وانا اعبيها 91 وزي الحلاوة ماشاءالله
الكاتلوج مكتوب فيه 90 ومافوق

الف الف مبروك عليك السيارة والله يعطيك خيرها و يكفيك شرها..

السيارة متل ما قلت اخي العزيز اكثر من رائعة و بالنسبة لصرفية البنزين فهي مرتفعة قليلا. يعني انت كنت ماسك خط و اعطاك 17.7. انا صرت ماشي عليها تقريبا 1500 كم بس كله جوا المدينة و عندي 18.6

و السلام عليكم

الحمدلله
استلمت السيارة يوم السبت
تتربى في عزي ان شاءالله:)
يوم الأحد مسكت فيها خط من الرياض للدمام
ماشاءالله تبارك الله رساوة ونظام صوتي رائع
والأولاد انبسطوا في مساحة الكراسي الخلفية (واسعة) ماشاءالله
والمحرك متجاوب مع اني محمل شنط واغراض
لكن اللي رفعلي ضغطي التحديد على 160 لمن أحاول اتجاوز السيارات مشكله
والعزل ماشاء الله روعة

الخلاصة
اللي يدور سيارة عائلية راسية ورياضية لايتردد


سؤال لأصحاب الCX-9 ، كم استهلاك البنزين في كمبيوتر السيارة ؟
انا عندي 17.7، وهذا ثاني تانكي، هل عندكم اقل من كذا ؟

سيارة ممتازة في راي الخاص و بصراحة اتمنى ان احصل على وحدة

والله حرام بعد التصميم هذا والفخامة والمواصفات تخذلنا مازدا ووكيلها في نهاية المطاف.. كثير من الشباب مخططين لشرائها ولكن مترددين بسبب سمعة مازدا و(قطع الغيار) واعتقد بعد سنة من الاستخدام ستتضح الرؤيا حول قدرتها على المنافسة وخلوها من العيوب الخطيرة وتحملها لأجواء البلد وفعالية المكيف في لواهيب الصيف.. السرعة 160 كافية في الاحوال العادية ولكن في الأوقات الطارئة قد تكون مصيبة وخصوصاً في السفر الطويل للعائلات ..

على العموم السيارة جميلة كعادة سيارات مازدا .. واللي اشتراها اقول له الله يعطيك خيرها ويكفيك شرها ..

وعندي استفسار عن الرساوة في الخطوط الطويلة .. هل هي راسية ..؟؟

عن نفسي لم الاحظ :rolleyes:

بإنتظار الاخ cx-9

ايضى لكي يوضح الامر:rolleyes:

مع الاعتذار لصاحب الموضوع لتدخلي

السياره تجي بدعاسات تجاريه وهي مجانآ اما الاصليه فقيمتها حوالي 500 ريال

....................

لاحظت كمان ان أغلب الأمريكان يشتكوا من حذفه في السيارة لمن يسوقوها في الHighway
هل لاحظت الشي هذا ؟

أخوي CX9
يعطيك خيرها ويكفيك شرها ان شاءالله
ويعطيك العافية على التقرير
انا بستلم السيارة ان شاءالله بكرة (الرياض)
لكن بسألك، لأنك تقول دفعت حق الدعاسات، والمندوب قالي ان الدعاسات تجي مع السيارة ؟
وسألته مرتين علشان أتأكد وقال تجي مع السيارة
مدري يخرط علي ولا ايش

الشي الثاني، هل لازم أغير الزيت في الوكالة ؟؟ علشان احافظ على الضمان

وشكلي بركب الحساسات ان شاءالله،

الله يعطيك خيرها ويكفيك شرها

بس الله يعينك على الوكيل في الصيانه واسعارها انا عندي مازدا 6 لاستخدام البيت والله صيانتها اغلى من البرادو