الموضوع وما فيه
قررت الوالدة الله يطول في عمرها إننا نجيب سواق ليقوم بقضاء أغراض البيت
وذلك بسبب إن أغلب من في البيت خارج المدينة لغرض الدراسة وأنا منهم
طبعا السواق يحتاج سيارة وبحكم إن عدد أفراد الأسرة كبير فلازم نشتري سيارة كبيرة
فجوا أعطوني في حدود 30 ألف ريال سعودي وقالوا لي شوف لنا سيارة حلوة وكبيرة
نزلت المعارض ومالقيت بهذا المبلغ إلى ياباني أومريكي قديم أو كوري شبه جديد
فكرت في كلام أعضاء المنتدى وقلت يا شيخ الكوري تطور وعلى العموم شبه جديد أحسن من قديم
فقلت مالي إلا الكرنفال من كيا ولفيت معرض جدة كلها وأشتريت أنظف كرنفال لقيته وكان موديل 2005 ماشي 50 ألف فقط
فرحوا في الأهل كثير ولكن..........
ظهرت مشاكل قدرت أصورها وبعضها مايتصور
وإليكم بعض المشاكل مع الصور (عذرا على جودة الصور):
بعد فترة من الاستعمال تقارب 10 آ لاف كيلو صرت أسمع صوت قوي من جهة المكينة عند وقوف السيارة مدة 3دقائق وبعد الفحص طلع الكنستر مكسور
والمشكلة الكبرى إني لفيت جدة كلها وماحصلته
ثانيا مشاكل الديكور
الغطاء معلق
ديكور المقعد مكسور وطايح
ثالث حاجة العزل سييييييييييييييييييييييييييئ جدا تصدقون عاد في تنسيم وانا ماشي 40
فيديو (اضغط على الرابط بعدين اختار فتح)
http://www.ww666.net/22qwertyuiop%5b%5d.mp4
ويعلم الله إني مقفل القزاز
في النهاية حبيت أقدم لكم بوباي رجل البحار :p
وإلا الآن دافع عليه مبلغ لا يقل 1500 ريال لتغيير السيور والبكرات حيث إن ماكينته معقدة والمشكلة مع إنه 6 سلندر
إلا إن عزمه طاااااااااااااااااااااااااااااااااااااايح جدا وناهيك عن قيره الغبي وصرفيته الكبيرة
وبصراحة أستغرب جدا مما أشاهده من بعض أصحاب الكوري تعصبه الواضح للسيارة مع انه يشتكي منها
أصحاب الكوري مثل أصحاب الأمريكي القديم عندهم السيارة إذ خربت مرة واحدة في الشهر تعتبر سيارة كرف
مو مصدقين إنه في سيارات ممكن تعيش معاك سنوات من دون ماتطلب إلا قطع استهلاكية حتى قطعها الاستهلاكية عمرها طويل جدا والمازدا اللي كانت معي أثبت ذلك
أنا لا أقول بأن السيارات الكورية خرد تمشي على الأرض ولكن سيارات تحتاج للاهتمام وماتتحمل الكثير من الكرف
يعني واحد قبل ما يحرك يحمي السيارة 5 دقائق ويمشي بالسيارة شوي وبعدين يوقف عشان يشغل المكيف ويأخذ المطبات على مهله
مو زي واحد يمشي من دون تحميه ويشغل المكيف وهو ماشي فوق 120 ماتفرق عنده والمطبات عنده ولا شيء (زي ماسويت في المازدا :D )
الهدف من كتابة الموضوع :
الأخوة أصحاب الكوري يجب أن تعرفوا بأن الناس يختلفوا عن بعض في طريقة القيادة فيه ناس (مثلي)مايرحم السيارة ويكرفها كرف
أنا ما أبغاكم تصفقون لي وتقولوا لي شاطر عشان أنا أكرف السيارة بس سبحان الله طبيعة في الإنسان فيه ناس ماتحب الركادة وفيه مثلي كثييييييييير
أنا مشيت ورى كلامكم وهذي كانت النتيجة
فأنا أرى إن الواحد يكتفي بسرد تجربته للسيارة من دون مايبالغ
وبصراحة أنا ملاحظ إن السيارات الكورية مو زي بعض
يعني الهيواندي أكثر جودة من كيا
أما الدايو (الشفر الجديد) جودته صفر مافيها نقاش
في النهاية أتمنى نقاش هادئ والله يهنيكم في سياراتكم ويعطيكم خيرها ويكفيكم شرها
تحياتي |3|
