بسم الله الرحمن الرحيم ,,
ترن ترن تر ن ,,,,
الخل الوفي: الو
أبو وسن: السلام عليكم
الخل الوفي: وعليكم السلام ,,
أبو وسن : طيب ويش رايك اكنسل رحلتي مع الخواجات بكرة ونطلع احنا رحلة من بعد صلاة الفجر عشان نقدر نرجع بدري ونصلي الجمعة في الرياض.
الخل الوفي: ممممممممم , طيب خلاص , فكره جيده
أبو وسن: ممتاز ,, وكمان نحاول نجمع بعض شباب المنتدى اذا امكن
الخل الوفي: تم ,,
هكذا بدأت رحلة الدفع الرباعي الجمعة الماضي ,, ولهذا السبب لم يكن لها اعلان في المنتدى.. يسموها "هبقه"
المهم اتصلت ببعض الشباب اللي اعرف ارقامهم وكان الاقتراح نروح الدهناء وكل شي اترتب.,,,,لكن مثل الطلعه السابقة ,, طلعلنا ابو اسد يقول لا شباب المكان بعيد والوقت ما يكفي و وووو ... وبطلنا من الدهناء ولبينا طلبو اننا نروح للخرارة لأنها اقرب. وكان عدد السيارات المفروض انها تجي اربع سيارات وعدد حضور 9 تقريبا.
المهم بدون ما اطول عليكم ,, الكل اعتذر وبعد صلاة الفجر ماحد حضر اللا انا والخل الوفي!!!!!!!!!!! فقلنا طالما أبو أسد مهو في , خلينا نرجع لأختيارنا الاول ونطلع للدهناء (لكثرة روحتنا للخرارة حبينا نغير) والخطة كانت اننا نفطر هناك ونطاعس شوي ونرجع حول الساعة 8 الصباح.
توكلنا ومشينا , والممتاز ان الخل الوفي جاب معاه جهازين لاسلكي صغير استخدمناه في التواصل مع بعض. وقعدنا نسولف على اللاسلكي طول الطريق الى ما وصلنا الى منتزه سعد. دخلنا للطعوس وبدنا نمشي بدون تنسيم الكفرات شوي الين الخل الوفي اظطر يضرب فرامل على طلعه وهو يمشي وراي فغرزت الكفرات وما مشيت السيارة بسبب ضغط الكفرات العالي ,, فتوقفنا لتنسيم الكفرات. واحنا ننسم الكفرات اقترحت على الخل الوفي اننا نعيد رحلة اللقاء الثاني اللي صارت قبل شهر تقريبا ونروح لروضة خريم عن طريق نفود الدهناء ونحاول نلحق نصلي الجمعة في الرياض او نصليها في الغيلانة عند روضة خريم , ونعتبرها طلعه استطلاعية. وماشاء الله الخل الوفي كان كله حماس ووافق على الفكرة مباشرة.
حطينا فطورنا وجلسنا وكان الجو اكثر من رائع. وهذي صورة للسيارتين في هذا المكان.
بعد الفطور بدءنا بتجربة فصل التراكشن كنترول في الكوماندر .... تفاصيل التجربة في هذا الموضوع ... إختبار الـ تراكشن كونترول – Traction Control في جيب الكوماندر Jeep Commander
وبعدها اتجهنا الى روضة خريم اتتبع الاحداثيات اللي جهزتها لرحلة الاجتماع الثاني اللى كان المفروض نمشي فيها لروضة خريم لكن ما مدانا نعملها بسبب ضيق الوقت.
والان نبدء ببعض الصور لرحلة التطعيس من منتزه سعد الى روضة خريم ...
هذا ما شاء الله جيب الخل الوفي ..
يتبع ,,
