بسم الله الرحمن الرحيم
قبل اسبوع واحد قطع بسيارته الطريق وعلقني في الرصيف الله يسامحه بس.
الكفر الأيسر عندي ضرب في الرصيف وانا كنت مسرع ... انطعج المقص والفني قال لابد من تغييره ما ينفع تعديل ... قلت الله يعين وشريت واحد من التقوى بـ 840 ريال وكان عندي من أول صوت في الأمام وكشف الفني قال الرمان خربان رحت اشتريه قالوا هذي تجي كامله مع الفلنجه الرمان ما يجي لحاله .. المهم شريتها بـ 680 واجور الفني 200 ريال.
طلعت السيارة وطبعاً يوم ضرب الكفر في الرصيف كانت الضربة قوية مره الكفر انعدم والجنط انعدم .. ركبت الاسبير وسألت عن الجنط في التشليح لقيته في محل واحد فقط في تشليح الحاير بـ 600 ريال.. سألت في الوكالة لقيته ب 1399 ريال والله المستعان.
الزبدة اني بعد ما طلعت السيارة من الورشة قال لازم توديها على الميزان يشوفون لك وزنية المقصات لو تحتاج ... والكفر الأمامي الي هو الاسبير رجعه ورى علشان تكون الوزنية تمام.. قلت طيب رحت قبل ما اروح للميزان وبدلت بين الكفرتين ورجعت الاسبير ورى .. يوم مشيت سمعت صوت حنه بس ما دققت .. رحت للميزان ووزنت الدركسون بس .. ويوم طلعت من عنده ومسكت الخط الا فيه صوت مزعج من جهة الكفر الأمامي الي غيرت له المقص والفلنجه .. الصوت يشبه صوت حنة الكرونه صوت عالي ومزعج .. رجعت للورشة قال اكيد هذي تحتاج وزن مقصات .. رجعت للميزان قال انا وزنت لك الدركسون بس يعني ما سويت شي وخليته يتأكد من الوزن .. طبعاً انا طول الوقت هذا متذكر ان الصوت طلع بعد تغيير الكفر لكن قلت اتأكد ... ماحد عرف منهم وش العلة .. مريت على محل زيت قلت اشيك على زين الكرونة يمكن يكون ناقص لقاه تمام.
رحت لمحل بنشر وخليته يرجع الكفر مثلما كان اول الاسبير قدام .. يوم مشيت الا الصوت اختفى
انا توقعت ان الكفر خربان .. لكن الي مشككني في الموضوع ان الصوت يشبه حنة الكرونة.
(من فوائد الموضوع .. شخص مستهتر الله يسامحه لأنه مستعجل ويبي يقطع الشاره بسرعه مع ان الشارع 100 متر .. طريق سريع وبمشيئة الله خسرني حوالي 1600 ريال هذا الي بين الى الآن والله يستر لايكون الدبل صار له شي
على فكرة الشارع هو الطريق الجديد الي يصل بين مخرج 15 و 16 في الرياض حي النسيم الي عليه مستشفى الملك سعود للأمراض الصدرية طبعاً الي يعرف الشارع هذا يعرف قد ايش هو مزدحم .. لكن ما أقول إلا قدر الله وما شاء فعل)
على فكرة الشارع هو الطريق الجديد الي يصل بين مخرج 15 و 16 في الرياض حي النسيم الي عليه مستشفى الملك سعود للأمراض الصدرية طبعاً الي يعرف الشارع هذا يعرف قد ايش هو مزدحم .. لكن ما أقول إلا قدر الله وما شاء فعل)
يا ليت الي عنده حل يفيدنا مأجوراً مشكوراً.
