مرحبا يا جماعة ، وشلونكم عساكم طيبين ؟
شفت لي اكسبيديشن موديل 2003 استعمال أمريكي ، ماشي 60 ألف ميل ، المراتب جلد ، ولونه كحلي . وحالته العامة جيد جداً .
السعر 61500 ريال ( واحد وستون ألف وخمسمئة ريال ) .
السؤال :
هل هذا سعر مناسب أم مبالغ فيه ؟
من زمان ودي بسيارة عائلية مستعملة لأن ما معي فلوس أشتري جديد ، وناس نصحوني باليوكون ، وناس باللاندكروزر .. الخ
بس اتضح لي أن كل شيء غالي ، ولقيت هالاكسبيديشن في أحد المعارض في الشفا ، وجاز لي بصراحة ، بس حبيت أسألكم بصفتكم خبرة وتبخصون المواتر .
وش رايكم بالسعر وبالسيارة وموديلها بشكل عام ؟
هل فيها مشاكل وقلق تطلع لي بعدين ؟
وشلون قطع غيارها الاستهلاكية مثل : فحمات الفرامل والأشياء الثانية اللي تتغير بصفة مستمرة ، هل هي غالية ، أغلى من الياباني مثلاً ؟
ضروري أعرف التفاصيل التافهة والصغيرة ، لأني ناوي أصفي محفظتي في الأسهم وأشتري سيارة مثل هذي ، فما أبي أندم وانقهر عليها تكفون .
شكراُ لتجاوبكم مقدماً .
