السلام عليكم شباب
عندي مرسيدس C280 رياضية موديل 95. يوم الجمعة طلعت مشوار العصر و رجعت عادي، بعدها بـ 3 ساعات كنت ابغى اروح مشوار، عادي فتحت الباب بالريموت و جيت اشغل ما في أمل تشتغل و اللمبتين الحراء و الخضراء تولع و هذا معناه انه نظام السكيوريتي،
لي 3 أيام متعطل و جربت كل الحلول، غيرت بطارية السيارة و بطاريات الريموت و جربت اشيك كل الفيوزات و اجرب، بس ما في فايدة، جبت متخصص عشان يشوف السيارة و أصر انه المشكلة في الريموت، وديت السيارة لورشة و أصروا أن المشكلة في الريموت و ما عندي ريموت ثاني، و الحل أني أطلب ريموت من الشركة في ألمانيا و راح يأخذ بين 3 - 7 أيام و ممكن يكلف 900 أو 1000 ريال.
حاولت ابحث في المنتديات الأجنبية بس ما لقيت حل،صراحة تنقهر السيارة واقفة قدامك و المشكلة في الريموت و ما تقدر تشغلها ؟
فهل في طريقة نتجاوز نظام السكيوريتي في السيارة ؟ أو حتى نلغيه نهائيا ؟ ولا مافي الا أطلب من الشركة ترسل لي نسخة من المفتاح ؟
ملاحظة : لما حصلت المشكلة ما ادري بس الراديو من وقتها ما يشتغل ، فهل هذا طبيعي ؟ هل ممكن تكون المشكلة في الكهرباء و الريموت سليم ؟ أرجو الإفادة ؟
