من يتحمل الكرف أكثر , السيارات الثمينه أم السيارات العاديه ؟

فهمتوا الحين ليش انا متردد !

وانا الصراحه أأيد بشده كلام أخوي مهندس جديد

احنا بفلسطين لولا انه عندنا تكاسي مرسيدس من الثمانينات والا ما كان حدا فينا قدر يتنقل في وسط شوارع مدمره

اكيد مرسيدس وبس والالماني هو الاصل وعن تجربه فلسطينيه

اللي يبي يسير ملطشه لورش صيانة السيارت فليشتري BMW وأسأل مجرب

اولا: مثل ما وضح احد الاخوان ان لكل سيارة سوق وفئة معينة من الشارين
البي إم دبليو واللكزس والمرسيدس والاودي وغيرها من السيارات الفارهة، مصممه انها تعمل بأداء عالي وعلى فترة زمنية ليست طويله، مثلا 5 سنين، وحتى فترة الضمان راح تغطي تقريبا 5 سنين او 4 او 3 حسب الوكالة.. وبعد ذلك الشركة نفسها ماراح تضمن السياره لانها عارفة عمر القطع المستخدمة ومتى راح تبدأ تتاكل او تتلف. اللكزس قد تكون متفوقة على البي إم دبليو والمرسيدس في جانب الإعتمادية، ولكن اتى ذلك على حساب الأداء.
والسيارات الألمانية بشكل عام تستخدم محركات وتقنيات حديثة وجديدة، ولا تنسى ان في منافسة شرسة بين هالشركات لإعتلاء القمة، لذلك قد يضطر احد الصانعين من هذه الشركات لإعتماد تكنولوجيا جديدة قد توفر أداء ممتاز لكن فيها الكثير من العيوب والأعطال.

أما سيارات الوسط، مثل التويوتا، النيسان وغيرهم، فالمنافسة في مجالهم اقل ضراوة والبحث عن الأداء القوي غير ذي اولوية، بل الإعتمادية والسعر المعقول هو ما يفكر فيه مثل هالصناع، والسيارات من هذي الفئة راح تصمم لعمر افتراضي اطول طبعاً لان المستهلكين من هذه الفئة لا يبحث عن سيارة جديده كل 4 او 5 سنوات.

وهناك عوامل اخرى طبعاً، مثل قلة الجودة تخفيض التكلفة ( مثل السيارات الكورية وحتى الأمريكية ). لان الشركات هذي يا اما تكون حديثة العهد او غير ناجحة بالمقارنة مع منافسينها من نفس الفئة، فتضطر الشركات هذي لتقديم مواصفات مماثلة للشركات المنافسة وبسعر اقل ولكن على حساب الجودة والإعتمادية.

لكن اذا بتنظر للموضوع من ناحية ان من الاحسن ال 6 سلندر او ال 8 سلندر او ال 4 سلندر،،، انت كل ما زودت عدد السلندرات،، يعني قاعد تزود عدد القطع الي تتعرض لاحتكاك وحرارة ، وبالتالي احتمال العطال راح يزيد بالنسبة للسيارات بالسلندرات الأكثر، بالإضافة الا ان احتمال الأعطال في السيارات الي تستخدم ضغط محرك اكبر راح تكون اكثر من تلك السيارات الي تستخدم ضغط محرك اقل، طبعا كل مازاد ضغط المحرك راح تزيد الحرارة الناتجة وبالتالي المواد راح تتعرض لإجهاد حراري اكثر وبالتالي يقصر عمرها اسرع.
اما بالنسبة للتكنولوجيا الجديدة الي تستخدمها الشركات الكبيرة مثل الحاقن المباشر للوقود،، النظام هذا بيأدي لزيادة عزم وقوة السيارة، ولكن الحاقن المباشر يحقن مباشرة داخل السلندر، واثناء عملية الضغط لذك يتعرض لقوى ضغط كبيرة وحرارة مما لا يساعد على إطالة عمر المحرك بشكل عام.

هههههههههه
عجيب والله يعني بالعقل بشتري موتر بـــ 400 الف واهو مو حق تحمل وكرف


بالله وش اكثر سياره منتشره بين الاخوة الشوام والمصريين تلاقيها البي ام والمرسيدس القديم مويلات الثمانييناااات

برايك وش اللي مخليهاا عايشه لهالوقت وتلاقيهم يسافرون بها من دوله لدوله

هذا طبعا لانها سيارات تكرررف وتتحمل طبعا احنا نتكلم عن الاستخدام الجيد

لانك اذا ما استخدمت السياره زين وأسأت استخدمها ماراح تعيش معاك سوا بي ام ولا كورولا

وانت الان روح واركب مثلا مرسيدس مو ديل 95 شبح وامسك فيه خط وفالمقابل اخذ لك كامري ولا لومينا ولا فورد ولا اي سياره مو من نفس المستوى وراح تعرف الفرق وتعرف ليش المرسيدس غالي




تحياتي

صراحه إذا كان الموتر ياباني لاتشيل هم غالي ولى موغالي
تحياتي|1|

شاكر لكم مروركم ,
انا من رايي ان السيارات الرخيضه هي تتحمل اكثر من السياراة الغاليه !

حتى لو خربت عليك قطعه تقدر تبدلها من أقرب بقاله وتكمل مشوارك عكس السيارات الغاليه

تخيل انك في طريج سفر وخربت عليك احد القطع شنو بتسوي اذا كانت تحتاج طلبيه من برا ><

تحيتي

السيارات الفاخرة غالبا تكون مصممة لكم سنه لانهم معروفين الطبقة الي تقتني هذي السيارات يحبون التغيير كل عام تقريبا

اما السيارات العادية اتوقع انها تدوم اكثر

يعني لو تقارن لكزس 98 بكورلا 98 تحصل الكورلا لازالت بحالة جيدة اكثر من اللكزس اذا كان استخدامهم واحد "يمرون بنفس ظروف الاستخدام"

كلام ممتاز وجواب مثـــــــــــــــــــــــــالي للغاية

واضيف انه اليــــــــــــــاباني فقط للكرف

والامريكي :: لاتعليق

تحياتي

اخوي ,,,

جودة الصناعه هي اللي تحدد اي من السيارتين بتعيش ,,,

البي ام افضل صناعه وجوده من اللومينا بدون جدال ,,,

وهي أكثر تحملاً من اللومينا بحكم جودة صناعتها ,,,,

ماقد تساءلت ليه سعر البي ام غالي ,,, هل لانه فخمه وفيها تقنيات فقط ؟ ,

لا , بل لأن اسعار المواد المصنوعه منها هذه السيارات غاليه الثمن وبالتالي فهي عاليه الجودة ,,,

ومحركات البي ام من افضل المحركات وقد حازت على عده جوائز ,,,

اللومينا معروفه انها من السيارات الحساسه , يا انك تستعملها بعنايه او لاتاخذها :)

معليش افكاري متشتته بسبب اني مستعجل (بروح المدرسه":D )

تحياتي...

أهلين أخوي

أول شي وش تقصد بالكرف؟؟

اذا كنت تقصد أكل المطبات والأرصفة والإستعمال السيء والحوادث (لا قدر الله)
فـ كل السيارتين ماراح تعيش

وأما إذا كنت تقصد الإستخدام المتواصل والمشي الكثير والسفر

فـ المنطق يقول ان البي ام أفضل

ليش؟؟

لأن التكنولوجيا الموجوده بالبي ام أفضل ودقة الصناعة والجوده أعلى طبعا (بغض النظر عن المواصفات والقوة)

لكن

فيه عدة عوامل ممكن تأثر في الحكم

ممكن يكون في السيارة نقطة ضعف في شيء معين مثل:

الجو الخارجي (ممكن مثلا الي عايش بالرياض راح يعاني من مشاكل بالحراره بينما اللي عايش بالجنوب مثلا ماراح يعاني من هالمشكله)

الصيانة والوكيل (ولها تأثير كبير جدا)

طريقة الإستخدام (مثل ماذكرت سابقا)

تعدد السائقين


وغيره وغيره..........

والكلام هذا ينطبق على جميع السيارات بشكل عام


طبعا أنا أقصد من هالمقارنة الجوده الميكانيكية وعمر المحرك


وإن شاء الله اني جاوبت على تساؤلك|3|