الأربعاء 17 يونيو 2026
الرئيسية أخبار السيارات مواضيع اليوم
روابط قد تهمك : السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | قناة السيارات
عاجل
المجدوعي للسيارات ترتقي بمعايير الخدمة عبر النسخة الثالثة من مسابقة شانجان للمهارات | تبدو سيارات تاكوما الكلاسيكية هذه أقدم بأربعين عاماً من عمرها الحقيقي، ويبدأ سعرها من 42000 دولار. | هذه السيارات ستتوقف عن العمل بحلول عام 2027 | سيارة فورد موستانج سيدان لن تحتوي على محرك V8 - إليكم السبب | سيارة BMW X5 الجديدة (2026): التفاصيل الأولى حول المحركات قبل العرض الأول
الرئيسية المنتديات الرئيسية ورشة السيارات كيف اخلي المروحه تشتغل مع السلف؟

كيف اخلي المروحه تشتغل مع السلف؟

ورشة السيارات
14 رد 25,444 مشاهدة 6 مشارك الأقدم أولاً
د
دحــــومــــي @user_101572 · 04-07-2008
السلام عليكم ورحمه الله وبركاته

صباح الخير اخواني الغالين

شخباركــم..؟ان شالله مرتاحين:)


يالغالين موتري ترتفع حرارته في الظهر مع تشغيل المكيف ..خصوصاً اذا تعديت 120 كيلو..

ومالقيت حل غير اني أفصل حساس المراوح..بحيث انو المراوح تشتغل مع تشغيل سلف السيارهـ..

بس فيه مشكله..لما افصل الحساس الحرارهـ بالعداد معد تشتغل..ومادري هل هي مرتفعه او لا..

فياليت احد يفيدني كيف طريقه جعل المراوح تشتغل مع تشغيل الموتر..

وياليت شرح الطريقه بالضبط..لأني ودي اسويها انا..واذا كانت صعبه ماعندي مشكله اوديها لكـهربائي..

وكم تكلف الشغله؟؟

ويعطيكم العافيه

والله يجزاهـ خير من يدخل ويساعدني..
د
دحــــومــــي @user_101572 صاحب الموضوع · 04-07-2008
وعليكم السلام الجوكر..

ماشالله تباركـ الله..

شرح كافي وافي وبالصور كمان..

انا أشهد انكـ كفييت ووفيت ،،

وان شالله اضبطها مثل ماسويت وتصلح الحرارهـ عندي..


جزاكـ الله خـير على كل ماقدمته..

بالتوفيق
د
دحــــومــــي @user_101572 صاحب الموضوع · 04-07-2008
حياك الله ابو فيصل:)

يالغالي احس الشغله ماتستاهل كهربائي..

بس يبي لها شويه شرح..

نوع الموتر هونداي اكسنت 2004..

يعطيك العافيه
a
aljukar @user_99605 · 04-07-2008
السلام عليكم
شوف يا اخ دحوم انا ذقت الي انت ذقته وبصراحه حاب افزعلك لااقل ولا اكثر
واللي يقهرك ويبط كبدك يجي واحد ويرد عليا رد يسود الوجهه وانا حاب اخدمك انت لاني ذقت اللي ذقته المهم نخش عدل:




شوف هذا صورة السلك التوماتيك المشبوك من شد بلد السياره



وهذي الصورة توضح لك اني موصلها دايركت



وهذا حساس الكوع افصله بعد ما تسوي نفس التوصيله اللي فوق


وهذي صورة توضح القطعه اللي قطعها الرجال




وبكذا انا خلصت هرجتي بس ملاحظه خطره:
انتبه لمن توصل السلك لانك اذا عكسته تدفع المروحه دفع والمطلوب شفط
يعني الزبده المروحه تشفط الرديتر شفط .



واذا منت فاهم كلمني وانا اخدمك بعيوني الثنتين
د
دحــــومــــي @user_101572 صاحب الموضوع · 04-07-2008
عزيزي A.M.G
حياكـ الله اخوي..

يالغالي ماخليت شي ماغيرته..كل شي يتعلق بالحرارهـ غيرته جديد !

والى يومكـ ما انحلت المشكله..

فلذلكـ مالقيت غير حل اني أفصل حساس المراوح بحيث تشتغل بكامل قوتها..

نورتنا اخوي..

بالتوفيق
د
دحــــومــــي @user_101572 صاحب الموضوع · 04-07-2008
الجوكر..تسلم ياقلبي..ماقصرت والله..

وانا أحب اشتغل اي شي في موتري بيدي..ماعدى الاشياء الصعبه جداً..

في انتظار الصورهـ

والله يجزاكـ خير
أ
أبوFيصل @user_101094 · 04-07-2008
شوف كهربائي مضبوط ويضبطلك المراوح , وش نوعية السياره
A
A.M.G @user_69594 · 04-07-2008
طيب يا دحومي
ليش ماتحل المشكله من اساسها
يعني تصلح العطل اللي تسبب في ارتفاع الحراره على السرعات العاليه
وفي الغالب المشاكل اللي من هالنوع يكون بسبب الخراطيش منتهيه
واذا كانت ما غيرتها يفضل انك تغيرها
a
aljukar @user_99605 · 04-07-2008
ابشر بعزك يا دحوم الان انزل اصورها لك


وعلى قولتك انا من مشجعين انك تشتغل بنفسك والمثل يقول <ما يحك جلد الا ضفري>

وعلى الله اكون اني افدتك


اخوك
د
دحــــومــــي @user_101572 صاحب الموضوع · 04-07-2008
اخوي امير..

الله يعطيك العافيه يالغالي..

وفيه اشياء سهله..وماتسوى انك تروح لكـهربائي وياخذ عليكـ 20 ولا 30 ريال!

وكلها دقيقتين بس!..

ومنها تجرب وتتعلم وتكتسب خبرهـ..

مشكور ع مروركـ

بالتوفيق
د
دحــــومــــي @user_101572 صاحب الموضوع · 04-07-2008
حياك الله الجوكر..

زين اني حصلت احد نفس مشكلتي..

والله يالغالي مافهمت هالنقطه..

(سوالي حركه بسيطه سلك المروحه الطقطق فصله وشبكه على طول قصه وصله على طول)

ممكن تشرحها لي..واذا بالامكـان تجيب الصورهـ تكون سويت في أخوكـ معروف ماينساهـ لكـ

ولكـ جزيل الشكر

بالتوفيق
أ
أمير العاطفة @user_101451 · 04-07-2008
ياخوي انصحك انك تروح لكهربائي افضل من انك تسوية انت وتراء هذا ماهو شي بسيط ارجو انك تسمع كلمي
................................والله الموفق...............................



أخوك
a
aljukar @user_99605 · 04-07-2008
شوف يا اخوي انا نفس مو ضوعك بالضبط حصلي وفصلت سلك المروحه اللي بالكوع ونزل العداد للاخير كانه مفصول ووديتها لكهربائي شاطر سوالي حركه بسيطه سلك المروحه الطقطق فصله وشبكه على طول قصه وصله على طول ولظبطت معايا على السلف وارتحت كثيرررر

واذا كلامي مو واضح قولي اصورلك السياره وتشوف وانت تامر امر يا دحوم انتضر ردك



اخوك
د
دحــــومــــي @user_101572 صاحب الموضوع · 04-07-2008
حياك ابو فهد..

يالغالي ..المراوح لها حساس مشبوك في الكوع حق الاديتر..وهو اللي يقيس درجه الحراره ومدى احتياج السياره لقوه تشغيل المراوح..وهو اللي يعلمك بحراره الاديتر في الطبلون..

لأني لافصلته يطفى عداد الحراره وينزل للأخير..

شكر لك مرورك
أ
أبـــو فهد @user_58053 · 04-07-2008
اللي اعرفه ان الحساس حق انبير الحرارة في العدادات

غير حساس المراوح


هذا اللي انا اعرفه

الاخوان يفيدونك

سجّل دخول للرد...