يا شباب دبات السيارات عالم كبير وخداع
وكل سيارة تسمع صوتها في المقطع يعجبك لا تنخدع فيه فمثلاً تركب دبات بورلا لموستنج
v8 يعجبك صوتها ولكن عند تركيب نفس الدبات على سيارة ثانيه غير الموستنج مثلاً على فكتوريا او لومينا صدقني الصوت يختلف وتقول يا خساره على المبلغ اللي دفعته.
وهذا الكلام عن تجربه وعن كلام راعي محل تزويد سيارات يقول ركبنا دبات على الموستنق وطلع صوتها تمام وركبنا نفس الدبات على كابريس وطلع الصوت لك عليه
وقال لي قصة واحد من الشباب معاه كورفيت وسمع مقطع لصوت دبات كورسا
واعجبه وشراء طقم اقزوز كامل من الا لشركة كورسا ب11 الف وعندما ركبها ندم ندم عظيم
وطلع الصوت ازعاج مو طبيعي لدرجه ان مديره واخوياه في الدوام يعرفون انه جاء من صوت سيارته وهم في مكاتبهم ههههههههههههه شكله ما يقدر يفخت من الدوام
لأن مديره اذا شغل السيارة عرف انه بيروح وبيدق عليه جوال ههههههههه
وعلى طول باعها حتى بخساره بعد.
وعني انا جربت دبات الماجنا فلو على كابريس 2000 والصوت طلع كنه دباب توصيل طلبات هههههههههه
وجربت دبات الفلوماستر وصوتها حلو ولكن في الخط على سرعة 100 مزعجه
فخلاصة الكلام انصح الشباب بالتالي:
1- الكابريس واللومينا : دبات شورفلو وهي استراليه ومصممه لهذه السيارات.
2- الموستنج : البورلا وبعدها الفلوماستر.
3- الفكتوريا من كراون فكتوريا وجراند ماركيز : دبات الفلوستر44s .
4-السيارات اليابانيه اللي مكينتها سعتها صغيره: دبات الفلوماستر.
5- التشارجر : الفلوماستر والبورلا.
وافضل واحسن شيء انك تدخل على موقع البورلا او موقع الفلوماستر وتختار الدبات اللي تناسب سيارتك لأنها مصممه لها وفيه في الموقع مقاطع فيديو لكل سيارة وكذلك سواء سيارتك v6 او v8 كل منها له دبات خاصه به.
وايضاً لكل دبه في كل شركة انواع في الصوت وهذا مقطع لأنواع دبات البورلا:
http://www.youtube.com/watch?v=TyJCVQuyWVw&feature=related
وهذا موقع الفلوماستر:
http://www.flowmastermufflers.com/
تحياتي للجميع
