بليزر vs ماركيز

الموضوع قديم

تاريخ طرح الموضوع في شهر 4 من سنة 2008

يغلق

الماركيز افضل

صادق اخوي سهران بالنهار انا بس بعلق على نقطه مانع الانزلاق

صار لي موقف في البليزر امشي 140 على بالي نزلت للخط السريع ما دريت الا المخرج الاجباري اللي ينزل على الخط السريع المخرج بزاويه صعبه جدا و اضغط الفرامل باقوى شي و الف الدركسون و الحمد لله اخذت الملف و الف الدركسون مع فرامل قوي بسهوله طبعا كان في صوت مانع الانزلاق و اصوات انظمه الامان و الحمد لله

الموتر كان بليزر ستاندر 2006
طبعا السرعه القانونيه يمكن 40

هذا تعليق على كلام الناصح لكم اللي يقول الواحد يمشي 160 على ملف قوي ويبي الموتر ما يزح

تصير مواقف غصب على الواحد

انا ما جربت الاثنين

بس من ناحية الشكل البليزر افضل ,,,,,ناوي اشتريه بس والله محتار مثلك

والله أخوي أنا أفضل بليزر وبل أخص بليزر ss

بصراحة الماركيز وارفع يدك... طبعا ما استخدمت البليزر لكن بصراحة لي شهر وانا شاريه وعاجبني أداؤه العالي

الموضوع من شهر 4 وحنا نرد عليه الا الحين الله المستعان :emot96:

من الاخر ماركيز......كرف + تحمل +مكدة +مايشتكي+ خطوط+رساوة مناسبة نوعا ما +قوية......

اما البليزر ماعندي خلفية عنده لكن الي اعرفه انه نااااعم عالمطبات ومكييينة قوييييية وسيارة عملية الى حد ما , وشكلها جييد ورياضي....اما الصرفية تغثك +قطع غياار غاااالية

الماركيز خذ اللي فيه نظام عدم الانزلاق التراكشن كنترول ولا ينزلق

ثاني شي الواحد مايجي يدخل منعطف قوي وهو يمشي 160 ويقول ينزلق

السياره مخصصه للراحه وللترف وعلى طاري الانزلاقات ليش الدوريات الامريكيه معتمده الفكتوريا

بالمطاردات عشانه تنزلق :a120(37): اللي مايعرف يسوق لايسوق والعاقل عاقل

معي جراند ماركيز ولا عمره انزلق لاني امشي بهدوء وبعقل اما مع طيران الشباب والغشمان

لازم نحط لهم صمغ بالكفرات عشان ماتزلق السياره ابدا:emot96:

والسلااااااااام

انا انصحك في الثنتين ان شرية هذي او هذي انت الربحان
خصوصً اذا كان البليزر دفرنشين ينفع في البر بس مو حق تطعيس جامد لانه يتفكك ونازل ويعلق
بس مع كذا حلو في البر ومريح على الشارع بس تعيبه الصرفيه اشويه زايده
ومن ناحية عـــزم قـــــوي مـــره ويقوم على الماركيز وهو سته سرندل
ومن ناحية قطع الغيار هو اغلى بفارق شي بسيط عن الفورد
ومن ناحية التكيييف حلو كثير بس عيبه مايبرد ابد اذا وقف
وتعيبه الحراره في الصيف بالبر ترتفع وفي الشارع اذا كنت راعي تدعس كثير بمعنى الكلمه


اما الماركيز انا اشــوفه رسمي اكثر وناعم وحــلــو من برا ومن داخل
وصرفيته اقل ومره حلوه وقطع غيااااره متوفره بكثره
بس يعيبه سرعة الانزلاق وتكييفه حليو بس الموديلات الجديده مو القديمه

وكلهم وقت البيع سعرهم حلو

والصراحه مو عارف اصوت لاني مجرب الثنتين وعاجبيني

انا معي بليزر يااخوي والحمدلله مرتاح فيه
مكينته قويه 4,2 و 294 حصان وطبلونه 200 ويجيب عالخط تحت الميتين
ولو تترك الطاره ماضره راسي ماشالله
وبالنسبه للاخ اللي يقول ماهو امريكي اصلي اقوله المصنع اللي صنعه مصنع جنرال موتور في ولاية اوهايو
وفي المطبات مريح لابعد درجه والطبلون مغطى من فوق بالجلد ..<-- للي يقول كله بلاستيك
واقل نوع منه يجي سي دي + كاسيت واهم شي نظام الامان ومانع الانزلاق ..
على العكس سيارة السواق عندنا فكتوريا :
زلقت فيني 3 مرات في دوارات جامعة الملك سعود!
مكيفها وقت الحر انتظره ساعه على مايبرد !
الفرامل اضغطها بقوه وانت تمشي 120 شف وين بتلقى نفسك ! واللي ينكر يجرب ويصورها وينزلها لنا !! لأنها صارت لي ..!
مكينتها تصرف بنزييييييين !! بالهبل تشرب وليت فيها قوه ! انا قاومت ماركيز رحت عليه
8 سلندر على غير سنع !
معليش على عصبيتي بس بعض الناس يقهرك برده يتكلم عن شي ماجربه !
وتحياتي لك اخوي

هو فيه غيره الماركيز وبس

قوه تحمل راحه كبيره اثناء القياده رساوه في الخط

امشي في عز الظهر وانت مطمأن بعد توفيق الله ولا تخاف

الماركيز وبس

من واقع تجربه لمده 15 سنه

اول سياراتي

ماركيز 87

ومن ثم 94

ومن ثم 2000

ومن ثم 2004

والله يكتب اللى فيه الخير

لو ما عجبتني ما ركبت الموديلات اعلاه جميعاً

بحفظ الرحمن

ابن عمي معه بليزر ومتبهثل فيه خاصة قطع غياره اغلب شي طلبيه ويصرف بنزين كثير

وبالبر نازل مره ويحك وديكوراته اردى بلاستيك

والماركيز مايحتاج الفخامة الاعتماديه الشهره توفر قطع الغيار سعر القطع مناسب

والمقارنه تراها تختلف لان هذا دفع رباعي وهذا سيدان

بـــليزر سيارة لها فخامتها

لكن الماركيز في كل شارع لكن
البليزر سيارة في قمة الروووعة

انا اشوف كل السيارتين ما عليهم خلاف

الماركيز منتشر والبليزر منتشر أيضاً

ولكن كتجربه لم يسبق لي تجربه البليزر وإنما تجربة الماركيز

سياره جميلة تتحمل قوه متوسطة متناسبه تقريباً مع حجم السياره

قطع غيار رخيصه ومتوفره صرفيه وقود بالقياده الناعمه تعتبر جيده جداً

ملاحظة : ( لم يتم التصويت لاي منهما )

والله يوفقك ويكتب لك الخير ,,,

بالبليزر تحس بمتعة القيادة بالاضافة للراحة والرساوة

وبالماركيز تحس بالراحة لكن عيب الماركيز انك تحسها بتزلق باللفات اذا دعست شوي
>> لاحظ شوي :D

بس تتعلم عليها مع الوقت

والبليزر افضل من ناحية تحميل الاغراض و يازينه في خرط المطبات

ميزته لما تطب المطبة ما تحس فيها أبد

وفي الاخير استخير ربك وموفق ان شاء الله |3|

بصراحه انا اقول لك يالغالي بحكم تجربتي للسيارتين انا اقول لك بصراحه الماركيز سياره عاديه واقل من عاديه مافيها ذاك التقنيات سياره عاديه جداً يميزها عن البليزر داخليتها احلى بجكم ان البليزر رياضي يعني مافيه لاتخشيبات و لا شي (بالنسبه للمظهر) اما بالنسبه للمواصفات بدون مقارنه البليزر بيفوق بكثييييييييييييير والله فيه مواصفات خياليه خاصه الفل كامل ولكن مشكلته قطع غياره غاليه واسلهلاكه للبنزين عالي شوي ولكم من ناحية خط ورساوه وشكل والله البليزر وانت صاحب الخيار الاول والاخير واي استفسارات ثانيه نحن امرك يالغالي..

ماركيز وانت مغمض يكفي انه فــورد