تشغيل المكيف اثناء وقوف السيارة لفتره طويله ماهي اضراره على المكيف والمحرك

يضر السيارة ياخوي من قالك مايضره شوف خله ربع ساعه الظهر بالحر وشوف الحرارة توصل
نص انا معي نيسان وصلت حرارته نص بالحر

كان عندي ددسن موديل 90 وحاط رديتر فتحتين او أكثر ناسي

كان المكيف يشتغل والسياره واقفه احيانا ست ساعات بسبب ظروف عملية (( نوم ))

وعادي ولا شيء الحرارة نايمه معي بعد

صراحه سيارات نيسان مشهوره في عدم الرتفاع الحراره وقوة تبريد المكيف

انا كنت أقيل في الددسن حقي اذا صرت اراجع بعض الدوائر غير أيام الامتحان والحرارة والتبريد ممتازين.

الله يعينك اهم شي المكيف في الصيف

انا اذا كنت في زحمة الرياض خريص الظهر بعد الدوام يصير مكيفي حار طول ما انا في الزحمه واذا مشيت من الزحمات بمسافة يبرد

فحصت السيور سليمة والحرارة طبيعية ورحت للكهربائي قال عادي

والله ذا الفورد انه غثيث

اعتقد انه لا يؤثر علي حرارة السيارة طالما ان المراوح مية مية والسيور مية مية
شغل التكيف ولا تخاف

سلام......يا خوي اذا كان المكيف الكتروني عادي مايضر لانه وقت مايحتر يطفي تلقائيا وهكذا..لاكن لو كان المكيف عادي راح يعدم المحرك لانه ليس فيه خاصية تحكم واستشعار انشاء الله استفدت من خبرتي :emot114:تحياتي..................ز

^^^^^^^^^^^^^^^^^^^^^^^

اشكر للجميع على التفاعل مع الموضوع وارائهم المفيده للكل

على حسب السيارة أخي الكريم ، وحسب حالتها التبريدية ، فإذا كانت سيارة ما تسخن ومكيفها ما يحتر ، فلا يوجد أي مشكلة في ترك المكيف شغال ..

صحيح كلامك ، هذا في حالة الاختناق بغاز أول أكسيد الكربون ..

لكن اللي ذكره العضو الكريم vip2010 هو أنه في حالة النوم داخل السيارة وجميع الأبواب والنوافذ مغلقة ،، وكانت وضعية دوران الهواء في المقصورة ، وليس من الخارج ، ، فهنا يكمن الخطر ، فمع الوقت سينتهي الأكسجين ويحل محله ثاني أكسيد الكربون ، الذي سيسبب الاختناق ثم الوفاة ..

شكراً لك أخي الفهراني على الموضوع المهم

سؤال مهم ياصاحب الموضوع واحترت فيه

لاني احيان انتظر احد بالسياره او تنتظر اخوك بالمدرسه

وانلطع بالشمس فأحتار

اخلي المكيف واانا جالس وشوي اطفيه اخاف اضر السياره

اتمنى القى جواب يضر السيارة والا لا ؟

الاختناق يا الغالي اذا كنت في كراج ومشغل السيارة ومكان مغلق صحيح بسبب غاز اول اكسيد الكربون لانه عديم الرائحة ويكون احد مكونات الغاز المنبعث من العادم او بالعامية الشكمان


اما اذا كان المكان مفتوح مثل مواقف السيارات والهوا يكون متجدد مافيها مشكلة ابد ان شاءالله


تحياتي لك

الأخوان اللي يقولون انهم ينامون في السياره والمكيف شغال احذرهم احيانا يؤدي هالشيء الى الاختناق ومن ثم الوفاه وسبق اني سمعت اكثر من قصه عن هذا الموضوع

اممممممممم ..

مادري بس اتوقع الى نص ساعه عادي ..

بعدها اتوقع يضر لان المكينه مايجيها هوا كافي ..

وعن نفسي قد نمت بالسياره مايقارب 3ثلاث ساعات والحمدلله تمام ..
×××××××××××××××××××××××××××××××××××××××

اعتقد انه عادي
..
انا في الجامعه بين المحضرات ..
اشغل السيارة والمكيف واجلس احيانا فوق الساعتين ولا فيه اي مشكله .. ومره انتظرت فوق 4 ساعات والمكيف شغال ..

اذا السياره يوجد به منضم وهو بلف الماء ومراوح اتومتك اضن مفيها اي مشكله لأن منضم الحراره يمنع دخول الماء الي المكينه وابقاه دخل الاديتر حت تعمل المراوح على تبريد وارساله الي المكينه
لانا فائدت المنضم عدم دوران الماء باستمرار وانما بطريقه متقطعه لكي يكون درجت حرارته منتضمه دخل المكينه

انا ياخوي ماشوف انه يضر على السياره بس اهم شيء انه الحراره ماترتــفع خصوصا السيارات التي مراوحه سير
انا عننفسي مجرب لليل اول في المدينه كنت اطلع من العمل يوم الاربعاء الساعه 9 اروح استني اختي عند الجامعه ماتطلع الا الساعه 1،30 وبعدين امسك خط ينبع وبعدين ماشاء الله تبارك الله الحراره في المدينه فوق الا ربعين
تـــقبل تحياتي كبادي

السلام عليكم

اخواني دام السيارة فيها مراوح وشغالة مية مية ما فيها اي مشاكل ان شاءالله

المشكلة اللي ممكن تحصل اذا نظام التبريد في السيارة مو شغال صح يعني ممكن المروحة ضعيفة او يكون الحساس ما يستجيب بسرعه للحرارة ويشغل المروحة او يكون الرديتر ناقص سائل التبريد فية

وما تفرق اذا المروحة كهربائية ولا مربوطة بعمود الكرنك اللهم الكهربائية يكون فيها حساس يشغلها متى ماارتفعت الحرارة.
اعرف ناس كثير مغيرين المروحة المربوطة في العامود بوحدة كهربائية ولا ثنتين عشان التخفيف على المكينة وعشان جودة التبريد تزيد وبعضهم يغيرون الحساس حق الحرارة ويركبون واحد يستجيب لحرارة اقل عشان تكون الماكينة دايم باردة.

اكيد لما تكون مسافر على خط والهوا يضرب الرديتر تحس ان المكيف برودته اعلى لانه يكون ابرد من انك تكون موقف

تحياتي لكم ويا زين الياباني ما شاءالله تبردية فوق الممتاز :)