مقارنه بين اكسبلورر و باثفايندر

عبدالرحمن13 @user_3058 · 16-12-2002

الحقية عندي راي او موضوع وحاب اشرركم فيه لتعم الفائده
وهو اني محتار وش الأفضل الباثفايندر او الأكسبلورر وقد سئلت وذهبت للوكالة
واعجبتني مواصفات الأثنين الباثفايندر قوي وعملي ومرغوب في السوق وشكله
محندق وصلب قوته 240 حصان وسعر موديل 2003 =87000 ريال سعودي لكن
ماله مرتبه ثالثة .والاكسبلورر شكله انيق وواسع من الداخل ثلاث اسيات وفخم
وكذالك هادء وقوته 233 حصان ولكن لن يحافض على سعره عند البيع وسعر
2003=90000ريال سعودي تقريبا ولكن بديه غير صلب ولا يوحي لك شكله بالقوه . وكما ترون الكفه متقاربه من ناحية القوه والسعر. ولكن عند اشراء يكون الأحتيار. واترك لكوم المجال للمساهمه بالرئي لتعم الفائدة ونرسي على بر . وشكرا

براد @user_3638 · 14-02-2003

شف انا اعرفهم .....
انا انصحك بالمونتنير وانا توني ماخذ واحد مافيييييه مثله قوه حتى في القومه طياره
وبعدين الموجود في الوكاله 2002 بس مانزل 2003
وسعر ال2002 حلو 91 الف
وهو نفس حجم الاكسبلورر بس افخم بمراحل
وان كانك معزم تبي منذا الثنين
خذ الاكسبلورر وتوكل على الله بس على مااعتقد مو موجود في الوكاله الحين ؟؟؟

رايق2003 @user_3784 · 09-02-2003

خذ بايثفايندر ياراجل

السايق @user_1361 · 09-02-2003

مثل ما تشوف ان الاخوان اغلبهم ينصحك بالي شايفه وانا انصحك من خلال تجربة .
مقارنة بين الاثنين صعبة جدا لرجحان كفة احدهما على الاخر بدون اية مقدمات .
النيسان شركة يابانية .
الفورد شركة امريكية (يهوديةالاصل).

السرعوف الأسود @user_2800 · 05-01-2003

مع التحية للأخ ق ق ق 32.
حسب قولك اذا كان سوفى يستخدم السيارة لفترة طويله عليه أن يقتني اكسبلوررمع احترامي لرأيك أخي عنده فورد اكسبيدشن صار له أكثر من سنه في الورشه يحتاج الى قطعة في الدفرنش ولم يحصل عليها اذأ كيف أخد سيارة حتى اوقفها في الورشه فقط واحترامي الى الأخ عالي الشان الله يرفع شأن الجميع القطع متوفره في كل مكان بجانب ذالك لا تجد سيارة متعطله على الخط أيام الصيف غير الفورد ومن يرغب في اقتناء سيارة فخامه عليه بالفورد واذا كان يرغب في القوة والخدمة للزمن عليه بخلاف الفورد بجميع انواعه.
وهذ رأي الشخصي ولولا اختلاف الأذواق لبارت السلع

عالي الشان @user_2720 · 05-01-2003

ياجماعة الخير لا تختلفون

الدعوة هينة

كل له نظرته ورايه ومزاجة ، لكن ياليت الي يقول رايه يكمله بالاسباب علشان نفهم بعض زين

انا أقول الباثفايندر أفضل ، ليش ؟

الاقتصادية ، العملية ، الشعبية ، الصناعة اليابانية الي ما فيها فلسفه زايدة ، توفر قطع الغيار ، لو تروح الربع الخالي تلقى قطع غياره ، سعره بعد الاستخدام ، لو تبيعة بعد خمس سنين تشتري به ثلاث سيارات أكسبلورر ويمكن أكثر .

ويحسب للكسبلورر : القوة ، بعض الفروق البسيطة داخلياً .

عالي الشان

ق ق ق 2 3 0 @user_2549 · 05-01-2003

انا اشوف اذا ان السيارة بطول معك خذ اكسبلورر اما اذا كانت سنتين وتبيعها خذ باثفايندر وبالنسبه للاخ الي يقول ن الفورد كله خرابات ابي اسأله هو جربه علشان يحكم؟؟؟؟؟؟ حنا سياراتنا كلها فورد وماشيه مثل العسل على كثر الكرف الي شافته والظيم وانا لو اني مكانك اخذ الكسبلورر ومبروك مقدما

LEXUS @user_3083 Banned · 30-12-2002

اما <<(( الاكسبلورر ))>> فهو الذي يقارن بالباثفايندر

ال الاكسبلورر وأنت مغمض

MeEzO @user_250 · 30-12-2002

خذ لك باثفايندر أحسن لك

حمتووه @user_3285 · 30-12-2002

ماعليك خذ لك باثفايندر اسود حلوووو مرررره
دق عليه جنوط عشرين وزينون وشوفه كيف يلق
بس الفورد معروف بالخرابات كله فتره ويدق بس النيسان لك وللزمن

شوف هالباث فايندر

العوين @user_2869 · 30-12-2002

خذ باثفايندر :تمام:وتوكل على الله صدقني ممتاز حيل من عدة نواحي وقطع غيارة ممتازة وبعدين يكفيك انه ياباني مو امريكي وفيه من الفخامه ما يكفيك على ما اعتقد ومرغوب في السوق ومنظره السيارة رايق بعد
توكل على الله (والله يعطيك من خيره ويكفيك من شره)

السرعوف الأسود @user_2800 · 21-12-2002

:تمام:عليك بالباثفايندر 2003 ولا يهمك
وآخر حاجة تفكر فيها تقتني سيارة ماركة فورد بجميع انواعه
اذا كنت ترغب بسيارة عليك بالاندكروزر شرط vxrأو يوكان وهذه السيارات غاليه فأفضل حاجة بعدهم هو الباثفايندر من ناحية السعر والقوة وتكل على الله وعليك باللون الكحلي أذا موجود ومبروك مقدماً

عبدالرحمن13 @user_3058 صاحب الموضوع · 17-12-2002

اشكركم جميعا على النصائح والواضح ان كفة الباثفايندر رجحت شوي لكن مازال
الأكسبلورر قريب من الفكر والحيرة يبيلها مزيد من التفكير زالله يكتب الي فيه الخير لي ولكم جميعا.

المقاول @user_2664 · 17-12-2002

قصدك الاكسبدشن ...

الاكسبدشن اخوي ابو الجنوط يقارن مع اليوكن ...

اما <<(( الاكسبلورر ))>> فهو الذي يقارن بالباثفايندر ..

و هو افضل من الباثفايندر بكثييييييييييييييييييييييييييير ...

لكن مثل ما قلت الراي يرجع له اولا و اخيرا .

تحياتي :

المقاول .

ابو الجنوط @user_2618 · 17-12-2002

اخوي المقاول كلامك صحيح بالنسبه للابدنشن الجديد ولكن مع هذا الباثفاندر افضل بكثير
عموما الراي لاخونا عبدالرحمن 13

المقاول @user_2664 · 17-12-2002

لا لا لا ...

انا والله ما اوافقكم الراي ...

اوافقكم اذا كلمتوني عن اكسبلورر ما قبل 2003 ...

هما الحين و الله فرررررررررررررق بينهن ..

خذ اكسبلورر و توكل على الله .

و انا ما اقول ان الباثفايندر شين الباثفايندر حلو .

لكن مع مقارنته بالاكسبلورر .. << اعتقد صعبه شوي .

و انت رحت للوكاله و شفت هذا و هذا و انت الحكم .

تحياتي :

المقاول .

ابو الجنوط @user_2618 · 17-12-2002

الباثفاندر افضل بكثير ويكفي انه من نيسان

Polite @user_1346 · 17-12-2002

الصراحة الباثفاندر
100%
فيه كل المواصفات الحلوة
باستثناء التكييف الخلفي ,.

LIMITED @user_1932 · 17-12-2002

والله انا كمان انصحك بالباثفايندر جيب قوي سريع فخم وعملي
وسعره ممتاز وسعره ثابت عند البيع
خذ اسود من جوه بيج

سلام

السايق @user_1361 · 17-12-2002

انا انصحك بالباثفايندر من خلال التجربة لان عندي سيارة مثلهوهو قوي ولبق ويانعومك من سيارة .
والراي لك