مراحب شباب حالف ماتقومون تسلمون علي >> تلايط بس
سمعت عن السوناتا الجديدة وشفتها بالقسم وقدر الله إني أمر اليوم جنب الوعلان فرع خريص فقلت خلني ادخل واشوفها وبالمره اهضم الكبده والفول اللي ماكله على الصبح >> يالقفي خخخ
وادخل وكلي ثقه اني بكحل عيوني بشوفة هالمزيونه ( من سمعني راح فكره لبعيد ههه ) خاصة انها من حمولة طيبة من عشيرة الشيخ هونداي باشا الدمنهوري >> هذا اللي خذناه من المسلسلات المصرية خخخ
المهم ودور ودور ياولد شكل البنت خطفت ( يقصد السوناتا ) ياحسافة هالمشوار وهالنزله ياوالله اللي رجعنا بخفي حنين >> كل هالكلام علشان يعلمكم انه راعي امثال
وانقز لمشرف المبيعات سعودي مشخص يا الله يقوى يلتفت يخاف تخرب الشخصية ( تقل ضبعه يلتفت بجسمه ههه ) قلت وين السوناتا يابعدي ليكون خطبت قال إيه جاها ابن الحلال وخذها وطبعاً باخلاقي وبتواضعي المعهود قلت الله يجمع بينهم بخير ويرزقهم الذرية الصالحة >> وش دخلها في السالفة خخخ
قلت طيب كم المهر قال 63000 قلت تستاهل هالكورية دام ابوها هونداي باشا عمدة كفر الدلاوخة 00 طيب وش مواصفاتها من طول وخصر وبقية الشلة 00 قال سلمك الله هذي نسميها سوناتا ستندر 2008 الدفعة الثانية والا في الحقيقة 2009 بس زايدين في المواصفات والمكياج حبتين كدعاية للسيارة علشان نفتح السوق على اخواتها
مواصفاتها : جنوط 16 وازياق نيكل والداخل تخشيب وسيدي وقماش مخمل بيج وبدون مثبت سرعة 00 طيب عندك مهور اخواتها الفل والنص فل قال مابعد وصلتنا لكن خلال اسبوعين الى شهر واصله والمهور مبدئية لكن تراها زايدة من 7- 10 الالف عن الموديل السابق >> يواكبون زيادة الاسعار في الاغذية والحديد وكل أبو شي خخخ
ومع السواليف والتميلح قلت له ماتلاحظ أن المهور زايده شوي ( بدا يفاوض خخ ) والشباب هاليومين منتفين 00 ماودكم تخفضون علشان يكثر الخطاب عليكم وتصرفون بناتكم لايبورن ويعنسن ومثلك عارف ان بنات هونداي ممشي سوقهم الرخص والا ترى بيسحبون عليك لأنكم وصلتوا مهور بنات اليابان >> أسلوب ترهيب ههه
هالحين مهر الفل كامل من السوناتا على قولتك 76000 اجل وصلت الاكورد ستندر تماتيك ومثبت سرعة والالتيما فل بس بدون فتحة ومخمل ترى مهرها عند معرض نجد 78000 الف
انا ادري ان بنات الهونداي طيبات بس الهون ابرك مايكون ياخوي ( اكلمه وكأنه صاحب الحل والربط بس ماعليه بعطيه جوه مع هالتشخيصه الحلوه خخ ) رد علي مشرف المبيعات وقال : اخوي دايم انت شخصية فذه والشعب السعودي يفتخر بمثلك ( اشتغل النصب ) وحنا ما نرد الطيبين مثلك ابد واذا ناوي تخطب من عندنا وخاصة أنك شاب سعودي عصامي ومزيون >>> من جنبها بقوه خخخ
لذا انصحك تنتظر أيها الشاب المملوح ( مصر على النصب ابو الشباب ههه ) حتى تتوفر عندنا وبكميات كبيرة وانا اضمن لك انها راح ترخص كثير وحبذا ماتجينا الا بعد رمضان وراح تكون مهورنا معقولة زي اول >>> شكلها تصريفه يحبها قلبكم خخ
بس اتوقع انه صادق مهوب القصد يصرفني ويفتك من خشتي المصونه لابد الاسعار تنزل لان الموديل في أوله وشاد وهذا اللي أكده لي واحد من عيال الوعلان >> يمون عليهم خخخ
تحياتي للجميع
