تجربة KIA MOHAVE في دبي + مواصفات + الأسعار

واضح إنه حساس .. المازدا ما أمداه يطلع إلا والكل يشتريه

ـ لأنه يستاهل كل ريال ـ

والحال ماراح يكون بعيد عن البقية .. :)




الحين تقارن الـV6 GX بالموهاف V8 .؟؟

:)

اخوي المشرف Microsoft
ليش اشتري سياره بربع مليون تقريباً .... كان يلحقوني ويقولون المجنون اهوه المجنون اهوه
والله العظيم اني اخاف من العقوبه لو اشتري حديد بهالسعر .....
المهم انا ما اعاني ابو ربع مليون انا اعاني V6 GX 2008 سعره 150الف ريال
يعني فرق 12 الف عن الموهاف !!!!!!!!!!!!!!!!!!!!!!!!!!!!!
وسياره محترمه ورزه ولا عليها ايييييييييييييييييييييييييي كلااااام
تحياتي

الناس تشتكي من سيارات عريقه مثل اليوكن واللي هو ارخص من الكيا وتبيهم يغامرون ويحطون مبلغ كبير في كوري؟
مستحيل تنافس هذه السياره في السوق
سوقنا حساس مره
واذكر واحد من اصدقائي طلع كيا سيدان قسم بالله انه راح فيها للصيانه وهو فاكها جديده بسبب مشكل في الصوت وخلله وصار شغلته مداوم في الصيانه

أتوقع بسعر 138 ألف راح تشتهر هذي السيارة بالذات .. والسبب أن فئتها مرغوبة لدى المجتمع السعودي مع ان ارضنا كلها بساتين وانهار وسهول خضراء ممتدة :)
يعني أتوقع تمسك سعرها بشكل مقبول بس خلها تاخذ وضعها في السوق السعودية .. والخليجية عموماً
وإهم شيء راح يشهر هذي السيارة هو شبهها المريب بالاند كروزر والذي - لأمر يعلمه الله - لشكله جاذبية غريبة لدينا ..
وختاماً ..
والله العظيم لو معي 138 ألف ريال مخصصها لشراء سيارة لوضعتها في البوريغو ليه
شكل وما هو مشهور ولا احد بيعطيك عين لأنه كوري ههههههه ومكينة ومواصفات .. وفخامة واضحة .. ولن اشتريه لأبيعه بعد 5 سنوات او 3 سنوات لأني سأجعله سيارة رديفة للرحلات والطلعات والمناسبات .. يكفيك انه جيب .. رزة ولو مضى عليه 20 سنة

ههههه الله يقطع شياطينك يا فهد

يأبن الحلال .. دام الناس تقول..

على إلي يشتري لاند بـ225 ألف

فخليهم يقولوها على إلي يشتري الموهاف V8 بـ138 ألف

:D

صراحة ابدعت شركة الكيا والله انه الموهافي سيارة تستحق التقدير
واشوفة يريد ينافس الباجيرو ^_^ لكن انا اللي عجبني فيه انه متوفر بثمانية سلندر
وصراحة شكلها رهيب ومن الداخل الخشب شكليته مميزة
وعاد الميزات مسكته
وياخوي فهد2007 الكوري متفوق على بعض السيارات اليابانية والكل ماحد اشتكى منه شي وبدا يتطور ويحسن عيوبة
تحية عطرة عالجهد المتميز

السيارة جميلة في هالصور
ومواصفاتها خيالية
(لكن) أشك في اعتماديتها، يبيلها وقت حتى تثبت نفسها وتصحح عيوبها

يعطيك العافية

^
^^
^^^

والله لو يركبون فيها جنحان وتطير مثل الطياره ما شريتها بـ 138 الف ريال
مجنون انا اشتري كوري بهالسعر !!!
اصبر شوي قرابة 6 او 9 شهور واشتريها مستعمله بـ 90 الف ريال بالراحه

قال اشريها بـ 138 قال ... والله كان ابوي يصفقني ويشهر بي في الديره
ويلحقوني البزران .. العبيط اهوه العبيط اهوه :smilie6:

وبعدين حرااااام بصراحه نخليها منافسه للاندكروزر فخر الارض...... والله حرام صح سعره مبالغ فيه بزياااااااده جداً جداً لكن يظل لاندر كروزر له وزنه وله قيمته وهيبته

الموهاف يختلف عن الفيرا بأنه SUV بسبب أنه دفع خلفي

بالإضافة إلى وجود قير الدبل خفيف وثقيل بتعليق مستقل

بخصوص فئة الـ138 ألف فهو يحوي مواصفات ما تشوفه

في الاند الـ215 ألف .!

أولاً.. المحركات...
دفع خلفي مستقل بمحرك جبار V8 بقوة 4.6cc
يحوي عدد ضخم من الأحصنة 375 حصان
(375 حصان على سيارة أصغر من اللأند)

ثانياً.. المواصفات ...
شاشة ملاحة - كاميرا - تشغيل ذكي - هدروليك
والعديد العديد من المواصفات التي تغنيك على جميع السيارات


|364|

مشكووووووووووور اخوي تـــMـــيـــM على الموضوع

الكيا الموهاف او البورغيو احلى بكثيييييييييييييييييير من الفيراكروز

لكن استغربت انها مصنفة تحت الفئة SUV وليست كروس اوفر مثل الفيراكروز

- هل من الممكن تعطينا شرح مختصر عن نظام الدفع فيها عشان يتم تصنيفها من فئة SUV؟؟

- سعرها يبدأ من 92 الى 138 ؟

- الا ترى ان شكلها قريب الى حد ما باللاندكروزر الجديد ؟ خاصة الاسطبات الخلفيه ؟

- الا ترى ان سعرها مبالغ فيه 138 الف ؟؟ يعني هل انا مجنون اشتري كوري بـهالسعر !!!!!!

موهب لان السياره ما تستاهل بل لان سعرها يطيح عند اعادة البيع ..

- اخر شئ حبيت اقول وش شرى اخوك .. هل اقتنع بالاوبيروس << واحد ملقوف ومتابع:smilie6:

وتقبل مروري

شئ طبيعي يحطون الضمان هذا لانهم غير واثقين فيها لو واثقين فيها ماحطوا ضمان 5 سنوات
المشكله حتى الضمان تحصل فيه خداع يعني ضمان لاجزاء معينه وهم عارفين ان هالاجزاء عمرها اكثر من 5 سنوات
اتحداهم يحطون ضمان شامل على السياره

جميله جدا
بس اسمها ياخي لك عليه ههههههه

شكرا

معقوله تمدحون سياره وهي لسا ما تمت تجربتها؟
من المجنون اللي يحط مبلغ فوق المائة الف لسياره اول مره تنزل السوق؟
لايغرك كماليات السياره لان الحين طالعه موضه جديده للشركات تحصل السيارات الرديئه يحطون فيها مواصفات كمالية كثيره علشان يصرفونها وينسون ان السياره اسم ومحرك وقير وتجربه
والمشكله تحصلهم حاطين السياره فوق طعس حتى اللاند مايطلعه والسياره تحصلها واقفه في معرض
لكن الدعاية اللي فوق الخيال تخرب سمعة السياره وهم مايدرون

ينقل لتخصص

مشاء الله سيارة قمة في الروعة

أبدااااااااااااااااع
وشفت دعايتها بالMBC مع نديم مهنا
أبداااااااااااااااااااااااااااااااااااااع والله ابدااااااااااااااااااااع

مشكوووووووووووور اخوي تميم

كل هالمواصفات وتبيها أقل من مائة ألف.!

ياليت تسير على الفوشتنر وتشوف كم سعره بالمرة..:D

إذا نزل بسعر 160 ألف للمحرك V8 بكامل المواصفات

أعتقد أنه مناسب جداً مقارنة بالتاهو الـ200 ألف تقريباَ.!

مع العلم أن الأكاديا كروس أوفر بـ170 ألف.. :)

* ملاحظة.. دائماً الكروس أوفر أقل سعراً من الجيوب SUV..|364|