تركيب محركين بسيارة .. للأخوة الخبراء

احسن من محرك البوقاتي

محرك البوقاتي 16 سلندر و 4 تربوات و 1000 حصان بس .. لو تاخذ محرك شفر 572 انش تكون قوته 700 حصان بدون تربو .. مع تربو او سوبرتشارجر بتتعدى الـ 1000 بالراحه .. و يكون عندك عزم اعلى من البوقاتي بعد

وش السياره اللي عندك ؟

الحين تبغا تقول ان عندك بوقاتي من دون مكينة

صحيح انا كنت حاس اني غلطان في موضوع محرك البوقاتي

بس بالنسبه لنمحركين ما فيه اي فائده و التكاليف اللي بتمر فيها بتجيب لك بورش وكاله

اذا تبغى اكبر مكينه تقدر عليها .. ما لك الا الشفر بيق بلوك .. اكبر شي شفته للحين حجمه 672 انش مكعب (11 لتر) .. بس المفروض الـ 572 (9.4 لتر) يكفيك من ناحية قوه و بتكلفه معقوله .. حول 50 الف ريال

الصحيح حجمها 8 لتر وعدد اسطواناتها 16 اسطوانة .. وليست أكبر محرك ........ عزيزي jaber911 ، العملية ممكنة لكنها معقدة جداً ويجب أن تتذكر بأن محرك BMW 760 به 12 اسطوانة ، يعني بيطلع في سيارتك 24 اسطوانة مع المحركين وبحجم 12 لتر !!!!! العملية مبالغ فيها بشدددة ،، والمحرك ليس بالقوي جداً ، لو تستطيع أن تركب محركين آخرين أقوى أداء وأصغر بالحجم أو بنفس الحجم ،، مثل محركي كورفيت Z06 ومع التزويد يمكن يطلع 600 حصان للمحرك الواحد ،، أو محركي شيفرولية سبارك بـ 3 أسطوانات وسعة 0.8 ليتر للمحرك وقوة 52 حصان خخخخخخخخخخخخخخ .. آسف على المزحة ..

حركه مالها اي داعي لانه لازم تحسب السرعه الي طالعه و السرعه الواصله و نسب الدفرنشلات و نسب الجير بوكس و التورك الي طالع


يعني لازم تركب محركين نفس الحجم تقريباً و نفس القوه و نفس الجيرات و الدفرنشات و كل هذا ما يسوي لا من قوه ولا من تكلفه

فكرته حلوة بس تبغا واحد فـــــــــــــــــــــــــــــــــــــــــاهــــــــــــــــــــــــــــم

فيه واحد اعرفه رجال مكنيكي فاهم ركب مكينتن المكينه الي قدام تحرك الدفرنس الي وراء والمكينه الثانيه تحرك الدفرنس الي قدام بس

انا شفته وهو يطلع الطعس بس ماتعيش

المساله ما هي بالبساطه ذي .. اذا قلت ان مكينه حجمها 2 لتر و مكينها حجمها 4 لتر .. الحجم هذا هو المساحه داخل السلندرات .. لكن احجام المكاين بتكون متقاربه

بعدين وش السياره اللي مكينتها 17 لتر ؟ اكبر مكينه هي البوقاتي و حجمها 16 لتر

طيب ضع لنا صور للسيارة لكي يتحمس الشباب ويشاركونك في صنع محرك لهذه السيارة الجبارة

اخوي جابر
صراحه اول مرهـ اسمع ان في سيارهـ بمحركين
بس اذا تبي نصيحتي ما انصحك بانك تسوي كذا
شكلك هاوي سرعه و جنان
بس لو سويت كذا مثلا حتروح مشوار 100 ك\م حيكلفك ممكن 50 ريال او اكثر بنزين
غير لما تغير الزيت يبغالك 10 علب زيت او اكثر
.
.
.
.
وتقبل مروري:cool: