شرح مبدأ عمل محول العزوم ( torque converter ) في الجير الاوتوماتيك

اخوي فروزن ايش تقنية محول العزم المغناطيسية الله يعطيك العافية

نصيحه من مجرب يا خوي شوف اذا تبي تستفيد اكثر ...


روح شوف الورش و اشتغل معاهم بس (( لا تطبق الغير عملي و حاول تفرق بين الصح و الغلط في الورشه )) بس استفيد من تجربتهم و فكهم و تركيبهم .

و ثاني شي لازم لازم تشتري لك سيارات سهله مثل كابرس وانيت و تفكه قطعه قطعه و بعدين تبيعه قطع :D يعني تشوف القطع كيف تركب و تنفك


و اهم شي في الحيات ...


(( اطلب العلم ولا تنطر العلم يجيج لانه ما يمشي ;) ))

هلا بيك اخوي $المهندس$

واشكرك على مداخلتك الطويلة المفيدة |1|

لكنك ذكرت في بداية الموضوع ان هناك اخطاء فارجو منك الاشارة لهذه الاخطاء ( طبعا غير خطأ محول العزوم |6| ) .

بخصوص



للأسف لم اجد اماكن اتعلم فيها عملي لانه بعيد عنك الجامعة " واقعة " :D وما في اماكن اخرى الا الورشات الي صعب تلاقي فيها حدا فهمان

مره اخرى مشكور على مداخلتك

يعطيك الف عافيه علي الموضوع و فيه بعض الاشياء الغير دقيقه او غير صحيحه ...


اولاً عيوب البطيخه هي 1_ يفقد طاقه اكبر من الكلتش و كفائته اقل من الجير العادي ..

2- الوزن الكبير .

3_ تخفيض السرعه و ليس زياده وراح اوضح بعد قليل ..


من البدايه محول العزم يقوم بنقل الحركه من الطرمبه الي التوربيه




اليسار عباره عن الطرمبه او البمب و علي اليمين هذي التوربيه المتصله مع الجير بوكس

ف بكل تأكيد انه السرعه الداخله سوف تكون اكبر من السرعه الخارجه في البطيخه (( محول العزم ))

و هذا بسبب الفقد مثل الحراره و الصوت و بعض الاشياء ... مستحيل ما يحصل فقد فيها ..





التوربيه التي بلون الاخضر هي التي متصله مع الجير بوكس و دائماً تكون اقرب الي المحرك و هي حره الحركه و في المقابل راح تكون الطرمبه مولده لحركه الزيت المتصله بلمحول العزم و الفلاي ويل يعني متصله مع حركه المحرك ...


و الاهم حالياً الاستيتور stator و هي قطه بسيطه لاكن جباره :D


اولاً الاستيتور جالسه علي Freewheel وهو عباره عن بيرنق يدور في اتجاه واحد فقط اي انه تدور مع دوران التروبنيه و البمب .



شوف انه ما يتحرك مع عقارب الساعه و يتحرك عكس عقارب الساعه يعني فيه قفل و فيه Free للحركه

طبعاً في الجير بوكس بعكس هذي الحركه اي انه يدور مع عقارب الساعه و ما يدور العكس و الي بصور تبع دراجه هوائيه :D لانه نفس الفكره لمت تسوق يدور معاك و لمن تعطيه العكس انواع التفحيط :D

ف وش قاعد يصير الحين ؟!

انه عند السرعه البطيئه يعني البطيخه تدور بسرعه بس التوربين ما يدور بسرعه بسبب مقاوه الشارع حق الجير بوكس

ف قوه البمب تضرب بقوه في التوربيه و من تحت ريش التوربيه تضرب في الاستيتور بقوه ف تحاول تلفه عكس عقارب الساعه ف يقفل الاستيتور و يوجه الزيت الي عكس مكان خروج الزيت من البمب ف يزيد من عزم البمب يعني بختصار قوه الزيت الخارجه من البمب تضرب بالتربينه و ترد تضرب بلبمب ف تزيد العزم و هذي هي الوظيفه تبعها توجيه العزم



ف الاستيتور مثبت علي عامود في الجير بوكس و ثابت في بدي الجير بوكس يعني من تحت لا يتحرك ابد .


و عند زياده سرعه التوربيه و تقارب من سرعه البمب (( لا تساويها ابداً الي في نظام ثاني فيه كلتش )) ف انه الضرب علي الاستيتور يقل يتحرك الاستيتور قليله ف تيار القوه بين البمب و التوربين يضرب الاستيتور علي ظهر الريشه ف تحرك الاستيتور معها بكلهم يدورون في سرعه وحده و العزم يرد طبيعي ..

الجير التماتيك من اسهل و اعقد و اصعب و ابسط الجيرات في الدنيا :D


يعني اذا لقيت واحد فاهم يسهل شرحه اذا واحد مو فاهم مستحيل فهمه ,,,

و علي فكره الانترنت و الكتب و الفيدوات و الاشرطه و المواقع و كل شي ما تقدر تشرحلك الجير التماتيك يجب دراسته نظريه و عمليه و بشرح مباشر الفتره الي طافت قعدت 6 اشهر اتعلم نظري وعملي في الكليه و مع قراءه في الانترنت و الكتب التكنلوجيه و غيرها يالله فهمت 85% احم احم ...

و محول العزم بسيط بنسبه حق الجير من الداخل ... بس صيانته سهل جداً ..


و اسف علي المداخله ...

سبقتني بالموضوع والله كنت ابي انزله هههههههههههههههههههههههههههههه


تسلم تسلم بس لعلمك ما كنت باشرح مثل شرحك والله يعطيك العافية

الله يعطيك العافية يالفني هذه وظيفتها توجيه الزيت بحيث انه مايرتد مرة ثانية للمضخة المتصلة بالمحرك وبالحركةهذه توجه كامل القدرة الهيدروليكية للقطعة الاخرى واسم القطعة هذه (العجلة الدليلية)

انا لما كسرت قير مكسيمتي سابقا حصلت هالقطعه وكانت ثقيله جد !!

واستغربت من وزنها الزائد ؟ وقلت في نفسي ليش ما تحط الشركه بطيخه اخف من هالبطيخه الثقيله ؟

ما كنت اعرف انها عباره عن توربين واشياء اخرى !

اخوي طايربالعجه شكرا على الاضافة

أبو_تركي الله يعافيك

اهلا اهلا منور الموضوع يا الغالي

اخي الكريم : فروزن
متميز بمواضيعك المفيده والنافعه ان شاء الله
يعني اذا هذا جزء موجود بالقير الاتوماتك .. فماذا عن باقي الاجزاء ,
يعني صيانته فعلا الظاهر انها مجهده .. ومعقده
مشكور اخي على الموضوع المفيد

معلومات قيمة
الله يعطيك العافية عليها

الله يحييك شكرا لك على الافادة

شرح رائع ومبسط

............

محول العزم له اسامي كثير متداوله بالسوق
مثل
-البطيخه
- الطنجره

يمتاز عن الكلتش في انه اقل فقد لقدرة المحرك

تحياتي اليك

الغالي بوجسوم ... ممكن ما فهمت السؤال , لكن ان كنت تقصد المسمى فهو فقط مسمى وهي تتحرك في الحقيقة بهدف توجيه الزيت . وعملها معقد جدا لانها مرتبطة مع الية Lock-up حيث يدخل فيها مبادىء الضغط وصمامات وفي الانظمة الحديثة سولينويد



فعلا احد فوائده مضاعفة العزم .... فعندما تدور المضخة اسرع من التوربين فذلك يعني غيار ثقيل , وكلما اقتربت سرعاتهم فهذا يعني الاقتراب من الغيار المباشر او السريع

اكيد هناك عوامل اخرى بخصوص نسب التخفيض مثل مجموعة التروس الكوكبية ومخ الجير لكن لم اطلع عليها بعد

تحية لك

موضوع مميز
تم تثبيت الموضوع

وأنا اشهد .. ما شاء الله جهد ممتاز .. تشكر عليه .. وتستاهل التقييم ;)

الله يعطيك العافيه .. وبإنتظار جديد مواضيعك :)

تقبل تحياتي وتقديري

V I P

موضوع مميز
تم تثبيت الموضوع

حبيت اشكرك على هذا الموضوع

حقيقة ان هذا النظام رائع وذكي جدا وهو الي يفسر كيف ان الماكينه تدور وانت في وضعية الدي وضاغط على الفرامل
مع استحاله ذلك في الجير العادي
لان الاتصل بين الدفريشن و الماكينه غير مباشر
سؤالي عن القطعة الثابتة ان كان لديك تفسير يسهل فهم العملية اكثر
كيف تكون ثابته بين جسمين متحركين بل وداخل البطيخة متحركة محكمة بزيت

واستفد من الموضوع ان السرعة تتضاعف الي اعرفه ان السرعة يتم نقلها يعني هو فقط مجرد توصيل للحركة وناقل لها وليس مضاعف للسرعة

يعطيك العافية اخوى على هذا الجهد المتعوب عليه

الله يعطيك الف عافية

صراحة معلومات قيمة جدا

بس يبيلها تركيز

لي عودة لها بذهن صافي ان شاء الله :)

شكرا