كل واحد يدخل ويكتب اخطر موقف صار له بالسيارة؟؟

اشكر كل من ساهم فى هذا الموضيع

ولو ان الشكر جاء متأخر لكن

ما اقول غير اللـــــــه يكــفيكم شر الحوادث قولوا امين

تحياتى لكم جميعا

مررره كنت ماشي 190 بجيب


في خط درة العروس

عاد تعرف هناك جهة الصبات و....


المهم وانا ماشي الا دعست على حجره شويه كبيره وعاد تعرف الجيوب كيف
لو دعست على شي ومع لفه وانت مسرع


تسوي تددددد تدد كأنك ما اعرف ايش
يعني تلف لوحدها وشويه تبغى تقلب والكفر يحك في

السكه ويسوي تد تددد


وكانت السياره كلها
عيال


بس الحمدلله

نجونا من الصبات

وكنا حنروح جلى

الله يستر بس

ومع ألف سلامه

باااي




نسيت أنصحكم بعدم السرعه


معني انا مدمن سرعه وتحويص باللومينات والهيئه



بس الله يكفينا شر السرعه


سلملم

اما انا اخطر موقف معي كان قبل امس بالتحلية حقت الرياض

كنت مركب 7 من اخوياي و ماغير نستهبل بالجمس مساقط من هنا

ونطلة من هنا مع ان مافي مكان بس كنا نحشر انفسنا بأضيق الاماكن

المهم بعد ماتحمسنا وتهيضنا بالتحلية مسكنا الملك فهد و شغالين

غرز من هنا ومن هنا و شووي الا وتطلع كراون فكتوريا علينا و استلاااااام


على البريك بشكل قوووووووووووي مرررررررررررررررررررررررة

حتى ان اللي قاعد قدااااااااااام الله يهديه مو رابط الحزام صقع راسه

بالقزاز صقعة جامدة بس الله ستر ويوم جينا عند راعي الكراون نبي نشوف ش السالفة ابوالشباب شاف الدعوه شباب و كثاااار يعني مالها داعي حط رجووووووووله

وصدقوني اول ما خلصنا من راعي الكراون وصلت كل واحد بيته وحرمت

اركب احد معي مرة ثانية

:eek::eek:

قبل شهرين كانت معي سيارة مستأجرة (في الاردن ) وكنت أدور في الحواري ولا مرة وحدة يطلع قدامي واد و الله ستر و قعت السيارة من قدام و ما صار أي شي غير إنو الصدام انكسر و السيارة ما انقلبت و الحمدلله

TORNADO_SS
اما الاخ هذا معنانة مع الحوادث معناااااااااااة ما تنتهي
عسى الله يكفيك شر الحوادث

ماشاء الله عليك ابو سبع ارواح

لو انا منك والله لتوب خلاص
واصير دايم اصلي واخشع في الصلاة واذكر ربي كل شوي

واحمده على السلامة طول هالايام :D


--------------------------------------

بقولكم العن موقف مر علي في حياتي

والموقف هذا قربني لربي أكثر واثبتلي قدرة الخالق في كيفية حفظه لعباده

كنت هذاك اليوم مصلي الفجر
وانتم تعرفون الي يموت وهو مصلي الفجر في الجنه على طول بإذن الله

وكنت هذاك اليوم قاري اذكار الصباح والمساء وعارفين طبعاً الي يقرى اذكار الصباح والمساء الي ما تاخذ ولا 3 دقايق الي يقراها سبحان الله بحوله وقوة يحفظك من اي شيء في ها الدنيا



وهذا فعلاً الي حصل


كنت راجع من مشوار ومريت على طريق الأمير عبدالله واخليه وراي واتجه للروضة
وانا مقبل على مخرج 12 حق بيت الأمير عبد الله
بالصدفة الأشارة كانت مفتوحه
أسرعت زيادة عشان الحق ولحقت الأشارة

وبنص المخرج وحنا على النفق في النص واحد قدامي كان يمشي 40 تقريباً وانا وراه امشي 90 وكنت مهدي لأني موتر يطبطب واجد فوق النفق
المهم الي قدامي مدري وش جاه وغير مزاجه وجاء بيلف يسار بدون اشارة وبدون اي مقدمات

ابي اصور لكم المشهد اكثر

حنا الآن فوق مخرج 12 بالضبط ما طلعنا منه فيه لفه توديك على السريع وتوديك لطريق الخدمه حق مخرج 11

هالي قدامي وحنا على النفق مسكت معه غلط الا بيلف يسار


وكل هذا وحنا ماشين وبصورة سريعة حصلت ها الأشياء

كنت مسرع واشوفه قدامي
وكل ماقربت احس انه يميل

الين صدق مااااااااال وحجرني على ثلاث اختيارات3

الأختيار الأول : اصدم فيه
الأختيار الثاني : : اصدم في الي واقفين بالأشارة المقابله
الأختيار الثالث : ادخل في الأشارة الكبيره والرصيف


طبعاً في هذيك اللحظة مافيه لا مساعدة دوريات ولا اتصال بحكومة

الحمدلله وبفضل من ربي تصرفت بسرعه

ونطلت اول شيء نطله على اليسار كاني بدخل في الرصيف
وبعدين دخلت في الشارع المقابل بين آخر سيارة واقفه والرصيف
كان السيد الثالث فاضي الحمدلله


وعكست الشارع والحمدلل ما قابلني احد وانا عاكس ولا كان دخلت فيه وجه لوجه


واديور في نص الشارع وكأن الشارع شارع ابوي

ووقف طبيعي في عند الأشارة الي كنت عاكسها وبغيت ادخل فيها

ويناظر فيني واحد واقف عند الأشارة
نزل الدريشة يسأل يقول ": ايش فيه "

واجحده احسبه بيقول الحمدللهعلى السلامة ويسألني ايش فيه

يالقفنا يا السعوديين هذا الي فالحين فيه نتجمع عن الحوادث ونقول " ايش فيه صديق "

يوم لفيت مع الاشاره الا واحصل راعي السيارة الي تسبب في كل هالمشكله

القصه ومافيها ان السيارة هذي كان يسوقها ولد عليمي مخليه اخوه الكبير يسوق يوصلهم للبيت عشان يتعلم

يوم وقفت عندهم الا هم منزلين الولد وجاي اخوه راعي السيارة محله :D

نزلوا كلهم وسلموا وكان معهم شايب الله يطول في عمره

يقول اهم شيء يا ولدي انت بخير الحديد كله واحد

طمنته وكل شيء بخير

سألتهم جاكم شيء شطف ولا شيء ما دريت به
قالوا ابد سالمين
الحمد لله


مسكني صاحب السيارة الأصلي اخو الي كان يسوقها
قالي كلمه جت في الصميم

أول شيء قال : بخلاف الي صار هذا كله السرعه وش نتايجها دائماً ؟
قلت نتايجها معرفه اما موت ولا اعاقه

قال انت لو انك منت مسرع كان صار لك الي صار ؟

هنا وصلت المعلومة وانحرجت من نفسي
وقلت له كلامك صحيح وإن شاء الله يكون ها الحادث سبب في الاهتمام وعدم التهور

وكل واحد سلم على الثاني وتوكلنا على الله


آآآآآآآآآســـــــف يا شباب على الإطالة لأني ما أعرف أختصر في الكلام :D

اخطر موقف بحياتي111


يوم كنت بالصف الخامس ابتدائي


حين سرقت السيارة من ابي وهو نائم في البر


واخ>ت اجوب الرمال يمين ويسار



ما في مكان الا ونطلة بووه



وكانت السياره مرسيدس 95 {الشبح}




الا وما ادري وش السالفه الا طحت بحفره الله لا يوريك




وطبعااااا هناااا تكمن النكبه




بصرااحه وصلنا مكان بعيد انا و2 من عيال عمي




طبعااا لم تسل الدموووع بعد خخخ



فأخ>ت احاول ان اخرج السياره









والحمد لله لقد خرجت ولكن بعد ما>ا



بعد ان اكسر القير الله لا يعودهااا من ايام خخخ





ه>ا موقفي البايخ




وتقبلوا تحياتي

أشكرك أخوي على هالموضوع الرائع


وانا موضوعي بكل بساطه


كنت ماشي يممكن 100 مع منعطف قوي شوي وبالمطر ومادريت الا السيارة بدت تحوس :eek:


قمت غمضت عيوني وسدحت السيت ورجلي على الفرامل وساحب الهند طبعاً

وشوي وقفت السيارة وهي عاكسه السيد وصاقعة بالرصيف

والحمد لله ماصار شي للسيارة
بس صارحه موقف لا احسد عليه


مع تحياتي
mr.cool|3|

:هههههههه

انا اقولكم ايش موقفي

انا استأجرت فياجرا وفرحان المهم كنت ماشي امكن 60 واشوف واحد من خوياني قاعد اطالعله وقاعد اضحك وتجي دينا واصدمها



ولو تشوفو وجه خويي لما صدمت زي كذا:D:D:D:D:eek:

هههههههههه

ياليتني شفت هالمنظر ، :D
تصوير رائع أخوي Touareg 2003 للموقف ، :rolleyes:

الله يعطيه خيرها ويكفيه شرها ;)

اعذروني شوي زهقتكم بس هذا الموقف كان بخاطري من أول ........
بسم الله الموقف اللي صارلي هو ........ كنت مع ولد عمي والسيارة أوبل ما 2002 ما صارلها يومين وفي مدينة الخبر بالتحديد الثقبة بشتري أدوات تلميع وخرابيط المهم وحنا واقفين دبل باركينج ويجيك شايب مدري شلون يسوق الله يعينه ويصقع الاوبل من قدام وتروح على ولد عمي اللمبه الأمامية اليسار عدت الأمور على خير وحنا راجعين البيت وقفنا بالإشارة وكان قدامنا BMW ومدري شصار بالرجال راعي BMW وينزل من السيارة وهو حاط الجير على R وترجع السياره علينا والحمد لله أنه ما كان في أحد كان ورانه ويحطه ولد عمي بالريوس ويده على البوري وينتبه الرجال ووقف السياره على طول ....
ومعليش تراني غثيث شوي ....

الموقف اللي صارلي مع واحد من أخوياي على خط الرياض بكامري 2000 وبيحاول ياخذ خط الرياض بساعتين والسرعة كانت 200 المهم حنا نمشي بالايسر ونكبس واللي ما يوخر نطلع جزء من السيارة على كتف الطريق ولحظة من اللحظات والا مرسيدس موديل الثمانينات قدامنا كبس له خويي وما وخر طلع السيارة على كتف الطريق ويوم قربنا ويسقط صرنا حنا نمشي بسرعة 180 بالتراب وتجاوزنا المرسيدس وخويي قاعد يلف الدركسون بيطلع السيارة على الطريق وتزحف وتجيب فينا حركة الموت وبعدين صار وجه السياره عكس السير وش سوه خويي ؟؟؟؟؟؟؟؟؟؟؟ قال خربانه خربانه ويسحب الهند وما يردنا الا الشبك وتظررت السيارة شوي ( الحمد لله)
موقف ثاني الله يقطع شر التفحيط كنت مع خويي طالعين من مدرسة أم القرى الثانوية بالجبيل الصناعية أيام الاختبارات النهائية تعرفون اختبارت وتفحيط أنا مدري وش ركبني مع هالخبل المهم كان معنا كرسيدا ومليانا شباب وبينطل فيها حس ان السيارة فيها بلا بس الرجال ما باذنه ماء وينطل النطله الأولى ويصلخ الكفر الأيمن اللي وره وكنه بسرعة 140 إلى 150 تقريبا والحمد لله انه ما صار شي بس السيارة قامت تحوس لين وقفت .....
عسى بس ما طولت عليكم |3|

على كذا صرت قائد خطير ومحترف من الطراز النادر :D<<<<<<<< واحد ماهو مصدق نفسه ،

أشكر لك أخي الكريم تشجيعك واهتمامك .،

السلام عليكم

اهلا اهلا

العفوو AHMED900

واهلا ياشقراوي وموقفك حلوو مرررة|1|

وتحياتي للجميع:cool:

كنت في شارع الاصفر بشقراء ماسك اليمين ومهدي امشي 40 يمكن مادريت الا واحد
مسوي يبي يشطفني ما دريت الا وهو شايل مرايت سيارتي اليسري والمشكله اني اعرفه المشكله موب المرايه المشكله اني ما دريت الا يوم راحت المرايه بصراحه خفت خوف


سلامي شقراوي

أنت تستحق أكثر من ذلك عزيزي Suden Dithe

العفوووو يا اخى العزيز ahmed900

شكرا لك على موضوعك المتميز أخوي Suden Dithe

هذا موقفى.......:اسمعوني:

كنت مرة بالسيارة ماشى وكانت قدامى لفة خطيرة مررة,,,,,,

وكان راعى مكسيما طااااير ((((((ماشى ملياار)))))
امزح ,,,

ماشى 100 تقريبا,,,المهم:

انا اخذت اللفة وما انتبهت للمكسيما ,, طلعت على اللفة ,,,,

قلت فى نمرة واحد اقومها اكثر, عاد الخط من الاسفل تراب على اسفلت

المهم: مادعست على البنزين الا السيارة تفاحط وما قدرت امسك الدركسيون

واخذة لفة كاملة وانا اقووول:أخ نسيت: الله يستر الله يستر:أخ نسيت:


ونزلت انا وراعى المكسيما كل واحد ينظر في سيارته,,,,,,

والحمد لله سلمن من الحادث,,,, والا رحنا فيهااااا,,,,,


وشكرااااااااا