ساعدوني بختيار السياره الافضل 300الف

طيب مادام مريت على الموضوع يا اخوي سامر .. ودي استفسر منك ..

- الاودي اي 8 مت راح يتغير شكلها .!!! لان شفتها عند الوكاله ب 245 اتوقع وفيه وحده ب 260 على ما اظن ..

ياليت تقوولي هل راح يتغير او لا ..

- الاودي اي 6 V8 شرايك فيها ..

السياره حلوه لكن للاسف ما تصلح لي ..

انا قلت اذا الحجم مو مهم مرة:e058:

رشحت له الأي 4 لأن بالنسبة لي شكلها احلى بكثير من اختها الكبيرة

و طبعا القرار راجع له في النهاية :a120(37):

^^^^^^^

اخوي حرام تقوله اي 4 و هو يبغى في حجم الاي 8

ما يهمك الحجم Audi A4

والله فخمة في المشي مميزة بمعنى الكلمة خاصة الواجهة في الليل مع انوار الليد رهيييبة

تسلم على الرد ..



الاودي a5 حلوه بس ما ابغى سياره كوبيه ..

مشكور على الرد ..



الاكس فايف حلو بس سعره مبالغ فيه شوي 270 على السته سلندر على ما اعتقد ..
وبيني وبينك ودي بسياره 8 سلندر ..

الاكس 6 شكل جديد وملفت للانظار بشكل غير طبيعي .. وفخامه وتناسق في الديكور (( مره عاجبني من داخل )) بس من برا لك عليه شوي .. من قدام كأنه الفئه الثالثه ومن ورا الاكس فايف يعني مكس ..




مشكور على النصيحه .. وانا الى الان ما رسيت على شي 100% بنتظر لين شهر 11 او 12 وبشوف .. الله يكتب الي فيه الخير ..


شاكر لك مرورك ..

ماشالله ميزانية ممتازة وأنا أخوي أنصحك بالكايين لأنه ماشي مع ميزانيتك ومواصفات قوية وحلوة

ولاتنسى الأستخارة طبعا

تقبل مروري

السلام عليكم ورحمة الله وبركاتة
الله يبارك لك
ولكن اقولك السيارة وسيلة وليست غاية الغاية هو دخولنا الجنة التي اعدها الله للمؤمنين وانت منهم ومن يقرا ان شاء الله بس انصحك تشتري سيارة على قدك والباقي تعمل به عمل خيري صدقة او بناء مسجد او او او من الاعمال الخيرية وبطون الفقراء والمساكين او من استغلال شركات السيارات
كل الشكر لك اخي الكريم وموفق خير

الكايين شكلها قبيح من الداخل

انا ارشح الاكس 5

او الاكس 6 الجديدة كلياً

حتى مركبها افخم وتحس بثقل السيارة وتناسقها وفخمتها من الداخل والخارج


في النهاية انصحك اي سيارة تود شرائها وعدم الاقدام على اقتنائها الا بعد ان تقتنع تماما بها

وبالتوفيق

السلام عليكم ورحمة الله

تم التصويت للكايين ولكن لو توسع خياراتك في اودي جديدة هي A5 وسعرها 258 مع بودي كت
وبدون بودي كت ب238 الف ريال وللأسف ماعندي صورة لها ومبروك مقدما :)

الكايين

ثم الاس 350

شاكر لكم ردودكم ..

والله للحين ما شريت بنتظر لين شهر 11 او 12 بشوف سيارات موديل 2009 الي ما نزلت مثل مرسيدس E اتوقع بيتغير و الرنج روفر و الاودي اي 6

الله يكتب الي فيه الخير ..

أنا مع الأخوان الكايين هو الأفضل |1|

ماقلت لنا وش صار معك شريت ولا توك تنتظر :)

بالتوفيق اخوي ,,

تحياتي,,,

الكايين اختيار رائع

سيارة فخمة وتصميم أكثر من رائع واعتمادية

ويكفي انها من صنع البورش اقل السيارات اعطالاً

ننتظر تقريرك عن استخدامها

والله يعطيك خيرها ويكفيك شرها

مثل ما قلت الانسب لي الكايين اس قوه ومواصفات وشكل

شاكر لك ردك اخوي SOSO_SS

الكاين ماشالله شكلها حلوووو
وسعرها حلوو ومواصفاات لاكن
المرسدس 340 نو مواصفات
الاكس فايف الفل بي 340 الف فل كامل
واكيد الحين عليه عرض
والف مبرروك

مشكور اخوي على الرد ..
شكلي بتوكل على الله بحجز لي الكايين اس والله يكتب اللي فيه الخير ..


شاكر لك ردك ..

هلا اخوي
ما شاء الله ميزانيه طيبه
الانسب لميزانيتك من بين اللي ذكرتهم هو الكايين اس لان سعره بحدود 270 الف

اما الاكس 5
فهو 6 سلندر نفس مواصفات البورش لكن المحرك اضعف و الجنوط اصغر و سعره 270 حسب قائمة الاسعار الاخيره اللي خذتها منهم :)

الاس 350 ستاندرد بدون نيت فيجن ولا ابواب كهربائيه و جنوط العاديه كان سعره ب 380 الف وصار عليه عرض مده ووصل 340 الف بس الحين ما عندي فكره لكنه بهالحدود

و سعره فل 420 الف درهم

عموما

الانسب بين المذكور هو البورش و سبب اختياري هو
انها الافضل للميزانيه المطروحه
الاقوى كمحرك
و المواصفات ممتازه للسعر
و بورش مشهود لها بالاعتماديه و القوة و الراحه

ملاحظة الاسعار المذكوره عند وكلاء الامارات و عندنا شوي اغلى من السعوديه


و مـــبرووك مقدما