إذا كنت تستخدم زيت عادي مثل سوبر جي تي أو كاسترول العادي أو بترومين ألترا7 فإنه بعد المشي لأكثر من 5000 كيلو تقريباً تروح لزوجة هذي الزيوت خصوصاً في الصيف فلو تفحص الزيت تشوف بنفسك كيف التغيير ........... وطريقة الفحص :
طلع معيار زيت المكينه أمسح الزيت بأصبعينك السبابه والإبهام وأفركها لفتره إذا صار كأنه مويه مايزلق فمعناته أن اللزوجه راحت والزيت إنتهى لون الزيت البني ( لا) يعني أنه أنتهى .
لاكن لو كنت تستخدم زيت من الزيوت المسماة تخليقيه أو synthitic فهذي تتحمل إلى 000 10 تقريباً
وحتى هذي الزيوت لازم تختار المناسب فزيت mobil 1 مناسب لبعض السيارات في الشتاء القارس فقط , لاكن الأنسب للصيف لجميع السيارات تقريباً هو كاسترول ماجنيتك ( علبتة خضراء ) أنصحك به فقد تم تجربته معي هو والموبيل1 في الصيف الموبيل 1 يحترق بسرعه , والكاسترول لا والسبب في درجة خفته أو التدفق المكتوبه على العلبه و هذا شرح مبسط :
خلنا نوضح شوي الأرقام المكتوبه ناخذ مثلاً زيت مكتوب على علبته هذي الأرقام
30 - 10W
الرقم الأول واللي قدامه حرف W والمأخوذه من WINTER بمعنى شتاء كل ماقل كل ماصار الزيت خفيف و سهل تدفقه في درجات الحراره المنخفضه في الشتاء . وكل مازاد كلما قل التدفق بمعنى أن الزيت لن يدور في المكينه بالشكل المطلوب إذا كان بارد |170| ,
وهذا مضر جداً للمكينه خصوصاً عند أول لحظات تشغيل السياره في الشتاء فقط ويبين إذا كان الرقم مرتفع في بعض السيارات خصوصاً الديزل يسمع صوت طقطقه مع بداية التشغيل , فالأفضل في الشتاء أن يختار زيت رقمه الأول 10W أو أقل
والرقم الثاني 30 هذا معناه أنه يعطي عند درجة حرارة المكينه الطبيعيه وهي شغاله
يعطي حمايه وعمر أفضل 30 مره من الزيت العادي جداً . لأن هذي الزيوت معدله ماهي زيوت بتروليه عاديه والزيوت التخليقيه مضاف لها إضافات أكثر تجعلها ولو هي محترقه لاكن معها مواد تحافظ على اللزوجه .
بيقول قائل ليش الزيت اللي درجته 0W/40 مثلاً مايتحمل في الصيف وهو درجة تحمله 40 بينما زيت ثاني درجته 10W/40 يتحمل , هنا الزيت الأول خفيف ويتحمل 40 ضعف فقط في درجات الحراره المنخفضه فقط والزيت الثاني 40 ضعف أيضاً لاكن للصيف والمفروض للشتاء أيضاً لاكن لأنه أثقل بمعنى أسمك فمايناسب في الشتاء لأن تحركه في المجاري بيكون صعب وهو بارد والكلام هنا عند بداية التشغيل والزيت بارد .
وهذي اللحظه مهمه إلا درجه أن بعض الشركات صنعت زيت خاص يصب بمقدار قليل مع زيت المكينه يكون جدار حمايه على الأجزاء المحتكه مع بعضها إلى أن يأخذ الزيت دورته بعد الثواني الأولى من التشغيل ويتم التزييت بالشكل المطلوب . مثل زيت XTRA LUB ومثل مادة C المضافه للزيوت التخليقيه .
إذا بتعبي زيت عادي عندك الخيار بين الزيوت اللي أرقامها بين ( 50 أو40 / 20W-15W-10W ) مثل سوبر جي تي 20W/50 - وألترا7 20W/40 وغيره
لاكن لاتنزل عن 10W في الصيف ولاتزود عنه في الشتاء .
وبالتوفيق :)
[/SIZE][/SIZE]
[/SIZE][/SIZE]