بسرعة يا شباب ... كاد أن يفرط معي جربكس باترول 2008 لأني استخدمت الدبل بطريقة خاطئة

مصفي الطابلون @user_96156 · 29-05-2008

السلام عليكم

شريت سيارة باترول سفاري أتوماتيك جديد حتى ما خلص الألف كيلو الأولى ..

المهم

حاولت أتعلم على استخدام الدبل .. حركته ووضعته في وضع N يعني الوضع الفاضي .. وبعدين حركت ناقل الحركة أو التعاشيق إلى وضع R ... وسمعت صوت طحن ... زي صوت تداخل التروس ببعض .. على طول رجعت التعاشيق لوضع P وراح الصوت ...

بعدها

فصلت الدبل كليا ... وجربت السيارة ... لم ألاحظ أي أصوات غريبة ولم ألاحظ أي تغير في التغييرات ... وجربت الدبل أيضا وكان شغال مية بالمية ...

يعني ما تغير معي في السيارة شي

لكن صوت الطحن القوي الي سمعته مو مريحني أبدا خاصة إن السيارة جديدة ..

فما أدري

وش رايكم يا شباب ؟

مصفي الطابلون @user_96156 صاحب الموضوع · 04-06-2008

تسلم أخوي Zaher002001

zaher002001 @user_89063 · 04-06-2008

أخوي القير ما فيه شي إن شاء الله ولا تخاف وزي ما قالوا الشباب انتبه إنه لما تعشق الدبل لازم القير يكون على N وبعد ما يعشق الدبل عشق القير وتوكل على الله ولما تجي تفصل حط القير على Nوإفصل الدبل نهائي وبعدها عشق القير وكل هذا لازم تكون السيارة واقفة تماماً لأن الدبل مع القير العادي مو زي القير الأتومتيك
والله يوفقك ويرزقك خيرها ويكفيك شرها

مصفي الطابلون @user_96156 صاحب الموضوع · 04-06-2008

تسلم يالفزعة 511

الفزعه 511 @user_65210 · 03-06-2008

اخي الفاضل لاتستخدم الدبل وتقوم بتبديله من وضع الى وضع الا اذا كان القير على وضع الـ N في الجربوكس

مصفي الطابلون @user_96156 صاحب الموضوع · 03-06-2008

أخوي Joooon11 .... يعطيك ألف عافية وما قصرت

joooon11 @user_100228 · 03-06-2008

ما فيه الا العافية
انا معي باترول 90 قير عادي اذا حطيت الدبل في N ماتتحرك السيارة في اي نمره
والباترول معروف بالتحمل الشديد فيا ما شدينا علي القير مرات كثيرة ويطلع صوت احتكاك من الدزق والكلتش اذا كانت منتهية

اما القير التماتيك اذا حطيت الدبل على N ما تنفصل كل التروس كما في القير العادي ولذلك يحصل تضاد
مثله مثل القير العادي اذا عشقت بدون ما تدعس الكلتش زين

لذلك لاتخاف ابدا وانا مقدر شعورك لان السيارة جديدة واضربلك مثال انا عندي التيما 2006 V6 جيت اعشق بسرعة وما دعست الكلتش زين وتطلع القير صوت احتكاك صح انقهرت بس القير ما فيه الا العافية

واهم شي اذا جيت تعشق الدبل الثقيل لا بد من وقوف السيارة تماما يعني صفر وانتبه

واكرر سيارتك ما فيها الا العافية بس لا تسوي هذي الحركة لسلامة القير
وترى السيارة على الضمان فلاتخاف

واهم شي لاحظ على زيت القير وغيره في الوقت المحدد

والله يعطيك من خيرها ويكفيك شرها

مصفي الطابلون @user_96156 صاحب الموضوع · 02-06-2008

أخوي الفني الفتك إلي معي ما فيه ونش

فني سيارات @user_8460 · 02-06-2008

يمكن ان يكون خاصية تشغيل الونش وانت شغلت الونش بهذه الطريقة و الله اعلم

مصفي الطابلون @user_96156 صاحب الموضوع · 02-06-2008

الأخوان الفاضلان الفهراني وأبو سرور ....

اليوم جربت الدبل حسب ما تفضل الفهراني وما طلع لا صوت حنة ولا صوت طقطقة ولا أي صوت غريب والحمد لله ...

وجزاكم الله خيرا

م.ابوسعود @user_51407 · 02-06-2008

انا اقول زي ماقال الفهراني جربه وان شاء الله ماعليه الا العافيه صحيح ان الوضع Nخطير لكن ما اتوقع جاه شي لانه قد صارت معي والحمد لله ماصار شي لكن مثل ما قال الفهراني جربه الخفيف والثقيل واذا ماصار شي خل عنك الوسوسه واعتبر نفسك ماسويتها ولا كن شي صار.

* ابو باسل * @user_93964 RiYaDh 4X4 GrOuP · 02-06-2008

م

مصفي الطابلون

حياك الله أخوي الفهراني ... والله إن كلامك يخوف ... لكن ... هل تعتقد أنه حدث لتروس الجربكس أو الدبل أي ضرر ؟ .. وكيف أعرف ؟

يعني .. هل هناك اختبار معين أقدر أجريه على الجربكس والدبل للتأكد من سلامتهم 100% ؟

لا تقول لي روح الوكالة لأنها بعيدة جدا عني حوالي 400 كيلو

شف انت جرب موترك عشقه في الدبل الخفيف وامش وبعدين عشقه في الدبل الثقيل وامش اذا سمعت صوت طقطقه او صوت حنه او صوت غريب في هاذي الحاله معناه هناك في مشكله واذا لم تسمع شي يعني ماعندك اي مشكله ولله الحمد فليش الوسوسه بعدين شف اذا كان هناك صوت غريب لابد ان تشيك عليه في الوكاله لانه لايزال تحت الضمان يعني لاتقول لهم القصه قلهم من يوم شريته وهذا الصوت فيه ولا ادري وش السبب ولا اكتشفته الا عند تجربة الدبل يبي يدخل موترك على الضمان ولا عندك اي مشكله اذا فيه مشكله بس اذا وديته لاي ورشه راح عليك الضمان ياحبيبي ويبون يقولون خل الي فكه لك ينفعك على شان كذا في فترة الضمان اي خراب على الوكاله ماهو على اي ورشه لانك تضمن الاصلاح المجاني خاصه القير الدبل المكينه وهاذي اساس الضمان واذا موترك مافيه شي وهذا الاكيد لاعاد تتعودها ثاني مره والحمد لله على السلامه لان لوفيه شي حصل من وقتها ما هو يحصل بعد يومين او ثلاثه هذا عطل يعني من نفس الوقت يحصل :)

* ابو باسل * @user_93964 RiYaDh 4X4 GrOuP · 02-06-2008

ح

حسين 250

أخي العزيز انا عندي باترول م90 لما اوقف عند بقاله وخصوصاً في السفر صعب اني اطفي السياره احط الدبل على N لأن بهذي الحركه لو جا واحد يعشق السياراه مارح تمشي وشوف كم موديل سياراتي لحد الآن ما اشتكيت من اي شي في القير وعلى فكره انا اعشق الدبل الخفيف وانا ماشي حدود 50 وإذا انتهيت منه افصله بدون ما اوقف يعني ما اتوقع انك بتصلح الي اصلحه بسيارتي المسكينه وما قالت اخ فتوكل على الله...

اصلاً وضعك هذا كله عادي يعني تحطه في ان وهو واقف ماعندك مشكله ماهو وهو يمشي بعدين تفصله وهو بالخفيف وهو يمشي ايضا ما عندك مشكله بالخفيف تفصله تشغله وهو يمشي ماعندك مشكله لاكن ابيك تجرب بالثقيل وهو يمشي تعشقه او تفصله وهو يمشي شف وش المشكله الي تبي تصير او الضرر الي يبي يصير لما يكون في الثقيل وهذا خطر جدا في الوضع الثقيل للدبل ولتعشق الدبل بالوضع الثقيل يجب الوقوف تماما ثم التعشيق والوقوف تماما ثم الرجوع الى الوضع الخفيف .

مصفي الطابلون @user_96156 صاحب الموضوع · 01-06-2008

أخوي حسين 250 ... في السيارات العايدي إذا وضعت الدبل على N وحاولت تعشق القير ما يقبل ... لكن الأتوماتك يختلف ... أنا لما حطيت الدبل على N والقير على R طلع صوت قرقعة قوي زي صوت تداخل تروس ...

حسين 250 @user_78834 · 01-06-2008

أخي العزيز انا عندي باترول م90 لما اوقف عند بقاله وخصوصاً في السفر صعب اني اطفي السياره احط الدبل على N لأن بهذي الحركه لو جا واحد يعشق السياراه مارح تمشي وشوف كم موديل سياراتي لحد الآن ما اشتكيت من اي شي في القير وعلى فكره انا اعشق الدبل الخفيف وانا ماشي حدود 50 وإذا انتهيت منه افصله بدون ما اوقف يعني ما اتوقع انك بتصلح الي اصلحه بسيارتي المسكينه وما قالت اخ فتوكل على الله...

مصفي الطابلون @user_96156 صاحب الموضوع · 01-06-2008

لازلنا بالانتظار

مصفي الطابلون @user_96156 صاحب الموضوع · 31-05-2008

يرفع لمزيد من الاراء

مصفي الطابلون @user_96156 صاحب الموضوع · 31-05-2008

حياك الله أخوي أبو سرور .. وجزاك الله خير على الإفادة ..

حياك الله أخوي الفهراني ... والله إن كلامك يخوف ... لكن ... هل تعتقد أنه حدث لتروس الجربكس أو الدبل أي ضرر ؟ .. وكيف أعرف ؟

يعني .. هل هناك اختبار معين أقدر أجريه على الجربكس والدبل للتأكد من سلامتهم 100% ؟

لا تقول لي روح الوكالة لأنها بعيدة جدا عني حوالي 400 كيلو

* ابو باسل * @user_93964 RiYaDh 4X4 GrOuP · 31-05-2008

الطريقه طريقه خطره خطره جدا بعد :
خطره على السياره والمهم انك ما طولة على هل وضع لانك مشغل الدبل اصلاً بس حاطه في الوضع الفاضي كيف تبي تمشي بالسياره والدبل في الفاضي وهي اصلاً مشبوكه التروس الدبل والقير سواء كيف تخلي الدبل فاضي والقير معشق وانت اصلاً شابكها بمجرد ماتعشق الدبل تشبك الدبل مع القير وتسير كلها في واجهة دوران وحده واذا خليت الدبل في الفاضي طبعا بيسير فيه تعاكس عندك لان القير رايح يحمل الدبل معه لان الدبل شغال مو مفصول اذا كان في الوضع الفاضي ويصير هناك صوت بس اذا كان معشق اثنين رايح تصير كلها في وضع دوران واحد عرفت قصدي مدري كيف اشرح اكثر من كذا صراحه .

طالع الكتالوج ورايح تلاحض تنبيه بخصوص هذا الموضوع وتحذير هام بعد والحمد لله على السلامه وانك ماطولت على موترك دايم عشقهم سوا او افصل الدبل لاتمشي والدبل شغال وفي الوضع الفاضي ابدا

والي ايقول لك مايصير شي ابيه يجرب ويمشي فتره يعني حوالي خمسه الى سبعه كيلوا ويشوف رايح يحصل معه شي ولا لا وبعدين ينورنا بالخبر الصحيح لان الفتره القصيره ان شاء الله ماتضر بس الطويله ماادري صراحه وش الي يبي يصير ؟

امزح ياشباب لاتسوونها .

م.ابوسعود @user_51407 · 31-05-2008

ياعزيزي ان شاء الله الموتر مافيه الا العافيه وها اللي الصار ان شاء الله ماياثر لا على المدى البعيد ولا القريب . وانت ياما تبي تسمع اصوات من الدبل بس كلها ان شاء الله ماتضر وانت معك باترول يعني باذن الله ما تحتاج دبل ابد. (ماشاء الله تبارك الله ) ومعروف عن الباترول الدبل حقه في التحمل والقوه. اتمنى اني افدتك. واي خدمه حنا حاضرين |3|