نـصـيـحـه هــامــه لـلـحـفـاظ عـلـى مــوتـرك جــديـد ..!

السلام عليكم ورحمة الله وبررررركاته ... كيف حالكم يا الاشانيب انشالله انكم بخير

المهم اليوم طالعين للاستراحه انا والشباب ودخلنا مواترنا داخل الاستراحه وقلت يا فهد لك اسبوعين

ما فتحت الكبوت ولا شفت الزيت وانا اقوم واشوف الزيت والحمد لله طلع الزيت تمام التمام ولله الحمد

وبالفتره الي انا اشوف فيها الزيت جاني واحد من الشباب وقالي علامك تطالع الزيت فك عمرك وحط

العداد ولامنها جت 10 الاف كيلو رح وغيره ..؟ وكلام هالشاب هذا انا لاحظته في كثير من المواضيع

المطروحه في هذا المنتدى انه في بعضهم من اول ما يغير الزيت يكيل العداد ولامنه صقع 10 الاف ولا

15 الف راح وغيره ... وهذي انا اعتبرها إشـاعـه وطريقه مالها اساس من الاصل

لان المكينه تختلف من موتر لموتر الزيت لازم يعاير يوميا والله يا جماعه اني اغير الزيت والموتر ما

تعدى الفين كيلو انت لا تعتمد على العداد انت افحص الزيت على الاقل كل يومين تأكد منه وشوف

درجة اللزوجه لان اللزوجه مع هالقـيض الي عندنا تقل كثير .... والله يا جماعه بعد كلام الشاب فتحت

كبوت سيارته وشفت الزيت وطلع اسود وشفنا العداد وطلعت ماشيه 4 الاف و 600

وهو لا يطالع بالزيت ولا يفتح الكبوت ابد لا صقعت 10 الاف قطها على البنشر ويعني انه محافظ

على السيارة بالعكس هذا اعتبره اهمال للسياره السيارة لازم تشيك عليها كل يومين او ثلاثه

واترك عنك سالفة الــعــداد وكيل العداد بعد تعبية الزيت يعني ان الزيت ما يعتمد على المسافه

المقطوعه لكن بسبب اختلاف الاجواء وكل ما ارتفعت درجة الحراره قلت اللزوجه واصلن فكرة الزيت

قائمة على اللزوجه ........

والسموحه يا الاشانيب على الشرح لكن اتمنى ان تكون المعلومه وصلت لان كثير من الناس

يجهل بهالامور هذي ويعبي الزيت ويكيل العداد ويمشي ولا يفتح الكبوت الا بعد ما تتعدى السيارة 10 الااف ويقول انا محافظ على السيارة .... ولا تحرمونا من ردودكم وارائكم ............