هلا بك اخوي الزين
معذرةً على تأخري بالرد
الأوريون والتويوتا عامة (بإذن الله)عادة تقدر تمشيك مدة طويلة بدون أي مشاكل صغيرة أو كبيرة
تعال منتدى الأوريون واسأل تلقى 80% من الشباب سياراتهم ماتعرضت لأي مشكلة وحتى لو صغيرة (باستثناء مشاكل الأصوات)
الأزيرا والكوري عامة (بإذن الله) غالبا تمشيك فترة طويلة من دون مشاكل معقدة لكن إنها تعدي من دون مشاكل هذا نادر جاد ونسبة أقل من 30% عدت سياراتهم من دون أي مشاكل
احس انك بالغت بـ 30%
أنت سيارتك عانت من عدة مشاكل لدرجة إنك فكرت تبيعها في البداية ولكن مع الوقت تعودت وصارت شيء عادي
ياعزيزي انا صارم جداً من ناحية المشاكل
لو اواجه فيها مشاكل فعليه صدقني لن اتردد في بيعها ابداً
اذا سني وهو قطعه من جسمي لو يألمني قلعته فما بالك بكومة حديد
لكن لنسترجع المشاكل اللي ظهرت لي
سيارتي موديل 2007 ماشيه 35 الف
1- لمبة الدرج مدري هي طافيه من اخذتها ولا طفت معي المهم غيروها والحين تمام
2- رجه بالفرامل وهي جديده وخرطوها لي ووعدوني بتغيير الهوبات اذا رجعت والى يومك اتمناها ترجع
3- صوت بالتكايه وتغيرت على الضمان
ما اشوفها مشاكل تخلي الواحد يشكك بجودة السياره بالعكس ممكن اي سياره تواجه مثل هالمشاكل وهذي الاوريون على سبيل المثال
الفرامل جبت لك موضوع عنها وانت ايضاً واجهت مشكله بالفرامل
واصوات ديكور لا تنكر ان الاوريون لا تعاني من اصوات ديكور
هذي تجربتي مع الازيرا وكتبتها لك وبذكر لك تجربة زميل لي في العمل مع الاوريون
جلست معه امس وقلت كيف الاوريون معك
قالي تمام وممتازه ومن احسن مايكون
قلت له كم ماشيه سيارتك قال لي 28 الف وموديلها 2007
قلت له كيف مشاكلها وهل واجهت شي
قال لي عندي مشاكل وعددها لي وهي كالتالي:
1- المسجل تطفي انواره ( وماهي مشكله فرديه وجبت لك موضوع لسياره اخرى بنفس المشكله وخليت زميلي يشوف الموضوع لعله يستفيد )
2- الطبلون احياناً يطفي وما اشوف فيه شي ( قلت هل دائماً تصير معك ولا في فترات متقاربه قال لي في فترات متقاربه وعلى سبيل المثال اليوم وانا جاي العمل فصل علي مرتين " مشوار نص ساعه" )
3- صوت عند ديكور القير ( شائعه بالاوريون )
4- صوت طقه بالفتحه
وللأسف تعامل الوكيل معه سيئ
ولا مشكله من مشاكله حلوها الى الآن على عكسي من اول ما اقولهم تغيير على طول
المسجل يقول المره الاولى قالو ضبطوه لي وللأسف ماضبط ورجعت لهم مره ثانيه وفكوه وحطولي مسجل مؤقت وبعدين اتصلو علي ورجعو المسجل وانواره صارت تشتغل بس للأسف ماصار يشغل السيدي والى الآن وانا وراهم مابين الفرع ومابين هاتف الشكاوي وعساني الاقي حل
مشكلة الطبلون يقول تجاهلوني ويقولون مانقدر نسوي لك شي وحنا ماشفنا المشكله بنفسنا
ديكور القير قلت له شباب منتدى تويوتا العرب لقو له حل ويقولون الوكاله يحلونه قالي انا رحت للوكاله وقلت لهم عن المشكله وضبطوها لي وراح الصوت ولكن صارت حركة عصى القير ثقيله مره ورجعتها لهم وضبطولي حركة عصى القير ولكن الصوت رجع للأسف
اما مشكلة الفتحه ما سألته عنها وسيارته بالوكاله حالياً
هذي تجربتي للأزيرا وهذي تجربة زميلي للأوريون
بالله عليك وش اللي يخليني اسب الازيرا او افضل الاوريون عليها من هالناحيه
انا عندي قناعه اي سياره اشتريها ممكن اواجه فيها مشاكل لكن الفرق هو في قلة المشاكل وحجمها ونوعها وسهولة حلها
وانا اشوف اللي صار بالازيرا اهون من اللي صار لزميلي بدون مجامله
ولاني قادر اتخيل نفسي لو اني مكانه صدقني مثل مافكرت اني ابيع الازيرا , الاوريون ببيعها من دون تفكير لأني لو امتلكتها بكون حاط ببالي انها سياره لاتعاني من مشاكل كما نسمع عادةً عن تويوتا وبالاخير طلعت لي مشاكل وهي ماشيه 28 الف
تبغى الجودة وتبيع المواصفات خذ أوريون
تبغى مواصفات وتبيع الجودة خذ أزيرا
"تبيع" كلمه في غير محلها
بالنسبة لي ماراح ابيع الجوده لا هنا ولا هناك
الشباب هنا الله يهديم عند المقارنة بين الأزيرا والأوريون تورينج يقارنون وفق المعادلة التالية
جودة هيونداي = جودة تويوتا
يجي يقول بالعقل الأزيرا أفضل لأن مواصفاتها أكثر!
طيب الجودة ما هو مقياس أهم من المواصفات
القوة مو مقياس كمان
المشكلة حتى المواصفات ماتساهل الواحد يضحي بالجودة
الشباب هنا وبإختصار وانا منهم
يشوفون الازيرا تكرف والاوريون تكرف
لكن الازيرا بها مواصفات اكثر من الاوريون
بكذا بديهياً الازيرا بتكون افضل
الجوده مقياس اساسي انا معك لكن من قال ان الازيرا مافيها جوده
مثل ماجبت انت مشاكل بالازيرا جبت لك انا مشاكل مماثله لها بالاوريون وفي الغالب تكون شائعه بالاوريون عكس الازيرا
مقارنة تجربتي وتجربة زميلي مع الاخذ بالاعتبار ان سيارتي ماشيه اكثر اشوف انه واجه مشاكل اكثر مني
كلمة "يضحي بالجوده " مغلوطه فـ هو لن يضحي بالجوده ابداً
ولا الجراندي(في نظري) أفضل في المواصفات والجودة والقوة من الأزيرا ولن احتار أبدا بينهم
المواصفات :
اللي زايد بالاوريون هو :
1- نظام دخول ذكي
2- رشاش تنظيف الشمعات
الازيرا :
1- ذاكرة مقاعد
2- دركسون كهربائي
3 - 8 ايرباقات
4- نظام ESP
5- كاميرا خلفيه
6- نظام تنقية الهواء
7- مراياتها تنسفط
8- مراية تعتيم
9- قزاز عازل
10- مواصفات بسيطه مثل ( المرايات تقدر تخليها تنزل اذا رجعت ريوس , الستاره ترتجع ترتفع من حالها , اضائه بالدرج الاوسط ... الخ )
هذي كلها زايده بالازيرا فـ كيف الاوريون افضل الله يرضى عليك
المشاكل تكلمنا عنها مراراً وتكراراً
راجع تجربة ايدموند للأزيرا وللكامري
جبت لك مشاكل بالاوريون اكثر من الازيرا
صيانة الازيرا اشوفها ارخص بقليل من الاوريون ( زميلي مواضب علي صيانة سيارته ولاحظت ان صيانة الازيرا ارخص في كل مره من 50 الى 100 ريال )
القوه
انا لا انكر قوة الاوريون
لكن الفرق بسيط جداً بينها وبين الازيرا 3.8 لدرجة انه مايشكل فرق ابداً
فـ لا تعتبره عيب بالازيرا
هذا مقطع تسارع لأزيرا 3.8 من 0-200 جابتها في 27 ثانيه
[youtube]ac80LQvmPOk[/youtube]
وهذا مقطع لأوريون من 0-200 جابتها في 26 ثانيه
[youtube]u6J_I3NHttk[/youtube]
الفرق الى الـ 200 ثانيه وحده فقط ( بتفرق معك ؟ )
لا ننسى ان الازيرا اثقل من الاوريون
طبعاً 26 ثانيه هذا الغالب على الاوريون واذا بتجيب لي اقل , تفضل من الحين هالمقطع لأزيرا من 0-200 في 20 ثانيه فقط !!
[youtube]MHKoBAohal4[/youtube]
لكن مشكلة زي قير جار المحتار وعكوس الأخ عسول هذي أجزاء حساسة وتصليح شيء منها ممكن يأثر على شيء ثاني وبعدين تحتاج واحد متخصص مو أي كلام والي في الوكالات هنود يفتح الله
قير الازيرا حقت جار محتار مشكلتها بالحساس وتغير على الضمان
قير و ص ق مشكله ميكانيكيه
وبرد عليك عن مشكلة الحساس بالازيرا مثل ردك عن مشكلة قير و ص ق
7
7
القير و ص ق مشكلة شاذة لم تحصل لأي أحد غيره
مشكله شاذه !!
نجي لعكوس الاخ عسول
تتذكر يوم كنت اقول لك خلنا ننتظر لين مايغيرون الوكاله العكوس لأني كنت شاك انها العكوس
شوف رد الاخ عسول
تصدق انا سيارتي كان فيها صوت طقه قالولي عكوس غيرولي العكوس مرتين يوم استلمها مني مدير الصيانه
طلعت المشكله بالجوزات
يعني ماهم دارين عن شي
ولا تنسى كما كنت اكرر واقول لك ان المشكله طلعت له من الوكاله
7
7
سمعت شي تحت كأنه بينكسر صوت صراحه يخوف والطاره ثقلت كأنه فيه شي عالق فيها
بس اللي محيرني مو دايم احيان والصوت هذا من بعد ماطلعتها من عند وكالة الناغي
خلاصة الكلام اللي ابي اوصل له
الازيرا سياره عمليه + مواصفاتها عاليه + قويه
دمت بصحه وعافيه
اخوك بلا حدود
