شريت سيارة جديدة وابي نصايحكم

الله يعطيك خيرها ويكفيك شرها

الف مبروك مقدما على السيارة ويعطيك خيرها ويكفيك شرها

انا بعد صارلي شهرين من يوم طلعت السوناتا حقتي وقبل ما استلمها كنت مثلك ابي معلومات عشان كذا دخلت افضل منتدى ولقيت افضل اعضاء مثل ما انت سويت وافادوني صراحه عشان كذا انا بحاول افيدك بعد باللي اقدر عليه.

بالنسبه للتضليله لو تبي تضلل عندك نوع كوري عازل سعره حوالي 80 ريال كويس يزبن وضعك مع الشمس وفي نوع ثاني امريكي سعره حوالي 700 ريال هذا توب التوب بس سعره غالي بس يعزل 75% من حرارة الشمس وعاد انت واللي يناسبك.

وبالبنسبة للتكييس فهو منظر ويحمي المراتب عشان ما تتوسخ لكن من ناحية الراحه فهو مو مريح وبيعرق ظهرك وانا من ناحيتي صراحه ما احب التكييس لكن كل واحد عاد وذوقه.

النظام الصوتي للسيارة ممتاز عشان كذا ما بتحتاج تركب سيستم الا اذا كنت راعي فلة وتفجير صوت.

ومن تجربتي للسيارة اتوقع انها ما تحتاج الا لشيين تضليلة وزينون بس.

وبما ان هذي اول سيارة تطلعها في ثلاث امور لا تنساها اول ما تستلم السيارة اول شي السرعه ما تتعدى 80 والمكيف لا تشغله الا على واحد بس ولا تضغط على الفرامل بقوة كل هذا لين تمرن السيارة يعني تمشيها الف كيلو بعدها خذ راحتك .


ارجو اني اكون افتدك ولو بشي بسيط اخوك محمد الحارثي (big fox)