بحرق السياره كابرس SS 96 عند البيت بسبب الحراره ساعدوني

اخي العزيز اتمنى اني افيدك وافيد اعضاء المتندى المتميز من باب مشاركه المعلومات

انا كان عندي كابرس ال تي زد 96 من فتره وبعته . مره كنت راجع من الجامعه ويوم اوصل قريب البيت الا والحراره خلاص قربت على الاحمر وقفت شوي وريحت الموتر وواصلت بعدها . رحت لورشه الراجحي اعتقد بالصناعيه القديمه وعاين السياره مهندس سعودي وقال لي بالحرف الواحد وبدون اي نقاش غير البلف الى بلف بيجو!!!!!! الكثير يستغربون وانا اولكم :a120(89): المهم غير لي البلف وعمل برمجه بالكمبيوتر (ضروري جدا) وبعدها والله يشهد الحراره ماتتعدى الربع والسياره من احلى مايكون (لان البلف يفتح على درجه حراره اقل من ال 70 اما البلف الاصلى على كلام المهندس يفتح على 90 ) كل مارتفعت الحراره على طول تشتغل المراوح (ثنتين بالمقدمه) والسياره كانت روعه

حبيت افيدك وافيد الجميع واسف عل الاطااااااااله وشوووووووكراااا

اخوي الوصله الاي فصلتها هذي حقت الحساس الاي يحدد متى تشتغل المروحة الثانيه
اذا فصلته تشتغل المروحتين مع بعض علشان كذا تشوف الحراره ما ترتفع بسرعه

مراوح السياره الاصليه تراها قويه ما تحتاج تبدلها بحق مكسيما

واعتقد ان مشكلتك من طرمبه الماي او غطاء الرديتر

وان شاء لله ما يكون راس المكينه


تقبل مروري

مرحبا شباب

آخر التطورات

غيرت المراوح وركبت مراوح مكسيما

اشوف الحراره صارت احسن من قبل بس ترتفع بعد

فصلت وصله موصوله بطرمبه الماء واشوف الحراره ماترتفع بسرعه يبي لها وقت

بنظركم شنو ناقص اشتري بلف اصلي واغير الحساس ؟؟؟

انتظر جوابكم

في شخص له رغبه يشتري السياره ؟؟

لاتحرق الموتر*********

مشكورين اخواني على مشاركتكم بصراحه

شجعتوني عالمنتدى الحلوووو

اكتشفت شي جديد بالسياره

انو اللي ركب طرمبه الماء عكس بعض التوصيلات

والمروحه احسها عاديه تشتغل مع السلف

والثانيه تشتغل مع المكيف

وراح اشيك عالحساسات اللي ذكرتوها

وانشالله خير

واذا في عندكم اي معلومه تفيد

لاتبخلون علينا

ومشكورين وماقصرتوا

وراح اعلمكم بالنتايج


وعلى فكره اذا احد ساكن بالشرقيه

وحاب السياره ووده يشتريها ماعندي مانع


خبروني وقولو السعر اللي يعجبكم وانشالله خير

أنا أركز على غطاء الرديتر والمراوح


غطاء الرديتر جنني في الكابريس من قبل ، وأنصحك وبشده بالأصلي جربت أغطيه كثيره وأخذت غطاء رديتر سيارة أخوي وضبطت السياره بعدها

بحكم خبرتي بالكابرس SS موديل 96 أعطيك رأيي

أولا لا تركب طرمبة ماء أصلية لو عطوكياها بلاش وركب بدالها طرمبة أمريكي وسعرها بحدود 150 ريال وهي راح تعمر معاك أما الأصلية أنا اعطيك ضمان انها خلال ثلاث أشهر بالكثير بتخرب

ثانيا حساس الحرارة اللي بالطرمبة بدله لأنه يخرب دايم ويحتاج تبديل كل 100 الف بالكثير

ثالثا في حساس للحرارة ثاني وهو اللي يظهر لك الحرارة بالعداد وهو يجي بالسلندر من جهة الراكب وهذا يخرب ويعطيك قراءة غير صحيحة للحرارة وعيبه انه بدايته بلاستك

رابعا المراوح ما راح تشتغل الا لما توصل الحرارة للثلاث أرباع وانا حليت المشكلة اني شبكت المروحة وسويت لها زر بالطبلون وقمت اشغلها لما اوقف بالزحمه ... وانا سمعت ان في ناس تبرمج الكمبيوتر وتخلي المروحة تشتغل بالثلث او النص

بالنسبة لفحص المراوح شغل المكيف وافصل الحساس وهذا وايره يكون على طرمبة الماي وشوف دفع المروحه هل تحس فيه ضعف ؟ اذا ضعيف بدل مكينة المروحة وهذي سعرها بحدود 120 ريال للوحده وفكها بسيط اربع براغي وبدل .

خامسا عدو الSS هو الهوا اللي بالراديتريعني لو في شوية هوا الحرارة بتولع معاك وحلها لازم تنسم للحرارة يعني تشغل المكيف وتفك برغي التنسيم عالخفيف لما يطلع الهوا بالكامل وتشوف الماي بدا يطلع سكر البرغي ... ولازم تسوي هالطريقه ثلاث أو اربع مرات على كم يوم حتى يطلع الهوا بالكامل ...

سادساً بلف الحرارة ( الثرموستات ) للكابرس SS نوعيه خااااصه ولا يصلح له نوع ثاني ابدا ابدا لأن نوعية التبريد في الكابرس معكوسة فإنتبه إن الثرموستات اصلي وليس العادي .

سابعا اذا ما بدلت غطا الراديتر غيره الآن بأصلي ولا تبدل الا اصلي فقط .

ثامنا تأكد إن مافي أي تهريب في الأهواز ولو بسييييط لأن أي تهريب الحرارة تصعد على طول

بالتوفيق :)

اخوي تاكد من المراوح يمكن ما تشتغل عند النص وزي ما قالك اخوي ( bten )

سو زي ما انا مسوي في موتري ال ss 96 خل المروحه شغاله مع السلف والمروحه الثانيه مع المكيف
وما بتلاقي اثر للحراره

انا الحراره عندي في عز الضهر والحر على الربع بالضبط
وبليل تحت الربع بشوي وما عمري شكيت من الحراره

تقبل مروري ...

مشكلة ss 96 انه حساس الحراره الي راكب في طرمبه الماء مايشغل المراوح الا اذا وصلت جريب h

بعطيك حل مؤقت افصل فيشة الحساس الي راكب في طرمبه الماء وبتعمل المراوح على طوول جرب خلها يوم وشووف الحراه تحت او لا اذا كانت الحراره تحت يعني انه حساس الحراه الي في طرمبه الماء عطلان ومايشغل المراوح الا جريب h

وهذي صوره للتوضيح
http://shbox.com/ci/ci258.jpg

انتظر ردك

مساء الخير
الأخوان كفو ووفو إنشالله بس عندي إضافة بسيطه كمان
طالما السيارة حررارتها تنزل لمن تمشي ممكن السبب لديتر المكيف يكون متسخ ومكتوم حاول تنظف لديتر المكيف في أي مغسلة بضخ ماء قوي على اللديتر
وبالتوفيق

تحرق السيارة عند البيت بتخسر السيارة و بتخسر طوفت بيتكم
وتاخذ مخالفة و تحقيق وبلاوي
تراجع عن قرارك
وصلحها وخذ العلم من منتدى السيارات الذي هو من اجلكم وضعنا كل امكانياتنا

:a120(55):

شوف غطاء الراديتر



وشد على السيور
وشوف المراوح شغاله ولا ايش موضوعهم
لو كان مروحة الي شابكه بالسيور شوف الكلتش مالها

وفيه اشياء كثيره لازم الواحد يشوفها

وعليكم السلام والرحمة...

كما تفضل الاخوة الكرام... وطالما غيرت الرادييتر فقد تكون استخدمت قطعة تجارية كما حدث مع مضخة الماء.. تأكد من أنه أصلي... ثم تأكد من الليات والمراوح وحساس المروحة لأن المروحة لديك كهربائية...



تحياتي,,,,

نفس ما قال اخوي اهلا اهلا

وفي شي تأكد منه هو هواء المروحة هل هو قوي كفاية ولا لا
لأنك تقول عند المشي تنزل للنص

تحياتي،،،