السلام عليكم
عندي كراون فكتوريا ( توكيلات الجزيرة ) مطلعها من الوكالة
والحين طلعت فيها مشكلة
رح أروي لكم القصة بالتفصيل
0
00
000
0000
00000
بدأ في ضعف في الكهرباء الاحظه في أنوار السيارة
واذا ما شغلت السيارة لمدة 48 ساعة صارت ما تشتغل إلا باشتراك
غيرت البطارية واشتريت بطارية جديدة
نفس الحكاية
تطور الأمر وصار الضعف في الكهرباء واضح
وديتها كهربائي يماني ، وقال البطارية ممتازة والمشكلة من الدينمو
رحت اشتريت دينمو بـ 180 ريال ( معاد تصليحه )
وبعد ما ركب طلعت نفس المشكلة وزاد عليها ولعت لمبة البطارية
ونفس المشكلة السابقة
قال هذا الدينمو خربان لازم تغيره ، رحت رجعته بنفس الوقت من عند المحل
واشتريت بدل منه دينمو ( أمريكي ) جديد
ولما ركبه نفس المشكلة
وديت السيارة على كهربائي ثاني فلسطيني ، قال يا حبيبي لا تتعب نفسك ، الدينمو خربان
قلت له جديد !! قال وإن يكن خبران رجعه
وديته للمحل وزعل صاحب المحل ، وقلت له بدله لي بدينمو أصلي ي ي ي خلاص ما نبي غير الأصلي
قال تعال بكرة ما عندي الحين ، رحت ورجعت له بكرة ولقيت الرجال جايب دينموات أصلية .
أخذت واحد ودفعت الفرق ، ووديته للكهربائي الفلسطيني ـ، وقال : قبل ما أركب الدينمو رجعه لانه باين عليه مركب قبل هيك ، قلت يا ابن الحلال أنا فاكه بيدي من الكرتون ، قال ماني مسئول ، قمت رجعته للرجال صاحب المحل وغيرته بواحد ثاني ، وصاحب المحل قال لا يمكن اقبل منك أي ترجيع بعد كذه .
الفلسطيني ركب الدينمو الأورجينال ( الأصلي ) وللأسف نفس المشكلة .
قال الكهربائي الفلسطيني العيب من الدينمو ، قلت ما يصير هذا الدينمو رقم 3 نركبه وتقول من الدينمو
قال روح لأي كهربائي
رحت لكهربائي الكل بيمدحه ( باكستاني ) وشيك وقال الدينمو خربان :(
المهم ما عدت أصدق أحد ، شلت البطارية وجبت بطارية من سيارة صاحبي ( فورد برضه ) ونفس المشكلة ..
ياليت اللي عنده حل يفيدني
المشكلة الان اذا اشتغلت السيارة باشتراك أو بطارية ثانية تطلع المشاكل التالية :
1- لمبة البطارية تولع بعد 10 ثواني
2- أمبير البطارية بيلعب وبينط فوق على الآخير ولما أشغل مكيف ونور بينزل لين الربع
ثلاث أربع ساعات تفضى البطارية ومافي أمل تشتغل إلا باشتراك
ياليت أحد يسعاعدني وأكون شاكر ومقدر له
وألف شكر
