شوفو لي حل مع مكيف الماركيز

السلام عليكم

اولا وانا اخوك خراطيش الهوا الحار علامتها نا مكيفك يقلب على طول حار ولا يفصل بس انا ابدلك عل الحل ان شاء الله :

واحد من هالاسباب وغيره لا تدور وانا اخوك

1- فيه فيش يجي قريب من البطاريه هذا هو لحساس ضغط الكمبروسر على ما اعتقد لكن غالبا يكون فيه ضعف بالكهرباء او فقدانها نتيجة وصخ ينضفونه لك او بدله .

2- فيه الفيش اللي يجي قريب من الكمبروسر وهذا هو اللي يشغل لك الكمبروسر انتبه منه مرات يسوي نفس مشكلة الفيش السابق .

3- نوعية الفريون ونقصها عن الحد الطبيعي يسوي لك نفس المشكله .

4- اذا كان لوحة التحكم عندك اكترونية وهذا اخر حل لك عادة يكون فيها لوز ( خلل بالتوصيل الداره الكهربائيه ويبيلها تلحيمات من داخل وهذي شغل فني محترم للاكترونيات .

المهم وانا اخوك انا ابدلك وادل الاخوان على واحد ما شاء الله عليه كنت انا كل سنه اعبي فريون للفورد من صيف لصيف وجيت ابغير كمبروسر من عند البيان وكان ضمانهم يوم واحد فقط ورحت له بالصدفه يوم الله اراد وقال جبلي سيارتك وانا اغير لك كمبروسر واصلحها واعطيك ضمان شهر

جبتله السياره وطبعا انا معروف عد كل الصناعيات لي شروطي ما صلحت شغلتي ترجعلي فلوسي وفلوس القطعه اللي اشتريها لك

المهم قال عطني 350 ريال وتعال بكره جيته من بكره لقيت السياره فللي



مكانه وانا اخوك اذا انت من اهل الرياض ورحت مع الدائري الشرقي ووجهك جنوب وجاك مخرج 17 رح يمين يعني رح للصناعيه القديمه

المهم اول اشاره بالصناعيه القديمه رح معاها يسار امش على طول بيجيك البيان على يمينك وتشالنجر على يسارك رح بعد سيده

قبل ما يوقف الشارع فيك ب 50 متر شف على يمينك محل فتحه وحده بس ولا عنده الا تكييف بتلاقي فيه سوري اسمه محمد
اشرحله مشكلتك واشرط الضمان وادعيلي وانا اخوك


هذا والله اعلم

اخوي مشكلتك مثل الي عندي فياليت لو لقيت الحل انك ما تبخل علينا
:smile:

هذا من ابرة المكيف
تراها تطير الفريون

وصح تراني مجرب نظفت كل شي لان الكبروسير اخترب وقلت خلني انظف البااقي وصاار ابرد بواااجد من الاول

اخوووي شيك على الكمبوريسر وبكرات المكيف واهواز المكيف والفريون وعلبه الفريون

رووح الى كهربائي عدل وقول له يفك لك كل شي الي دكرته فووووق يمكن واحد منهم محترق او خرباان او قوول له ينظف لك كل شي بغاز نتروجين هو يجي علبته برتقاليه واسمه فريون 11 جرب والتجربه خير برهااان

وان شااء الله افتدك والعلم عند الله

افصل خرطوش المكيف الحار اي لغي التكييف الحار
وادعيلي

سلام يا عسل
مشكلتك ببساطة ان شاء الله هي روح للمكينيك وقل له يفصل لي المكيف الحار
صار معي وفضل الله انتهت المشكلته

الكلتش والكويل والبكره جدد والفريون امريكي من يومين مغيرنه

هذا ياسيدي اكيد بكرة المكيف < الكلتش > فقوم بتغيرها وتعبأة الفريون

والله الأخ أهلا أهلا ما قصر و أعطاك معلومات مفيدة طبقها و إن شاء الله تنحل المشكلة
أخوك خالد

فيه ورشة البيان بالصناعية القديمة ،، لو تسأل أي واحد راح يدلونك عليها ،، واذا محد فادتك قوولهم وين ورشة العضيب لكزس ،، لأن اذا وصلت العضيب لكزس تلقى البيان مقااابلها ،،

طبعاً الورشة متخصصة بسيارات فورد فقط ،، وانا اتوقع إنك راح تلقى الحل عندهم بإذن الله ،،

اخوكــ

اخوي الحل
عندي ان شاء الله اولا افصل خراطيش الحار وثانيا روح للكهربائي وخله يفصل كيبل الموزع حق الحار والبارد وموجود خلف المسجل تقريبا واذا تبي تفكه انا اقولك
فك الدرج الجانبي وبمفك طويل تلقا الكيبل فوق على اليسار تفصله ويضبط معاك كل شي
انا صار لي هذا الشيء وهذا حله عندي ماركيز 200 فل
او روح للورشة واشتري الموزع وغيرة بدون فك خراطيش وقلق ( الاجواء عندا برد مرة في الشتاء )

شوف اذا المكيف اول شيء بارد واذا سخنت السياره يجي المكيف حار

لكن في الليل او في البرد ما يصير حار الا نادرا




التحليل ::

مكيفك اللي في السياره خربان


النتيجه ::

لديك عطل في مكيف سيارتك


نجي للجد

اتوقع فيه تهريب في الفريون كحل شيك عند اقرب كهربائي او حق فريون وطلع هالاحتمال اللي ذكره كمان اخي اهلا هلا


ترى تجارب بس

المشكله من الكمبرسر اخوي الله يعينك نفس طريقة صديقي ساعه يبرد وساعه يطلع حار

يا عزيزي هناك امر بيط جربه و ان شاء الله تنحل المشكلة مثل ما حصل معي
روح للورشة وقوله الغي اللي حق الحار ( الخرطوش )

صدقا انا لست من السعوديه ..
وان شاء الله الاخوه العارفين يفيدوك