اصحاب الفورد ايدج دعوة للنقاش

اخواني الله يسعدكم والله العظيم انا في حيره مايعلم فيها الا الله...
انا اعجبني جيب ايدج ونويت اشتري موديل 2009...ولكن الناص ينصحوني ابتعد عنه...وش السبب
هل هو كثير اعطال؟؟؟؟
هل هو يطلب قطع؟؟؟
هل صيانته كثيره؟؟
هل هو عملي؟؟
انا ابي اشتريه ولكن اخاف اني اتورط خصوصا اني مريض ما اقدر كل شوي موديه الصيانه...
او انه يوقف فيني بنص الطريق...
الله يخليكم انصحوني ...يا اشتريه...يا ابعد عنه...انتو مجربين واكيد عارفين كل مشاكله...الله يفرج همومكم ردو علي ...

صحيح ممكن المكيف الي فيه مشكلة العادي
لان المكيف يدوي طق طق طق
الفل لمس الكتروني

يا أخوان المكيف عندي سليم و الحمدلله ... درجة الحرارة توصل 44 و انا عادي احطه على الـ 19

علما بأن أخر درجة منخفض هي الـ 16 يعني أبرد ... -_^

يعني ما في مشكلة في المكيف <<< ملاحظة هذا في نوع الفل اوبشن ... أما العادي هو اللي امكن
المشكلة عنده ...

و أعتقد الاخ ريكمارو يوافقني الرأي ...

ومشكوووووووورين ...

السلامـ عليكمـ ..

صـرآحهـ سيـآرهـ رووووعه .. ^^

ملفته لآبعـد درجـه ..

بس صحيح سمعت بعض النـآس تعييـب عالتكيــف وآنتـآ قلت عشـآن التضليل .. ^^

آوكي كويس بس غريبه انا خبري السيارات الامريكيه راحه وبروووودهـ >.<

الله يطرحلكـ البركه فيها ..

بس ماقلتلنـآ الاسعـآر .. الفل والوسط ..؟؟

وعلى اللـون آنـآ يعجبني البرتقـآلي المـ ^^

والابيض اللؤلؤئي شفتووو مرررررررررهـ حلــوو مع البانوراما ^^

سلامـ

سيارة نزلت في 2007
معلومات المحرك مكتوبة كتبها الاخ
السعر بحدود 13000 الف ريال
طبعاً هي خت الام كي اكس

السلام عليكم
ماعليش ياشباب انا اول مره اشوف هذي السياره ممكن نبذه مختصره عنها

موقع حلو للمقارنة بين
الايدج
المورانو
cx-9
http://driving.canada.com/research/compare/compare.spy?cls=sportutil&rid=&id1=1081806002&id2=1074601502&id3=1083906602

والله ما حصلي وتتطارحت مع المورانو لكن في القريب العاجل:)

طيب ماجوبتني مع المورانو كيف

ابو العز طلعت السيارة بالتنسيم مع دفه خفيفة
ومثل ما قلت الجير ما فيه الا L
وهو 6 تغييرات

بقلم ابو سوسو السفاح
مواصفات الايدج
1 - تكنولوجيا متطورة متمثلة بمحرك ( دوراتيك ) 35 V6 سعة 3.5 لتر قوة حصانية صافية 265 حصاناً
عند 6250 دورة في الدقيقة ، نظام نقل حركة أتوماتيكي 6 سرعات .
2 - نظام دفع نشط بالعجلات الأربع AWD يراقب أداء السائق و السيارة باستمرار و بما أنه يعمــل
إلى جانب النظام القياسي " أدفانس تراك" مع ميزة التحكم بالميلان ضد التهور RSC الحصرية ، يسمح هذا النظام بتحويل قوة العزم من الأمام و الخلف و من جانب إلى آخر على حدٍ سواء ، الأمر الذي يسمح لسيارة إدج بمتابعة سيرها و لو كان الدفع بعجلة واحدة فقط .
3 - فتحة سقف "فيستا روف" البانورامية المزودة بلوحيّ زجاج الأكثر سماكة للمحافظة على الهدوء
هذا بالإضافة إلى حاجب الريح الذي يعطي جمالية أكثر عند فتحها .
4 - رحابة داخلية بالإضافة إلى مقاعد مريحة جداً مع إمكانية طي المقعد بجانب السائق .
5 - مأخذ للطاقة مخفي و منفذ إدخال صوتي إضافي .
6 - بالنسبة للأمان حدث و لا حرج بالإضافة إلى نظام Personal Safety System الحصري لفورد.
7 - تسخين للمقعدين الأماميين .
8 - عجلات من الألمنيوم المطلي بالكروم 18 بوصة .

و قد خصصت الفورد موقع خاص بالإدج و هو http://www.fordvehicles.com/crossovers/2008Edge/

عندي اسألة عن الايدج

ريكامرو انت يوم تغرز شلون طلعت السيارة بسحب ولا بس نسمت للكفرات وطلعت ياليت تجاوبني

وبس عن كم قوته الحصان الصافي والاجمالي وهل عمر تتطارح مع نيسان مورانو ومين طلع

وبسأل عن قيرة هل هو cvt مثل المورانو وإلا قير اوتو وكم غياراته

انا شاك انه cvt لان مافيه تيبترونك ولا فيه d1 d2 d4 فقط L

ياليت تجاوبوني وخصوصا سؤالي عن للاخ ريكامارو

اخ zaid حياك الله معنا بالموضوع
والحياة مرة وحده وانا اخوك خلك جرئ وازودك بعد يوم اطعس كانت ماشية 8000 بس :D
بالنسبة للسيارة هي دفع رباعي مستمر
وما فيها قفل للدفرنس

جذاب مشرفنا العزيز والله طموحي يكون رابطه للايدج
وبالنسبة للبحر اذا حطو عندنا بالرياض ذيك الساعة استعرضت به |4|
وبالنسبة لتساؤلاتك
زيبارت كلفتني 3200 تضليل مع حماية الوجهيه
مع حماية المراتب
والصيانة كل 8000 كيلو واول 3 مجانية
وانا توني مخلص 3 فما ادري كم اسعار الصيانة
وبالنسبة للتسارع لعيونك راح احسبة |3|
وشكرا

ماشاء الله تبارك الله

هذه النجمة غنية عن التعريف...ويصعب على الكثير من منافسيها مغازلتها|1|

بس حرام عليك تدخلها الطعوس ..السيارة حقها استعراض ووقفة على البحر;)


واللون إبداع ماشاء ...بس ماخبرتنا كم كلفتك زيارة زيبارت من تظليل الخ..؟

وأتمنى أن أرى لكم رابطة متكاملة عن الايدج ..ولازلنا في انتظار ملاك الايدج لزيارة هذا

الموضوع وأولهم ((أبو سوسو السفاح))

وياليت تفيدنا بمعلومات أكثر عن السيارة من صيانة وكم كلفت ..ولو تطرح لنا تسارعها يكون أفضل.....!!!

وشاكر ومقدر لك أخي الكريم|3|

ماشاء الله عليك جرئ انا لو معى ايدج

مستحيل ادخل طعوس


لكن الايدج من جد سيارة فنااااانة


يعطيك خيرها ويكفيك شرها


لكن سؤال هى دفع رباعى الكترونى ؟

وهل فيها قفل للدفرنش ؟

س- هل تعتقد ان الايدج ينفع في البر؟؟:confused:

اكيد اغلبكم بيقول ان دلوع وما ينفع ....الخ

طيب انا ريحتكم وجربت سيارتي في طعوس الثمامة|1|


النتيجة انا ما صدقت السيارة تمشي ومن احسن ما يكون عزم وقوة
لكن يمكن مشكلتها الوجهيه طايحة حبتين:rolleyes:

ومشكلة ثانية اني مسوي فاهم وما نسمت الكفرات وغرزت حبتين:D
لكن مو هنا المشكلة ابدور مكان بشبك الواير وما حصلت:mad:
المهم يمين يسار الين طلعتها وبعد التنسيم كملت مشوار التطعيس
فهاذي السالفة الي صارت معي يمكن تحسب لصالح السيارة او العكس انت احكم:rolleyes:
صورة للطلعه


انا الي اصور يعني ما طلعت بالصورة:D

حياك الله اخ هنري معنا ويعطيك العافية على قبول دعوتك
بس حبيت اسالك وكان ودي ان سيارتك بدون فتحة البانوراما
لكن مو مشكلة الحين وان ماسك خط ما تحس انه ازعاج شوي
لاحظ اني اقول ازعاج مو تنسيم لا الحمد لله ولا ذره هوا تدخل
فحبيت اتاكد الازعاج من الفتحة والا من شكلة يمكن مو انسيابي

الاخ تيم تيم شكرا لك اخوي
بالنسبة للون الابيض 2007 ما كان نازل اللون
اما المكيف انا ما اشوف فيه مشكلة يمكن لاني مظلل في زيبارت
وشكرا لك مرة اخرى