ما رأيكم بالدورانجو ؟ بماكينة Dodge Hemi 5.7 X 335HP?

نصيحة ابعد عن اي سيارة من صنع كراسيلر دائما في سياراتها مشاكل هذا غير الوكيل السئ
وهذا عن تجربة عندي jeep شيروكي موديل 2000 شارية وكالة السيارة رخيصة عند الشراء
لكن تعال بعدين عند قطع الغيار والصيانة شئ يرفع الضغط زيارة وحدة تخليك تحرم بعدها
عندنا فورد اكسبديشن موديل 97 شارينة وكالة ماشاءالله 11 سنة ماعمرة طلب غير القطع الاسهلاكية وهو عدا 350 الف كلم ولاعمرة طب الوكالة
وعندنا كراون فيكتوريا 2003 شارينة وكالة صيانة 1000 وبعدها سلام
اللي استنتجته سيارات فورد اعتمادية عند شرائها جديدة وليست استعمال امريكي او غيرة
وهي ليست بالضرورة ان تكون تملك محركات قوية
راجع الوكالة انا اعرف ناس اشتروا بهذا السعر محرك 5,4
خلاصة الكلام اي سيارات تبيعها المتحدة ابعد عنها وانا اقول هذا الكلام بعد خبرة 7 سنوات مع الشيروكي (ولا احد يقولي استعمالك سئ ) ليش الكلام هذا ماانبطق على الاكسبدشين والفكتوريا والازيرا:emot171:

انا جربتها لمسافة 600 كم ولكن لو تقول لي هل هي افضل من سيارات تويوتا راح اقول لك لا
خذ برادو 6 سلندر افضل لك من جميع النواحي
الدرانقوا سياره مريحه في السفر لكن هل هذا هو المهم؟ طبعا لان هناك متطبات اخرى كخدمات مابعد البيع وقطع الغيار وتوفرها وتعدد وجود فروع للصيانه والرغبه في البيع وامور كثيره

مافيه في السوق شي مقبول للعائله وعملي الا اليوكن او البرادو او الفورتشنر طبعا حذفت اللاند بسبب سعره الغير معقول

أخ راعي التيترو و تـــMـــيـــM أشكركم على مروركم، وأكيد بجرب الموتر إن شاء الله أسبوع أو إثنين بحول الله وقوته



ماني خسران إلا 110 آلاف ريال بس :)

اللي قلت عنه منتشر بالشوارع وأغلبها مع الشركات , وأنا بنفسي شفته مره بالطعوس ماشاء الله عليه طلع طلعه قوية بدون ماياخذ عزم عكس السيارات الباقية اللي يجيك طااااير ويرقى الطلعه . .



طيب مانت خسران شي روح وجرب الموهافي . . بس لحظه يمكن تخبط عليك المكينة بعد سنتين أو أقل لأن أول سنه لها بالسوق , والكوري معروف حده سنة أو سنتين بالكثير وبعدها عالتشليح . . !!

اثنين من الاهل يملكون منها واحد 2005 والثاني 2008 ولله الحمد ماشتكو اي مشكلة ويقولوا الصرفية ممتازة وهي ممتازة من وجهة نظري وقوتها ماهينه وسعرة ممتاز
وعلما انه رقم 2 يجي فيه نظام ملاحة يعني بنفس مواصفات الرقم واحد بس مايجي بفتحة ولا جلد
والمكيف ثلج وخير دليل الدودج نيترو مكيفة ثلج
مااعرف كيف المواصفات معكم

أخ وثاب ما عليك زود ، كفيت ووفيت وما قصرت ، اتمنى أني امتلك الموتر قريبا

أخوي بالنسبة للوكلاء وقطع الغيار ، تمت المقارنة ... ترى الوكلاء الجميح - التوكيلات (زبالة) وما يقدرون العميل إلا إذا كان معرفة أو واسطة ياخذ حقه وحق غيره !!
قطع الغيار تقريبا نفس السعر .. !!! لكن توفر القطع للموديلات الحديثة يعاني من مشكلة .. وغير كذا لا بأس على المتحدة على ما اعتقد،
بالنسبة لنصيحتك بالكوري .. معليش معذرة أنا ما ابغى سيارة اوضب ماكينتها بعد 3 سنوات وكل اللي اعرفهم خذوا كوري اكثر شي تحملت الماكينة بعد العناية بها 5 سنوات !! أما المازدا ما تقارن بالقوة ةالرحابة والراحة للأمريكي ولكنها موتر يحترم لكن ما يصلحلي بخط 120 كلم ذهاب و120كلم إياب افضل الرحابة والتحمل الأمريكي،

[CENTER]ابشر ما طلبت شي

بالنسبه للتكييف مافيه اي مشكله انا اتكلم عن سيارتي اذ تمشي ما شاء الله ثلج اذا وقفت شوي تقل البروده شي بسيط والتبريد ممتاز واعتقد انه بكل الامريكي

بالنسبه للحراره اذا وقفت وطولت شوي تبدا ترتفع الى فوق النص بشي بسيط وبعد ذلك تشتغل مروحه عقب تنزل الحراره

وصدقني كل الحالتين ما عانيت منها خلال استعمالي للسياره

وخلال تجربتي للسياره وللامانه احس اني ولله الحمد توفقت

السياره ان بغيت قوه قويه ان بغيت مركب مريح و بغيت بالرمل وبالبر صدقني تنومسك والسياره عمليه عيبها وكيلها ما خدمها ونقل بعض الناس معلومات عنها ماهي صحيحه

[/CENTER]

شكرا للجميع على الإفادة الطيب،

الأخ وثاب اتمنى عليك تجيب على نقطة التكييف ، فكما يقول الأخ فيق أنه هناك مشكلة بسوء التكييف فما هو رأيك ؟ خصصوصا عندي خط يوميا 120 كلم ولا أنا ناقص عيب ضعف التكييف ! فهل صحيح من تجربة موترك أنه سيئ؟
وهل يوجد حقا مشكلة حرارة ؟ أم انها حالة خاصة .. وخصوصا انه بالكويت حر يمكن اكثر من عندنا بالسعودية حسب ما جربت من زيارة قديمة !

الدرانجو موتر وبس يبرد القلب تكفى لا تخليه

سقت الدورانجو مرة .. بالنسبة لي كان فيها عيب شرعي و هو المكيف .. جدا تعيس ..يعني التظليل الحراري لازم لازم لازم ..

و يوم سألت الوكالة عندنا ( بالكويت ) اعترفوا ان كان فيها مشكلة بالحرارة .. وا لموديل الجديد لو تلاحظ ان في مروحة اضافية موجود امام الراديتر و خلف الشبك ..

سعره بالكويت 7000 دينار .. يعني قريب 98 الف ريال ..

[/CENTER][/CENTER]

(كل فئات الدورانجو في السعودية تجي بمكينة الهيمي 5.7L فقط)
صحيح انا افضل الاكسبديشن القوه330حصان هيمي كتير لازم يترافق مع فرامل قوي الكبح عن تجربه الاكسبديشن الافضل من عدت نواحي ولاثنين لستخام مدني بحت

طلبت من غير اصحاب التجربة عدم الافادة ... !!

حبيت بس اقول اني بحثت في السيارة هذي الكثير واعرف عنها تفاصيل كثيرة , وكنت قاب قوسين او ادنى اني اشتريها ,, ولكن اخذت الكوماندر لتجهيزات الدفع الرباعي فقط من ناحية الوزن والحجم وزاوية الاقتراب فقط...... يعني اذا عندك استفسار فني معين ممكن اساعدك فيه اهلا وسهلا.

(كل فئات الدورانجو في السعودية تجي بمكينة الهيمي 5.7L فقط)

موتر جيد

لكن موجود عندك خيارات اخرى افضل

وسمعت عن مشاكل في الحرارة والوكيل سيء جدا بشهادة الجميع

السلام عليكم.......
حياك الله أخوي
والله يوفقك وتلقى السيارة المناسبة لك

الدورانجو ومن خلال ركوبي لها مرارا عند ولد عمي وهو يملك موديل 2005 فل أوبشنز
فهي مريحه وعزمها ماشاء الله طيارة
ولكن الكلام في شكل السيارة والوكيل المبالغ جدا جدا بسعرها
وفوق هذا سعرها وقت البيع (( إن شاء الله ما تحتاج لبيعها ))
السيارة فيها صوت بالشنطة الخلفية بعد إستخدامها فتره وصوت محركها مرتفع عند التسارع
وغير كذا فالسيارة ممتازة

وأنا بوجهة نظري ومن خلال كم تجربة
أنا أرشح كالأتي :
1- اليوكن أو التاهو
2- فورد أكسبديشن
3- دودج دورانجو

وذلك لأن اليوكن والتاهو والأكسبديشن أضمن من ناحية الوكيل والكل يشهد لهم بالإعتمادية المطلقه ولو أن الأمريكي مشهور بمشاكل الكهرباء

ولو تبي تغير عن السابقات فأنصحك تشوف الهيونداي فيراكروز والكيا موهاف و المازدا SUV
وكلهم سيارات لا يستهان بها ولو أن الأمريكي أريح قليلا منهم

تحياتي لكم
أخوكم أبو عبدالعزيز

من ناحية الإكسبديشن

أحــسن شئ سويــته فيهم

ولا تسكت عن حقكـ

وأنا من رأيي تدخل على المدير وتقول له السالفة وهو بيحل لك المشكل وبيطلعلك السيارة من المستودعات (صدقني أصلا الإكسبديشن نادرا ما يتوفر بمكينه سعة 4.6 لتر وتجي منه دفعات قليلة جدا , وهذا يبغى يصرف وحده منهم عليكـ)

علشان كذا أقولك راجع مديرهم

بالنسبة لدوج درانجو

والله أنا أقولك السيارة قوية ومتينة

بس مشكلتها وكيلها أنا بالنسبة لي كنت بأطلع كرايسلر C300 بس للأسف الأهل ما وافقوا كله من الوكيل وسمعتة

والمشكله الأخرى عدم توفر كافة قطع الغيار

وبالأخير يبقى الخيار لك ولا تنسى الأستخارة

وأكرر وأقول الدرانجوا سيارة لا يستهان بها والإكسبديشن ممتاز عن تجربة

وأي استفسار أنا حاضر



تحياتي

أستاذ GTI بتاع الفوكس .. سيارات الإمتاع والإقناع .. وخاصة GTI اخوي عنده واحدة 2005 بجير عادي 6 غيارات،


شكرا على المعلومات اللي اتحفتني بها ، وخاصة الأماكن .. وتجربة قريبك

^^^
شكرا على مرورك يا فهد ، بس الحجم مو مهم عندي الدورانجو يكفيني وزيادة ، أنا كنت أبحث عن كل شيئ والحجم آخر شيئ أفكر فيه ! توني متزوج وعندي طفلة واحدة (عقبالك) ، يعني عدد المقاعد والحجم مو مهم،
لكن أحب SUV اللي بحجم الإكسبيديشن - يوكون - ودورانجو ترا في منها مقصورة طويلة وفي قصيرة زي اللي بالصورة،

وشكرا على المعلومات اللي أترفتنا بها