يا اخوان انا في ذهول ودهشه |10| كبيره جدا جدا جدا
رحت اليوم لصالة من الي تبيع السيارات الاستخدام الامريكي في جدة ولقيت يوكن بـ 64000 ريال
اسباب الدهشه والقهر :
* ان اليوكن هذا موديل 2001م بـقيمة 64000 ريال !!!! :mad: والبودي وهيئة السيارة تحس انها مكروفه ما تستاهل هذه القيمة بصراحة !!! يعني لو قالوا بـ 54000 او 55000 كان هاا تنبلع
* لقيت المسئول عن الصاله من جنسية عربية :( ( ما ارتحت له سبحان الله من يوم ما شفته حسيت انه كذاب ) يوم سألت عن امكانية التأجير المنتهي بالتمليك قال ممكن قلت له كيف قال عن طريق الشركة الوطنية للتقسيط دفعه اولى 22500 والقسط 2419 على سنتين قلت له يعني كم نسبة الزياده في السنه قال 10% يعني السنتين 20% !!!!!!!!!! ما هضمتها |6| قلت ياولد لا تستعجل خله يكذب براحته ( هم تعودوا يضحكون علينا عيني عينك وبكل وقاحه لا حول ولا قوة الا بالله لأنهم للأسف معتبرين السعودي غبي :rolleyes: واحنا للأسف الي خليناهم يستغبونا كذا ) طبعاً اعدت عليه السؤال ابي اتأكد قال نفس الكلام !! قلت تاخذون رسوم ادارية او ما شابه قال لا لا لا لا لا ,,, طبعا انا من عادتي ما استعجل في مثل هذه الامور خليته يكتب الكلام هذا في ورقه .
يوم رحت البيت وحسبتها والله يا اخوان انصدمت وذُهلت والسبب ان نسبة الزيادة مو 10% مثل ما قال صاحبنا بل 15.5% عمولة على المبلغ المقسط + 3% التأمين على السيارة على كامل القيمة يعني لو جمعناها تصير اكثر من 18.5 % في السنه يعني اكثر من 37% في السنتين !!!!!!!!!!!! ( اقول اكثر لأن التأمين على كامل قيمة السيارة مو على المبلغ المقسط مثل ما هو في العمولة او الفائدة ) شوفوا كيف المصيبه 18.5% ويقول لي فقط 10% :mad: ,,, او انهم ياخذون 5400 ريال من الدفعه الاولى كرسوم ادارية او نصبه احتيالية او .. او ..وهذا مبلغ كبير جدا :mad: ويحسبون نسبة الزياده على المبلغ المتبقي بواقع 7.5% +3% يعني 10.5% في السنة يعني 21% في السنتين وفي كلا الحالتين نصب كبير وافتراء عظيم وضحك على الدقون يعني بالعربي يضحكون على الناس ,, واغلب الناس يصدقون ولا يسألون ولا يحسبون وطوالي يشترون
يا اخوان والله مثل ما اقول وانا رجل محاسب ومحلل مالي ما يضحك علي احد في مثل هذه الامور
انتبهوا من هذه الشركة وغيرها ولا تصدقون ما يقولون واحسبوها بالهلله او اسألوا اهل الحساب فالمال عديل الروح ولا جاء بالسهل حتى ياخذونه منك بهذه الطريقه .. هم يبسطون الموضوع بالكذب حتى يصطادون المشتري ولهم عموله على كل سيارة تنباع
وعلى فكرة كل شركه لها طريقه معينه في النصب , بعضهم يقول ما ناخذ رسوم ادارية ويلهدونك بزيادة كبيرة في نسبة العمولة وبعضهم يقول احنا عمولتنا اقل من غيرنا وياخذ منك رسوم كبيرة ,, والادهى في ذلك إن الي ياخذون رسوم ما يعلمونك الا اذا الحيت بالسؤال حيث انهم ياخذونها من مبلغ الدفع الاولي بدون ما تدري ويقسطون عليك الباقي |5| , واغلب الناس والله ما تدري وهذه مصيبه
انتبهوا ياناس انتبهوااااااااااااا
الا هل بلغت اللهم فإشهد
