تحذير من الوعلان مخرج 5 - حسبي الله ونعم الوكيل

شباب انا ازيرتي بشاشه و8 ايرباقات و6 سيديات ماخذها من المجدوعي بـ 95 الف وكسور

السيديات للأمانه اول ما اخذتها ماكان فيها لأن الشاشه ماتاخذ الا سيدي واحد

المهم رجعت ونشبت لهم نشبه كرهت المندوب انه باعلي سياره وكرهت المدير بمكتبه من كثر ما ادخل له وبعدين ركبو لي 6 سيديات بالشنطه من نوع الباين

انشب له وماعليك

السلام عليكم
:emot154:
اول شيئ نبارك لك بالسياره والله يعطيك خيرها ويكفيك شرها
اخي الحبيب مواصفات الأزيرا تختلف من وكيل لآخر وكذلك الأسعار
انت اعتراضك على عدم وجود 8 اكياس هوائيه لكن احب اطمنك ان الوعلان ما غشك بالعكس انا اشوف ان سعر الأزيرا عنده مناسب تعرف عندنا في جده سعر الأزيرا بدون شاشه وبمحرك 3.3 ب 100 الف ريال صحيح فيها 8 اكياس هوائيه لكن ان شاء الله اننا في غنى عنها
صدقني الكل يفضل ان السياره تحتوي على مواصفات رفاهيه اكثر من مواصفات الأمان والحمد لله سيارتك لا تخلو من مواصفات الأمان بالعكس فيها وسادتين بالإضافه الى اهم صفة رفاهيه موجوده اليوم وهي الشاشه والملاحه وبسعر رخيص فعلا 98.500 فقط
بالنسبه للإخوه المعترضين على السعر الصراحه مالكم حق شوفوا عندكم الأوبيروس بدون شاشه وبدون 8 اكياس هوائيه (2 اكياس هوائيه فقط) وبكم 86.000 ريال
*سعر الازيرا 3.8 شاشه 8 اكياس هوائيه ب 116.000 عند الناغي يعني الفرق 17.500 حق الأكياس الهوائيه السته *

المشكلة اللي نعانيها ان الموظفين في الوكالات ... مايعرفون وش السيارات اللي يبيعونها اهم شيء يجي يجلس على المكتب يبيع السيارات على الناس يخلص اوراق ويطلع .. لا يعرف مواصفاتها الموجودة في المعرض والمستودع ولا الشكل الجديد اللي بينزل بعدها .... انا اقول لازم تاخذ حقك منهم على الاقل انهم يخصمون من قيمة السيارة تقدير بقيمة الايرباقات.... ويرجعونها لك ولو كان القيمة من حساب الموظف اللي باع لك السيارة عشان يكون عبره للموظفين اللي عندهم ... وكل واحد يعرف وش يبيع ...

مع السلامة

لا لا لا لا لا

اسمحلي اخوي ..

قل مافيه زنون .. ما تحتاجه .. نقول ايه ..

قل مافيه كماليات ومدري ايش .. ما تحتاجها .. نقول بعد ايه ..


لكن ايرباقات وتقول انت ما تحتاجه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اجل وش اللي تحتاجه ؟؟؟ جلد ؟؟ فتحه ؟؟؟ جنوط ؟؟؟ ذي مفيده واكسسوارات وزينه .. لكن الاهم ناقص !!!!


اسمحلي بقوة بعد ..

على عيني وراسي .. السياره ملكه .. وفخمه ورووووعه ..


لكن الرجال قالوا له انها 8 ايرباقات ..

وعلى ضوئها الرجال شرا السياره ودفع فيها هالمبلغ ..


يعني طلع سي دي واحد الرجال مشاها لهم وقال مافيه مشكله..
راس ماله سي دي وزي ما قال الاي بود يسهل الامر ..

لكن اهم شي بالسياره .. الاماااااااااان .. ناقص ؟؟؟؟؟؟؟؟؟؟؟؟

اجل ليش دافع اكثر من 98 الف ؟؟؟؟؟؟؟؟؟؟؟؟؟؟؟؟؟؟؟؟




تحياتي ..

--------------------------------------------
ولا تتركهم اخوي .. انشب .. لو توصل لدرجة رفع الصوت ولو توصلها وين ما توصل .. ولو تضل سنتين تلحق وراهم .. هذا حقك .. ولو صار اللي صار .. يضل الموظف بالنهاية هو المسوؤل ..

انت وش ذنبك ؟؟؟
انت جاي ومتأكد انهم اعلم منك بسياراتهم .. وبالنهاية كذا ؟؟؟

الله يفرجها عليك وييسر امرك ويرجع لك حقك .. والله يعينك على التعب ودوشة الراس .. لكن كل ذا يهون ولا يضيع حقك ..


بالتوفيق ..

الله يعينك . . لاتسكت عن حقك ابدآ . .

واتمنى ان تقول لنا وش صار معك ! ! ؟

الله يسهل عليك الطقاق

:smilie6: تبي فزعه

الله يعينك اخوي بس اظن انها غلطتك انك ما تأكدت

يعني قبل لا تستلم السيارة او اسأل موظف ثاني

يوم شرى الوالد السيارة سأل كل الموظفين عنها
خخخخخخخخخخ
مع انه ما يعرف شي بس يبي يشوف هل فيه اختلاف بين كلامهم

تحياتي،،،،

عليهم

ولا تتنازل عن حقك

وعلى طارى المندوب

انا كنت اعرف عندهم مدير معرض

والله ما كان يعرف وش هى مواصفات السيارات الى قدامه فى الصالة

والمشكلة ان البروشورات كلها قدامه

الحق على ادارة الوعلان الى توظف ناس ما عندهم اى سالفة

المشكلة ليس في الأمانة فهي إن شاء الله موجودة

بل الكلام على الجهل العجيب من مندوبي الوكالات عموماً

من طلعت الأزيرا بشاشة ما قد صارت 6 سيديات وإلى الآن يتكلمون عنها

:(

اففف
لا حول ولا قوة الا بالله لا تسكت عنهم

الله يعينك أخوي
فعلا سعرها 98000 ريال مبالغ فيه بدون إيرباقات 8

على العموم حاول انت
ولا خلهم يرجعون لك جزء من المبلغ اللي دفعته

وإذا لا سمح الله ما ضبطت
إن شاء الله أنت مو بحاجه لها الإيرباقات الزيادة
والسيارة حلوه فيها ولا بلاها

الله لا يحوجنا لأحد

بس لا تسكت عن السعر على الأقل

الله يوفقك
أخوكم أبو عبدالعزيز

الله يعينك اخوي ....


واذا تبي نصيحتي ...

روح غث ابوهم ... تراهم حرامية هذولا ....


اجل يقولك 10 سيديات وهي بس سيدي واحد ...

ويقولك 6 ايرباقات وهي بس ايرباقين ...


هذ قمة النصب والاحتيال على الناس ...

واذكرك اخوي ...


ترا (( الساكت عن الحق شيطان أخرس )) ....


تحياتي لك ..

الله يعينك اخوي ..

بس لاتسكت عنهم ..