1- بالنسبة لاسعار الفئة الخامسة فتتفاوت حسب حجم المكينة،،،
عندك 535i بحوالي 250 الف وال 550i توصل فوق ال 300 الف.. واتقد في فئات اقل الي هي 520 و 528 واتقوع اسعارهم تحت تكون في حدود 150-170 الف.. طبعا حسب المواصفات. بس تذكر اخوي ان التصميم الحالي يمر في سنته ال سادسه وداخل على السابعة.. يعني كلها كم سنة وتصير سيارتك قديمة اذا ما تبدل الموديل بعد استخدام لمدة سنة واحده فقط!!!!:a120(82):
2- جينيس اقترح سيارة ممتازة جداً وهي الكدلك CTS موديل 2008 والي تجي بنظام حاقن وقود مباشر. محركها 3.5 لتر وتولد تقريبا 302 حصان... والاحظ ان مستوى اداء محركات السيارات الامريكية تحسن بعد ادخال نظام الحاقن المباشر للوقود. والسياره فل كامله ممكن تحصلها بتحت ال 170 الف. بالاضافة للسعر المناسب والأداء الممتاز، تتمتع السيارة بمواصفات رفاهية في الداخل كثيرة وممتازة. بصراحه ما يعيب السياره هو الشكل التقليدي والي يفتقر للمسة الرياضية، ولكن اذا كنت من محبي الكدلك واشكال السيارات المربعة راح تنعجب كثير فيها وانصحك تجرب قيادتها.
3- عندك الإنفنتي G35 سيارة شبابية لابعد الحدود. وحصلت على تقييم 92% في موقع
www.consumerreports.com وهذا الموقع موقع موثوق فيه ولا يقبل اعلانات ولا سيارات اختبارية مجانية من الشركات حتى ما يكون في تاثير للمانح على تقييمهم للسيارة،، لكن تحتاج لبطاقة فيزا كارد او ماستر كارد حتى تشترك عندهم... السيارة هذي حصلت على تقييم ممتاز في كل انظمة السيارة،، من المحرك الى ناقل الحركة الى نظام المساعدين وصولاً الى نظام التكييف.
4- عندك الأودي A6 ممكن يبدأ سعرها من تحت ال 170 وتوصل ل 260 الف حسب المواصفات. السيارة هذي حصلت على تقييم ممتاز في جميع انظمة السيارة الميكانيكية او الكهربائية وجودة الصنع.
5- عندك الإنفنتي M35 سيارة اكبر من الإنفنتي G35 ولكن بنفس المحرك،، الأداء طبعاً راح يكون اقول من اداء ال G35 لان السيارة وزنها اكبر وتستخدم نفس المحرك، ولكن راح يتوفر فيها مساحة داخلية اكبر وقيادتها راح تكون اريح.
6- بخصوص اللكزس ES350 انا كنت على وشك شرائها ولكن غيرت رايي في اخر لحضة،، ومن الاسباب الي جعلتني اغير رايي هو انها تستخدم نفس شاصي ال تويوتا كامري ودفع امامي، يعني تويوتا كامري بثوب لكزس.
7- احذر من GS430 لان ال GS460 قادمة في الطريق. ستخدم في اواخر 2008 على انها موديل 2009. السيارة جميلة وتتوفر بنفس محرك ال LS460 بقوة 342 حصان. بس اتوقع السعر راح يكون 235 الف. ما ادري اذا ممكن يغيرون ال GS300 ويبدلونها بال GS350. لكن حالياً ابتعد عن ال GS بشكل عام.
8- مرسيدس بنز C Class. سيارة من شركة عريقة وشكلها جديد. حصلت السيارة على تقييم من ممتاز الى جيد جداً في انظمتها ما عدى الأنظمة التالية
التقييم يتراوح من :( ممتاز - جيد جداً - جيد - مقبول - ضعيف)
المحرك: جيد
نظام التكييف: جيد
فرامل: جيد
اصوات الاحتكاك داخل الكبينة: ضعيف
اجزاء السيارة الخارجية: مقبول
نظام الصوت: مقبول
:e142:
9- أودي A4 تتراوح من 110 الاف الى حوالي 180 الف حسب المواصفات. تتوفر السيارة بمحركين. الاول 4 سلندر والثاني 6 سلندر. بالنسبة لانظمة السيارة، حصلت على تقييم من ممتاز الى جيد جداً.
وهذي تقريبا كل خيارات السيارات الجيدة الي يتراوح سعرها ما بين 130 الف إلى 170 الف تقريباً.
بس نصيحة.. قم بتجربة جميع السيارات الي محتار فيهم والي حتى ممكن يكون عندك شك فيهم او ان عندك فكرة خاطئة عنهم.. لان بعد التجربة تتضح لك امور كنت غافل عنها.
واتمنى اكون ساعدتك في خياراتك :a120(62):
