" انقل تجربتك عن السيارة الأمريكية عموماً " هناااا "

كان عدنا كابرس موديل 1989 اخدناه مستعمل سنة 1999
وبعناه سكراب يعني تشليح قبل اسبوعين او ثلاثة

الممشى تقريبا 475000 كيلو
في الثلاث سنوات الاخيرة بدت الخرابات فيه بدلنا القير والعداد مال السرعة والمخمل اللي على السقف طاح والصبغة راحت لانه مايتنظف وزيت المكينة من ثلاث سنوات ماتبدل و الماستر سنلدر بدلناه وصار مافيها عزم نفس اول ما اخدنها والاقزوز مكسر يعني صوت السيارة كانها مالت دراق وطبعا تعرفون ادا الزيت مال المكنية ماتغير مدة ثلاث سنوات ويش بيصير في المكينة والكاربيتر بعد غيرناه يعني
اذا اهتميت في السيارة بتدوم وياك

ماركيز 96
العداد :. 390 الف ك
بيني وبينك الامريكي اذا فكيته على يدك يعيش معك مدة طويلة

^^^^

والله ماعندي خبره في هذي الامور لكن اسأل في قسم ورشة السيارات وراح يجاوبونك
ماشاء الله فيي ناس فاهمه في الميكانيكا في القسم
تقبلوا تحياتي

السلام عليكم ورحمة الله وبركاته

أتشرف بإنضمامي لهذا المنتدى الرائع الذي وجدت فيه ضالتي وما أحتاجه من المعرفة والمعلومات وأتمنى أن أستفيد منكم وأفيد بإذن الله

أدخل في الموضوع مع التفصيل الممل











[/COLOR][/SIZE][/CENTER]

انا عندي ثلاث تجارب وبطرح الاولى وبعد فترة الثانية :-

تجربة اخوي : ماركيز 2000 امريكي ماشي 370 الف كم
الموتر مريح وخصوصا بالسفر ، ثباته صفر عاليسار ، قطيع غياره رخيص وحلو ويدووم ، وحمار كد عن جد " اعزكم الله " ، اخترب عليه الثلاجة لانه وارد وسكر الهيتر >> تكفى خله وي جو الشرقية واضظر انه يغير معاه كويلين وقبل كم شهر فك له عضلات >> خط الجبيل وما يسوي ، بس الموتر اقرنه باليباني من ناحية الاعتمادية تقريبا بس مشكلة الثلاجة

كابريس موديل 2000
العداد/ 450000 اربعميه وخمسين الف

والله يااخوان اني اشوف الخرابات اللي صارت فيه على ممشاه اربعميه وخمسين الف تافهه مقارنة بالخرابات اللي في السيارات وممشاها على ميتين ومية خمسين الف اقدر احصر المشاكل في ثلاث اشياء مروحة الاديتر وطرمبة المويه والدينمو وكل هالاشياء اذا غيرتها اصلي وكاله صدقني ماراح تشكي منها ثانيه السياره جلست وياي ست سنوات يعني عمر وتقريبا هذي اكبر مشاكلها اما المكينه والقير الحمد لله واقول بالنسبه للقير اذا صار استخدامك تفحيط ومقاومات عز الله ماكمل ست شهور لكن اذا استخدامك استخدام ناس عاقله صدقني ماراح تشوف منه الا الخير بالنسبه للصرفيه والله يالربع انا اشوف صرفيته للبنزين جدا منخفضه مقارنه بالفورد مع ان مكينته اكبر من الفورد يعني مايصرف داخل البلد او بالخط اذا كانت سرعتك معقوله ولا انت براعي دعس قوي اما الفرامل فحسب الاستخدام اذا كنت راعي سرعه فبتغيرها كل 3 شهور اما اذا استخدامك زين فبتمشي عليها الى 60 الف وبتغيرها بالنسبه لي كنت امشي عليها شهريا خمسه الاف تقريبا وماكنت اغيرها الا من السنه للسنه اما اول مااستلمت السياره ماكانت تكمل ست شهور يعني كل 30 الف لاني كنت بصراحه كارفها وقوة دعس وسلامتكم على العموم الله يعطي خيرها لراعيها اللي شراها بعدي وسلامتكم

السيارة ميركوري جراند ماركيز فل 2005
كان معي لمدة 6 اشهر وبعته وشريت أفالون لاني مارتحت للامريكي
العيوب ولله الحمد ماكان فيه اي عيب شريت ماشي 33 الف ميل
ومشيته لل50 الف
صراحة اللي عجبني فيه رخص قطع الغيار
ومواصفاته تحكم بالمكيف والمسجل من الطارة

لكن اللي خلاني ابيعه هو قيادته مااعجبتني نهائيا ثقيل جدا ومافيه اي مرونة
والتعليق حقه سيء جدا ناعم زياده ومع الحفر لازم تمشي 0 ولا يتفكك
غير كذا عزمه سيء بالنسبة لل v8

لكن هذه ما اعتقد انها عيوب في الموتر
ولكن اللي يتعود على نوع معين صعب يغيره

بعته لاخوي متزوج والحمدلله عاجبه ومريحه ومافيه أي مشاكل

السيارة: ميركوري قراند ماركيز لمتد.
الموديل: 2004.
الممشى: يوم اشريها 73 الف كيلو، الحين: 117 الف كيلو.
تجربتي: سيارة جبارة بمعنى الكلمة، راحة وأناقة، وصار لي حادث فيها وغيرت باب ورفرف والسيارة تمام ما تفرقها عن اول ما شاء الله، بعض السيارات لما يجيها حادث تحسها تهربدت ومو مثل اول.

انا كان عندي كابرس (اصلي) موديل 1989 ...
"نوع السيارة"
كابرس استخدام امريكي

"الموديل"
1989

" كم العداد "
300,000 بالضبط

"تجربتك عن السيارة "
السيارة قبل 10 سنه زي الفل لكن آخر 5 سنوات قرفتني في عيشتي ...
الحراره دايماً ترتفع الا اذا مشيت وأشين شي لما تصير زحمة وفي النهار اذا كان المكيف شغال اما اذا كان المكيف طافي تمام ... لكن في الزحمه ترتفع حرارتها ...
السيارة مرتاح عليها لأنها أمان بإذن الله ودايما أكشن لأنها تحطني في مواقف اخس شي لما تطفي السيارة وانا ماشي فوق 100 وتقفل الفرامل والدركسون وبعد التوضيب صارت تعطي عززززم ما شاء الله
لكن المشاكل الرئيسيه المكيف والحراره

كابريس 93 مكينه قير دفرنس كلها شد بلد مافكينا مسمار واحد ماشاء الله

ماشي 260 الف

والسياره عمليه درجه اووولي

ومن شراها الوالد ماعمرها ركبت سطحى لها 16 سنه ماركبت سطحى خربانه او ماشابه الكمبرسر حق الوكاله ماغيرنها الا قبل فتره تقريبا 6شهور بس . يعني زين عاش 16 سنه :smile:

والسياره عمليه درجه اولي وفعلا هي فخر الصناعه الامريكيه بعدها جا 94 الى فيها مشاكل وتعطلات كهربائيه كثيره

عندنا غيرها كثيير امريكي بس مااعجبني الا الكابرس << ماله خلق يكتب خخخخ

جمس سوبربان موديل 2000

عداد 230 الف تقريباً

ماشاء الله تبارك الله الله يحفظو

المشاكل هي مشكله المكيف مره غيرنا الفريون وحطينا صيني بعد 4 شهور تقريباً المكيف معد سار يبرد

بس رجعنا وعبينا امريكي والحمد لله تمام

شكرا لكم جميعا على تفاعلكم
بإنتظار الشباب الآخرين

السلام عليكم

السيارة فورد جراند مركيز


الموديل 2003

السيارة طيبة جدا واللة اني كارف امها كرف


والسيارة الين احين مافيها اي شي

نوع السيارة" كابرس
"الموديل"93
" كم العداد "فوق الميتين الف
"تجربتك عن السيارة اسوء سيارة عرفتها فحياتي مشاكلها كثير جدا . الباكم حف الفرامل وهو اللي جنني . سلف

والسيارة الثانية
نوع السيارة" جمس يوكن دفنرسين
"الموديل"99
" كم العداد "240000
"تجربتك عن السيارة السيارة ممتارة فى التطعيس وصرفية البنزين ولكن فيها مشكلة طرنبة البنزين
الي مالقيت لها حل والسلف خرب مره وصلحتة

عندي كابرس 1979 مكينه 350 زرقا 8 سلندر

السياره من وكالتها إلى اليوم مانفكت مكينتها ولا جتها صدمه الا في الصدام الخلفي وكسر الاصطب وتم تغييره ومن قدام وانكسر الاصطب الايسر وتم تغيير غيره الحمدلله ماجاه <وراك على الاصطبات ؟

طبعاً السياره عمرها الافتراضي قرب ينتهي لانها عشات 29 سنه تقريباً ولا اشتكت

عموماً حالياً السياره مافيها شي الحمدلله ولها 8 شهور تقريباًَ او سنه مادخلت الورشه الحمدلله

ماغير اعبي بنزين وزيت المكينه وامشي

صراحه السياره مريحتني الحمدلله بس لو فيها مكيف

MADE IN USA (ORGINAL):eh_s2:

فكتوريا 2004 فل كامل
عداد الشراء 40الف ميل
والان العداد45الف ميل
لايوجد اي عيوب والله الحمد
ومرتاح منها بس كانت مشكله الفصله وارتحنا منها وفكينها
ولاتحتاج الا الشياء الاستهلاكيه

بسم الله .....

نوع السياره ماركيز 2001 ls

العداد بالكيلو وقت الشراء129000 في تاريخ 10/7/2007
العداد الأن بالكيلو 170000 التاريخ 17/6/2008
.
الحمد لله السياره ممتازه جدا ولا غيرت الأشياء الأستهلاكيه ( بواجي , فحمات , مساعدات , زيت قير ) كفرات . وبس الحمدلله السياره مريحتني مررررررره وعزمه جيد جدا

وأظفت شكمان ثاني من قريب .........:eh_s1:


تحياتي لك