كفرات الجيوب: أنواع كثيرة....وخيارات محيّرة...أرجو مشاركة الجميع بتجاربهم الشخصية

حياك الله اخوي فارس

الان اردت ان اضيف الصورة دايركت بالرد بس مو راضيه تنضاف فياليت شرح يكون على الطاير اشلون تضاف

ويعطيكم العافيه

صدقت أخوي DAKAR

الميشلان هو شيخ الكفرات :a120(24):

لكن ما اتوقع إن التايلندي مثل الفرنسي من ناحية الجودة والتحمل :a120(89):



" وش اخبار السوداني راعي المسامير "
:D :D :D

اخوي رفيع الشان

اسمح لي انقل لك تجربتي لبعض الاطارات

والله جربت اليوكوهاما على جيب فكسار 2001 اعجبتني نقشته وشروه اكثر من واحد قلت يالله معهم

والله اكثر واحد جلس معه سنة وشهرين وبعدين تخلص منهن

بصراحة كفرات سيئة للغاية على الجيوب وتصور كل اللي غيروهن تشققت عليهم وكانو مركبين لساتك في ااخر حيات الكفرات يعني سنة وحده المتوسط لعمر الكفر ومع ذلك اي كسر في الزفلت راح ينشلخ عليك

وانا اعلمك السبب

انا بصراحة اقدر اليوكوهاما ومتعصب بعد له لكن اكتشفت انه متخصص في كفرات السيارات الصغيرة

اما الجيوب والدفع الرباعي ففااااااشل بصرااحة قاسي جدا ولافيه اي ليونة لذلك تجد ان الكفر يتكسر ولا ينسلخ يعني ما فيه اي امتصاص للصدمات فلذلك احذر منه

نجي للدنلوب ؟؟؟

اقولك سبب انتشاره
1: انه يجي مع السيارة وكالة واغلب الناس يشتري اللي يجي مع السيارة بدون ما يسال .
2 : انه افضل الموجود تقريبا يعني سعر معقول وجودة زينه

لكن له عيوب وانا جربته مع جكسار 2003 جنط 17 بصراحة الكفر على طول ينمسح

ثاني شي فيه عيب معروف وهو انه كفر نذل يعني ينسلخ عليك ولازم يشيل معه شي ثاني

يا اما يطير الرفرف والا يشيل الصدام والا يضف الدعاسات الجانبية يعني لازم يخرب شي معه

لكنه ما سواها معي لكن شفت ناس كثير بهذلهم

غير كذا الدنلوب معروف بالتحبيل او (الصعررة ) لان الجيب اللي عندنا دايم واقف واي شي يلمسه رصيف او شي تلقاه يسبب رجه لان الكفر يحبل او يا خذ شكل الوقفه

لكن فيه كفر عجييييب وجربناه ونجح ابشرك بامتياز وياباني بعد ؟؟؟؟؟؟؟؟

اللي هو فايرستون بصراحة كفر يتحمل الكرف ورخيص ومريح وكويس في الرمل ويطول معك
لكنه غير معروف ولا منتشر ما ادري ليش لكن اذا احد عنده خبرة فيه يا ليت يفيدنا

اما الميشلان فهو العنصر الثابت المتفق على جودته لكن سعره غاااااالي يعني ما يقارن مثلا بالدنلوب

لان الدنلوب حق الجيب سعره 500 ريال تقريبا اما الميشلان تلقاه ب700 او 800
هذا اللي عندي عن الكفرات

واسمح لي اني ما اعرف الارقام والنوعيات او معامل المرونة <<خابره في الاقتصاد وش جابه

مشكور على الموضوع اللي استفدنا فيه من خبرات الشباب

موب بس فارس سدير..انا بركب الكفرات ولو ماطلعت زينة بنصف سرا انا وياه عند باب بيتك :D
عموما اشكر لك دعائك الطيب وهذا من طيب اصلك


اخواني انا في طور اعداد مشاركة عن الإطارات تكون فيها فائدة للجميع..اتمنى ان اوفق في ذلك
فاصل ونواصل :)

حياك الله اخوي HaZeM ومشاركتك زادت الموضوع قيمة جميلة وفائدة كبيرة
وننتظر منك المزيد
تحياتي

الله يكتب لك اللى فيه الخير

كلمت الوكالة على تليفونهم وقالو لي ان موقعهم كالتالي:
لما تكون على الدايري الشرقي ومتجه جنوب...اول مايجيك مخرج 15 تلف يمين..يعني وجهك يصير غرب
وبعد مسافة بسيطة بتشوف الوكالة على يدك اليسار..اسمها الراشد
وعلى المواصفات اللي ذكرها الاخ abuabu تعتبر ممتازة..وخصوصا انه يمدحها وماذكر فيها اي عيب
ويكفيك انها صناعة المانية (الافضل في العالم في الكفرات)

مع ان سعرها غالي شوي بس يعتبر معقول بالنسبة لبلد الصنع (لاحظ فرق سعر اليورو)
واذا مازانت لك الكفرات تقدر تاخذ دراهمك من abuabu انا مالي دخل :D

انا افكر بجدية اركبها على سيارتي في اقرب فرصة

والله الهانكوك ماأحد يمدحه ، كل من ركبه يقول لي عمرة الإفتراضي من سنة إلى سنة ونصف
ميزته الوحيدة إنه لين ، ويقال إن الدفعات الجديدة صارت أقسى من أول ...

الحين ماقلت لي وين لقيت كل هالكفرات؟ يااخي احس انك طحت لك على المكان اللي ينفون فيه الكفرات لما تنتهي صلاحيتها هههه..لا من جد ماشاءالله عليك..كل اسامي الشركات تحت سقف واحد

بالنسبة لكفر قوديير ودي تشوف وكالته الراشد..اتوقع بتلقى المقاس
هذي مشاركة الاخ abuabu واشترى مقاس (نسبة الارتفاع فيه إلى العرض ) اصغر من حقتك الدنلوب

على فكرة..فيه كفر كلنا حاقرينه مع انه خيار جيد جدا وبسعر معقول
هانكوك....فكرت فيه؟ صحيح كوري بس مايجي تقليد..ولين وكل الزملاء اللي مركبينه في الجيوب يمدحونه
عيبه الوحيد مايتحمل الاماكن الصخرية لانه لين واجد..لكن اذا ماتروح هالاماكن بيكون خيار يستاهل تفكر فيه

شاكر لك اخي العزيز

الدنلوب كفر متوسط النعومة لكن لن افكر في شرائه إلا اذا كان الحرارة A والتراكشن A غير كذا انسى الموضوع

هانكوك كفر لابأس به..خصوصا من ناحية الليونة واذا انت منت راعي أماكن وعرة وحجار..ولا بينفقع عليك
ماعدا ذلك يعتبر كفر لين وجيد

انا عن نفسي افضل الميشلان..لكن بشرط يكون امريكي ولا فرنسي
ولو اني ماصرت اشوفهم في السوق..لهذا السبب اقترح عليك تشوف ال GOODYEAR اللي قال عليه الاخ AboAbo لان مواصفاته جدا ممتازة ويكفيك ان صناعته المانية يعني نم وانت مطمن باذن الله (موب وانت تسوق طبعا :))

طيب وش رأيك أخوي رفيع الشأن


لو خيروك بينهم ، وش تختار ؟

انا عن نفسي الدنلوب

الله لايهينك ويرفع قدرك
افدتنا كثييير بخصوص الانواع واسعارها وراح تكون مرجع للاخوة خصوصا اصحاب الجيوب من نفس المقاس المذكور

يعطيك العافيه

أبشر بعزك

265/65/17

مقاس البرادو

الله لا يهينك ليتك بس لو تزودنا بمقاس الكفر اللى على اساسه كانت هذه الاسعار
ويعطيك العافية