اسعد الله الوقاتكم بكل خيـر
اخواني الكثير منها تمر به مشاكل في الصيانه وتكون متعبه ولا يجد لها حل بسهوله
انا حبيت اتطرح الموضوع للمشاركه الجميع
وراح ابداء بنفسي
السياره لكزس 400
المشكله : حراره
المشكله كانت زياده في الحرار بدرجه مخيفه
السياره ما فيها نقص في الماء ابدا
كل الليات سليمه
وديتها لاكثر من ورشه كلهم يقولون كل شي سليم وبداء تطلع الافكار العجيبه
الي يقول راس المكينه والي يقول هذ الحرار من القير
ورديتها للمشعل متخصصين في الكزس السياره جننتهم شغلوها ورفعوها على الرافعه ولا استفادو شي
اخر شي قالوا بنفك الماكينه طبعا رفضت الحل هذا
اخر شي دخلتها جو البيت وقلت لازم احلها بنفسي
بديت في فحص الرديتر طلع سليم
الليات سليم كل شي سليم .. ولكن من كثر ما اني تعبت ضغط اللي بقوه لتاكد من ان فيه ماء
وهنا كان الحل لقيت شرخ صغير في طرف اللي من جهة الرديتر وكان ينسم ضغط الهواء وعشان كذا ما كان يتفح البلف
قصته اللي وركبته وكل شي ممتاز
المشكله الثانيه
السياره مرسيدس 300 موديل 1993
في عام 1995 كنا مسافرين للدمام فجاء السياره السياره ما تتعدى ال100 مع الضعط بكل قوه على الابنص
ترجع توقفها .... وتدوس من البدايه تمشي 160 كل شي ممتاز تنزل عن 160 ترجع للميه وترجع المشكله
وصلنا للرياض فحصها الجفالي وقال هذي طربه البانزين وتم تغييرها
وبعد ايام قليله الطبلون ما صار يشتغل لا عداد السرعه ولا غيره ما فيه الا الضغط
والدركسون صار ثقيل تقول زيت
رجعناها للوكاله قال الطبلون محتاج تغيير وقيمته 4000 ريال
الوالد ما كان مقتنع بالحل هذا من الخط كل شوي يطلع مشكله
ودها ورش المرسدس المتخصصه ما لقوا حل
واخر شـي استعمل الوالد السياره على حاله
بعد فتره كان في الوكاله لتغيير زيت او شي زي كذا
وكان في فرع الجفالي الى عند الغرابي الان اصبح معرض بوش
طلب ابوي من الفني فتح الكمبيوتر ورفض لان الفرع فقط للخدمه السريعه وغير مسموح لهم بفتحه
ولكن الاصرار عزيمه وبعد فتح الكمبيوتر وجد 3 فيوزات
وكان احدها خربان تم تغيير وفي الطريق الى العوده الى البيت اشتغل الطبلون فجاء عاده الدركسون كما كان
والمشكله في في الخط من الفيوز وليس الطرمبه
______________________________________
موقف يمكن تستفيون منه
الموقف صار للوالد يمكن في 1980 او قبل
السياره 200L
الوالد راجع من طريق الحجاز وكان في احجار في الطريق وضربت تانكي البانزين
الوقت متاخر ولا فيه صيانه في الطريق
وكان الحل هو تمر ( الله يكرم النعمه ) و صابون تايد
تم مزجهم مع بعض حتى اصبحت قويه ومتماسكه
وتم بها رقع الخزان والحمد لله كانت فكره ناجحه
اعذروني على الاطاله
